| mcms001.1 | tays ha mab han speris sans | taz ha mab ha'n spyryz sans |
| mcms001.2 | wy a bys a levn golon | hwi a byz a leun golonn |
| mcms001.3 | re wronte theugh gras ha whans | re wrontyo dhywgh gras ha hwans |
| mcms001.4 | the wolsowas y basconn | dhe wolsowez y basyon |
| mcms001.5 | ha thymmo gras ha skyans | ha dhymmo gras ha skians |
| mcms001.6 | the therevas par lauarow | dh'y dherivaz par lavarow |
| mcms001.7 | may fo the thu the worthyans | may fo dhe Dhuw dh'y wordhyans |
| mcms001.8 | ha sylwans then enevow | ha selwyans dhe'n enevow |
| mcms002.1 | suel a vynno bos sylwys | seul a vynno boz selwyz |
| mcms002.2 | golsowens ow lauarow | golsowens ow lavarow |
| mcms002.3 | a ihesu del ve helheys | a Yesu dell veu helghyz |
| mcms002.4 | war an bys avel carow | war an byz avel karow |
| mcms002.5 | ragon menough rebekis | ragon menowgh rebukyyz |
| mcms002.6 | ha dyspresijs yn harow | ha disprisyyz yn harow |
| mcms002.7 | yn growys gans kentrow fastis | y'n grows gans kentrow festyz |
| mcms002.8 | peynys bys pan ve marow | paynyyz byz pan veu marow |
| mcms003.1 | du sur dre virtu an tas | Duw sur dre vertu an taz |
| mcms003.2 | thynny a thyttyas gweras | dhyn ni a dhyghtyas gweres |
| mcms003.3 | en mab dre y skyans bras | an mab dre y skians bras |
| mcms003.4 | pan gemert kyg a werhas | pan gemmerth kig a wyrghes |
| mcms003.5 | han sperys sans leun a ras | ha'n spyryz sans leun a ras |
| mcms003.6 | dre y thadder may fe guris | dre y dhadder may feu gwryz |
| mcms003.7 | gothaff paynys pan vynnas | godhav paynyz pan vynnas |
| mcms003.8 | neb na ylly gull peghes | neb na ylli gul peghez |
| mcms004.1 | an dus vas a theserya | an duz vaz a dhesirye |
| mcms004.2 | thethe gulas nef o kyllys | dhedhe gwlaz nev o kellyz |
| mcms004.3 | gans aga garm hag olua | gans aga garm hag oelve |
| mcms004.4 | ihesus crist a ve mevijs | Yesus Krist a veu mevyyz |
| mcms004.5 | may fynnas dijskynna | may fynnas diyskynne |
| mcms004.6 | yn gwerhas ha bos genys | yn gwyrghes ha boz genyz |
| mcms004.7 | gans y gyk agan perna | gans y gig agan prene |
| mcms004.8 | arluth du gwyn agan bys | arludh Duw gwynn agan byz |
| mcms005.1 | ihesu crist mur gerense | Yesu Krist meur gerense |
| mcms005.2 | the vab den a thyswethas | dhe vab den a dhiskwedhas |
| mcms005.3 | an vghelder may these | a'n ughelder mayth eze |
| mcms005.4 | then bys pan deyskynnas | dhe'n byz pan dhiyskynnas |
| mcms005.5 | pehadoryon rag perna | peghadoryon rag prene |
| mcms005.6 | o desevijs dre satnas | o desevyyz dre Satnas |
| mcms005.7 | rag henna gorthyn neffra | rag henna gordhyn nevre |
| mcms005.8 | ihesus neb agan pernas | Yesus neb a'gan prenas |
| mcms006.1 | an peynys a wotheuys | an paynyz a wodhevis |
| mcms006.2 | ny ve ragtho y honan | ny veu ragdho y honan |
| mcms006.3 | lemmyn rag pobyll an bys | lemmyn rag pobel an byz |
| mcms006.4 | pan vons y kefis mar wan | pan vons i kevyz mar wann |
| mcms006.5 | an ioull the adam kewsys | an zyowl dhe Adam gewsis |
| mcms006.6 | an aval te kemer tann | an aval ty kemmer tann |
| mcms006.7 | avell du y fethyth gurys | avel Duw y fydhydh gwryz |
| mcms006.8 | pan yn provas nyn io mann | pan y'n provas nynz o mann |
| mcms007.1 | war lyrgh mab den the begha | warlergh mab den dhe beghe |
| mcms007.2 | reson prag y fe prynnys | reson prag y feu prenyz |
| mcms007.3 | yw ihesus crist the ordna | yw Yesus Krist dhe ordne |
| mcms007.4 | yn neff y vonas tregys | yn nev y vonez trigyz |
| mcms007.5 | y vos kyllys ny vynna | y voz kellyz ny vynne |
| mcms007.6 | y doull ganso o tewlys | y dowl ganso o tewlyz |
| mcms007.7 | rag henna the bob dythgthtya | rag henna dhe beub dyghtye |
| mcms007.8 | forth a rug the vos sylwys | fordh a wrug dhe voz selwyz |
| mcms008.1 | kyn na goff den skentyll pur | kyn nag ov den skentel pur |
| mcms008.2 | par del won lauaraff thys | par dell wonn lavarav dhis |
| mcms008.3 | yn tre du ha pehadur | yntre Duw ha peghadur |
| mcms008.4 | acord del ve kemerys | akord dell veu kemmeryz |
| mcms008.5 | rag bonas gonn pegh mar vur | rag bonez agan pegh mar veur |
| mcms008.6 | mayn yn trethe a ve gurys | mayn yntredhe a veu gwryz |
| mcms008.7 | eff o crist a theth dhen leur | ev o Krist a dheuth dhe'n leur |
| mcms008.8 | mab du ha den yw kyffris | mab Duw ha den yw keffryz |
| mcms009.1 | ragon y pesys y das | ragon y pyzis y daz |
| mcms009.2 | oll y sor may fe gevys | oll y sorr may fe gevyz |
| mcms009.3 | gans y gorff dre beynys bras | gans y gorf dre baynyz bras |
| mcms009.4 | agan pegh may fo prennys | agan pegh may fo prenyz |
| mcms009.5 | mab marea leun a ras | mab Maria leun a ras |
| mcms009.6 | oll y voth a ve clewys | oll y vodh a veu klywyz |
| mcms009.7 | ha kemmys a theseryas | ha kemmyz a dhesiryas |
| mcms009.8 | thotho eff a ve grontis | dhodho ev a veu grontyyz |
| mcms010.1 | i vam pan yn drehevys | y vamm pan y'n drehevis |
| mcms010.2 | hay vos deuethis the oys | ha'y voz devedhyz dhe oez |
| mcms010.3 | gull penans ef a pesys | gul penans ev a bezis |
| mcms010.4 | henna ganso nyn io poys | henna ganso nynz o poes |
| mcms010.5 | devguans dyth ow penys | dew_ugens dydh ow penyz |
| mcms010.6 | y speynas y gyk hay woys | y spenas y gig ha'y woez |
| mcms010.7 | ha woteweth rag densys | ha wortiwedh rag denzyz |
| mcms010.8 | eff an geue awell boys | ev a'n zeve awyll boez |
| mcms011.1 | han ioull henna pan glewas | ha'n zyowl henna pan glywas |
| mcms011.2 | y demptye a brederys | y demptye a brederis |
| mcms011.3 | ha thotho y tysquethas | ha dhodho y tiskwedhas |
| mcms011.4 | cals meyn hay leuerys | kals meyn ha'y leveris |
| mcms011.5 | mars sos mab du leun a ras | mars os mab Duw leun a ras |
| mcms011.6 | an veyn ma gura bara this | a'n veyn ma gwra bara dhis |
| mcms011.7 | ihesus crist par del vynnas | Yesus Krist par dell vynnas |
| mcms011.8 | thotho ef a worthebys | dhodho ev a worthybis |
| mcms012.1 | mab den heb ken ys bara | mab den heb ken ez bara |
| mcms012.2 | nyn geuas ol y vewnans | ny'n zeves oll y vywnans |
| mcms012.3 | lemmen yn lauarow da | lemmyn yn lavarow da |
| mcms012.4 | a the the worth an dremas | a dheu a_dhiworth an dremaz |
| mcms012.5 | dre worthyp crist yn urna | dre worthyp Krist y'n eur na |
| mcms012.6 | lemmyn ny a yll gwelas | lemmyn ni a yll gwelez |
| mcms012.7 | lauar du maga del wra | lavar Duw maga dell wra |
| mcms012.8 | neb a vynno y glewas | neb a vynno y glywez |
| mcms013.1 | gans gloteny ef pan welas | gans glotni ev pan welas |
| mcms013.2 | cam na ylly y dolla | kamm na ylli y doelle |
| mcms013.3 | en tebell el a vynnas | an tebel el a vynnas |
| mcms013.4 | yn ken maner y demptye | yn ken maner y demptye |
| mcms013.5 | war penakyll yn goras | war bynakyl y'n gorras |
| mcms013.6 | dyantell the esetha | deantell dhe esedhe |
| mcms013.7 | a vgh eglos tek yn wlas | a_ugh eglos teg y'n wlaz |
| mcms013.8 | an ysethva y thesa | an esedhva yth eze |