#### Bodleian Manuscript 791 #### Complete Text #### Resurrexio Domini Nostri Jhesu Christi. #### Source: Edwin Norris (editor and translator) #### The Ancient Cornish Drama (2 volumes), #### Oxford: Oxford University Press. 1859 #### Electronic text prepared by Jon Mills #### Department of Linguistics #### University of Luton #### Vicarage Street #### Luton #### Bedfordshire #### LU1 3JU, UK #### Updated 30th November 2000 #### ----------------------------------------- #### Mors Pilati section corrected against ms images #### Keith Bailey June 2006 #### kam@howlsedhes.co.uk #### ----------------------------------------- ### folio 57r # HIC INCIPIT ORDINALE DE RESURREXIONE DOMINI NOSTRI JHESU CHRISTI #### ______________________________________________ PILATUS ihesu a fue anclethyys hag yn beth a ven gorrys gans ioseph ha tus erel y leuerys ef yn weth datherghy an tressa deth [5] y wre pur wyr hep fyllel mar tufe ha datherghy mur a tus a wra crygy ynno y vos dev a nef dyswrys a vyth ol iudy [10] ha kellys an lagha ny dre reson sur me an pref consler thymmo lauara pyth yv an cusyl wella orth an dra-ma hep lettye [15] gyllys of yn pryderow mur yv ow fyenasow yn certan war ow ene CONSULTOR arluth dout thymmo yma ha preder mur a vn dra [20] an corf eth hythev yn pry ioseph baramathia the laddra map maria ha cous ef the thasserhy ## PILLATUS !! PILATUS ytho pyth yv the cusyl [25] worth an dra-na the wruthyl lauar lemmyn ha ty a vyth rewarddys may leuerry me a grys kyns pen sythyn [30] CONSULTOR ioseph yn dan naw alweth ha nichodemus yn weth gureugh y pur fast mana allons yn priveth y laddra yn mes an beth [35] dre nep fals cast [hic veniet Josep et Nicodemus ad pilatum] ## IOSEPH !! JOSEPH syr pilat thys lowene corf crist a gysseugh gyne yn beth gallas NICHODEMUS as wrussough cam tremene [40] cuth gueles y theweth fe namnan dallas PILATUS corf yn beth a worseugh why a wre bost a thasserghy yn certan the pen try deyth [45] pleme thymmo leuereugh mas the wel ym gorthebeugh fast prisonys why a vyth ### folio 57v ## IOSEPH !! JOSEPH an corf a worsyn yn beth dre henna ioy hep thyweth [50] sur yn y wlas ef a sef the pen try deth ha henna ny a'n guylvyth gans dev lagas PILATUS a fals harlot gowek pur [55] ty a yn pryson yn sur na wylly deyth ha me a wyth na'n lyttry na cous ef the thasserghy vn ger tuch vyth [60] NICHODEMUS dasserghy sur ef a wra par del prennas an bys-ma gans y gyk ha gans y wos me a leuer an guyr thy's kepar del ywe scryfys [65] pur wyr gans lyes profos PILATUS ha ty a ganso yn weth pur wyr yn dan naw alweth scon yn certen ha ty a veth prysonys [70] na wylly golow yn bys bys pen vlythen ## IOSEPH !! JOSEPH yn pryson mos ny treynyn agan bew kyn kentreynnyn ol agan kyc [75] rak ihesu luen a vercy a'gan gor sur the'n keth ioy byth na thyfyc PILATUS how geyler plos re'th fo meavl ygor scon abarth an iaul [80] the tharasow gor an thew-ma yn pryson ## # Lewis 'prison' pan fons fast ro thym hep son the alwethow ### folio 00r CARCERATOR a treytors anfesugyon [85] eugh aberueth lemmyn scon a thev asowhy gocky [carcerarius ducit eos ad carcerem] syr iustis kymmer hep son naw alwyth agas pryson ## # Lewis 'prison' na fo dout a treghury [90] [hic tradet sibi claves] PILATUS rak the vos geyler mar len me a re thy'so lemyn fekenel ol yn tyen carvenow inwet merthyn CARCERATOR grant merci syr iustis [95] vynytha syngys of thy's [hic spiritus uenit ad portas inferni] ## SPIRITUS CHRISTI !! SPIRITUS IHC why pryncys a'n dewolow scon egereugh an porthow py mar ny wreugh y fyth guow yn certan kyns tremene [100] rak an porthow hep dyweth a vyth ygerys yn weth sur may thello aberueth an myghtern a lowene LUCIFER ny dal thy's scornye gyne [105] pyv myghtern a lowene a thesempys thy'm lauar ## SPIRITUS !! SPIRITUS IHC arluth cref ha galosek hag yn bateyl barthesek rak henna ygor hep mar [110] why pryncis LUCIFER ny dal thy's scornye gyne pyv myghtern a lowene thy'mmo lauar byth ny thueth agy the'n yet [115] ke yn kergh dywhans hep let na strech hep mar ## SPIRITUS !! SPIRITUS IHC arluth gallosek ha cref worto an porthow ny sef yn certan kyns tremene [120] drefen mar mur yv ow ras ef yv gallosek yn cas ha myghtern a lowene why pryncis [franguntur portae inferni] [et sic tercio. tunc intrabit in infernum et dicit lucifer] LUCIFER a out guereseugh laddron [125] gallas an porthow brewyon hag ol myns o belsebuc ha lawethan dylleugh luhes ha taran quyt a'n losco [130] BELSEBUC thy'nny gueres ny dal man myl vyl dyaul a vye guan er-y-byn ef yn nep tol fyen the'n fo alemma bys may thello [135] sul a the'n nef TULFRYC ha my caugeon lawethan merwel a wren ow cul tan yn dan an chek ene ythese gynef [140] moy ages myl vyl enef yn bros pur dek [hic spiritus extendit manum] ADAM an luef a'm gruk me a wel ha'y odor whekke ys mel ow tos warnaf [145] dre ov fegh ty a'm collas ha gans the wos a'm prennas merci pysaf ## EUA !! EVA lemmyn cryst agan arluth mur worthyans thy's del theguth [150] worth agan dry alemma bynyges re bo an prys may fe a venen genys an wyrhes ker maria [hic venit spiritus cum omnibus in platea] ## SPIRITUS !! SPIRITUS IHC a enefow ol warbarth [155] deugh gynef ol why a wharth kemmys re wruk both ow thas ha nep na'n gruk war nep tro yn peynys trygens eno hep ioy prest may's teffo cas [160] a a adam thy'so cres yn weth the ol ow fleghes myns yv guyryon yn paradys deugh thu'm clos th'agas prenne me a ros [165] gos ow holon [hic spiritus ducit eos] ADAM a arluth mur gras re'th fo rak lowene ny gen bo yn le may fuen lemmyn pocvan ha lesky [170] ow flerye ov movsegy kepar ha kuen ## EUA !! EVA a ihesu myghtern a nef ty re glewas agan lef yr ascen thy's [175] kemmys na greysa goef yn peynys yfarn y sef bys gorfen bys ## SPIRITUS !! SPIRITUS IHC eugh lemmyn yn paradis kepar del y gys prynnys [180] marthys yn tyn bys ma thyllyf vy the nef yn vr-na cafus gynef re me a vyn myhal yn scon gorr'y th'y [185] yn tekter hag yn mur ioy dre pegh a fue kellys kyns rag pan yskynnyf the nef me a fyn cafus gynef kekeffrys eleth ha syns [190] [spiritus vadit ad sepulcrum comitatu angelorum] [et tunc adam cum videbit ibi ennoc etheliam quaerit admirando] ADAM creator a brys benen yn yfarn na feugh gynen fatel thutheugh why omma yma thy'mmo mur dysyr a wothfes ortheugh an guyr [195] pyw ough leuereugh henna ENNOC ennoc sur ythof hynwys the'n plas-ma y fuf rafsys yn kyc yn knevs the nor vys ythaf arte [200] rak gothaf mernens mey fe kyns ys deyth brus ADAM ellas pendra wreth yn bys ena anken ha trystys prest ow bones [205] woge bos yn lowene ty the dos drok yv gyne the vur ancres me a leuer an guyr thy's bewe pel a wruk yn beys [210] yn lafur hag yn anken gorhemmyn dev a terrys dre henna y fuf dampnys the vos neffre yn yfern ow arluth cryst dr'y vercy [215] a wruk ow dysprenne vy mes a yfarn yn teffry gans y kyc ha'y wos keffrys an enefow a ponow y's dros omma the'n golow [220] me a leuer thy's hep gow na whyla gy mos the'n beys ENNOC reys yv thy'm agy the lyst emloth worth an antecryst hag ef thu'm gruthyl marow [225] wose try deyth ha hanter bos yn nef yn vhelder gans cryst myghtern hep parow ADAM [adam loquitur ad heliam] ny won fatel yl wharfos ty a then omma the vos [230] dyuythys yn kyc yn knevs me a'th pys gans the ganow lauar thy'mmo the hanow rak wheth byth ny thueth deyth brues HELIAS helyas of yn certan [235] me a fue yn kert a tan the'n keth plas-ma kymerys yn plas-ma me a worto antecryst bys may teffo er-y-byn ythaf the'n beys [240] ADAM prag ytheta er-y-pyn rak cryst a brennas yn tyn omma a'th dros an beys yv cales kylden yn lafur whys hag anken [245] ha deyth ha nos ## HELYAS !! HELIAS antecryst yn lyes plu ## # ms a treyl pobyl thyworth dev yn pup le may kertho ef the'n beys ny a er-y-byn [250] hag yn y cous y'n fethyn dre grath a vap dev a'n nef yth orden agan lathe rak na yl agan fethe dre lauarow [255] ty a wor kyns dos the'n cres reys yv thy'n gothaf mernes ha bos marow [et tunc uertat ad latronem et dicit ei] ADAM ty creator bynyges fattel thuthte gy the'n cres [260] na fues gynen yn yfarn lauar thy'mmo vy pyv os rag omma awos the vos gynef vy by nyn syw bern ## DISMAS LATRO !! DISMAS lader of a fue iuggys [265] ha ryp ihesu cryst gorrys yn crous a pren me a gryes warnotho rak paynys pan na'n gefo tyller th'y pen [270] y'n gylwys map dev yn prof ahanaf may portho cof pan deffe th'y wlascor ef thy'm y leuerys perfeyth agy the ewhe a'n geyth [275] yn paradys ty a sef ADAM yn beys awos gothaf crok ny brefsys anken na drok dev guyn the vys bos yn yfarn yw drok fok [280] ow lesky yn tan ha mok anken pup prys ## DISMAS LATRO !! DISMAS cryst yw arluth a vercy kemmys a fynno crygy ha'y pygy ef [285] hep dout ef a vyth sylwys pan fo a'n beys tremenys yth a the'n nef [tulfryk infernum dicit] ## TULFRYK !! TULFRYC ru'm fay lemmyn a'n caffen er an ascal y'n toulsen [290] yn creys a'n tan ellas na thelleys a'm gwen th'y lesky vn luhesen ha crak taran BELSEBUC ellas thy'nny ny dal man [295] duello luhes na taran th'y lesky ef govy vyth drok yv gynef bones mar lyes enef ow mos the'n nef [300] ## SATHANAS !! SATANAS gouy er bos dywolow namn'agan dallas golow pan thueth an guas gallas mur a enefow a peyn hagh a tewolgow [305] ellas ellas [tunc dicit joseph in carcere] ## JOSEPH A. !! JOSEPH ihesu map ras . agan sylwyas dues gueres ny ha drengys tas . a wruk pup gulas ha den a pry [310] NICHODEMUS amen yn weth . aberth yn beth del re'th worsyn pen vyghterneth . dre the eleth byth socor thy'n DEUS PATER eugh ow dew el . thu'm seruons lel yn pryson evs hep ygery . na fos terry drew hy yn mes MICHAEL a arluth ker . prest hep danger y wren the voth [320] ol yn pup le . pur wyr neffre kepar del goth [hic descendant angeli et transient ad ioseph et Nichodemum in carcerem] GABRIEL yn mes duegh why . hep terry chy ha hep alwheth gylwys o why . pen arlythy [325] gortheugh an beth JOSEPH the ihesu gras . luen yv a ras hag a vercy fos ny torras . na war tharas ny thue thy'nny [330] NICHODEMUS cres ys a hos . dev a allos y vones thy'n scullyas y wos . rak yonk ha los sylwel mar myn [hic venient quatuor milites ad pilatum] ## I MILES !! MILES I [ad pilatum dicit] syre me a'th cusulse [335] ordyne tus the wythe beth a'n treytor yv marow meneugh fest y wruk bostye an trege deyth dasuewe kyn fe lethys mar garow [340] ## II MILES !! MILES II ha mar ny wrer y wythe y thyskyblon yn pryve a'n lader yn mes a'n beyth hag a leuer yn pup le yvos dasuewys arte [345] ha gyllys the ken tyreth ## III MILES !! MILES III yn della mar a whyrfeth myl weth a uyth an dyweth me a'n te re synt iouyn ha hakere es an dalleth [350] rak henna tus ervys freth gor th'y wythe a termyn ## IV MILES !! MILES IV mar ny fethe ef guythys gans y tus y fyth laddrys ha'n corf yn mes kymerys [355] ha gorrys ef the ken pow y a leuer ol yn weth y vos daserghys a'n beth ha gyllys gans y eleth yn pur wyr the nef golow [360] PILATUS eugh lemmyn ow marreggyon bys yn beth alemma scon del owgh tus ven cryst myghtern a'n yethewon na'n laddro an crystenyon [365] guytheugh war peyn ## I MILES !! MILES I syre pilat hep parow guythe an corf yv marow dy'nny yv reys y laddre mar whyle den [370] war ow ene ef a'n pren may fo dyswrys PILATUS gueyteugh ol er agas fyth pan bostyas the pen try deyth y tasserghy the vewnans [375] gobar da why agas byth gon dansotha ha cruk heyth mar scap ytheugh the'n mernans ## II MILES !! MILES II me a'n guyth kyn tassorgho thy-worthy'n den na'n laddro [380] by na porth dout dalhen mar cafaf ynno pur wyr ny scap kyn fynno na'n geffo clout ## III MILES !! MILES III ny'm bues ovn vyth annotho [385] ha dreheuel kyn teffo scon me a re clout thotho may ro'n mayle war an dor agy the'n beth men yv clos me a'n guyth sur deth ha nos [390] awos y dysciplys plos kyn teffons y vyth mar clor ## IV MILES !! MILES IV dun alemma cowethe y weles me a garse ow thastel ym-threheuel [395] yn certan mar remvfe y pen crak me a torse kyn couse vyth mar huhel [et tunc ibunt ad sepulcrum] ## I MILES !! MILES I an beth me re anysyas warnotho yma men bras [400] dres ol an myn coskyn ny gans dyaha kyn dasvewo ny'n dregha thywar y geyn tau sy cowys renothas [405] vyth nynsyv yn della vas thy's lauaraf guyryoneth reys yw the onan golyas war y torn pup y thyffras y gowyth pyw a thalleth [410] ## III MILES !! MILES III dallathans nep a fynno rak coske reys yv thy'mmo re synt iouyn sur lour of vy annotho den marow na threhavo [415] sur bys deyth fyn ## IV MILES !! MILES IV guythens pup y tenewen ha me a gosk ryp y pen rag y wythe ## I MILES !! MILES I nynsus gorryth na benen [420] byth wel cusyl bys vycken a lauarre [hic dormiunt milites] [tunc surrexit Ihesus a mortuis et iet ubicunque voluerit et cantant angeli cristus resurgens et postea dicit maria] MARIA a tas ker yn huhelder ty a formyas nef ha beys rak luen os a hunelder [425] hag a allus kekeffrys ty a wor yn pup maner fatel fue ow map lethys yn grous yntre dev lader y corf whek a fue gorrys [430] pan wylys vy y wane dre an golon gans an guv me a wruk scon clamdere byth ny wylyn yn nep tu y weles me a garse [435] ha cous orth ow map ihesu mar ny thue thu'm confortye ow mornyngh vyth ogh ha tru me a wruk y anclethyes hag a'n gorras yn beth men [440] the voth sur mar pe genes guelas ow map y carsen a tas dre the luen weres the pygy certan mensen tarye lemmyn na wrelles [445] rak yma thy'mmo vy ken ow map whek me a vynse a luen golon the pygy a thos thy'm ha fystyne del thethyvsys thy'mmo vy [450] y wres yn ban dasfewe the'n tryge deth yredy lemmyn gura ow kerenge kepar yn beys del vynny IHC. o salve sancta parens [455] the nep yv ioy ow colon ha'm melder kepar ha kens dre pur natur ha reson pan wreth hepcor an bevnens hep guthyl na moy cheyson [460] a hugh an eleth ha'n sens ty a thue the nef thu'm tron MARIA ota gy ow map ihesu dynythys thu'm confortye an tryge deth yv hythev [465] thy-worthyf aban ethe whet ny ellys yn nep tu gothfos ganso fatel fe y carsen guelas an fvu anotho y voth mar pe [470] [genuflectit Maria] IHC. ow mam whek ha'm kerenge me yv ihesus the vab ker me re thuth the'th confortye nak na vy gy yn a wher datherghys na wra doutye [475] of a vernans ow melder ty a yl y atendye bos guyr ow cous kettep ger [Maria amplexatur eum et osculatur] MARIA a uap ker lowene thy's ha sylwadur a'n bys-ma [480] a'n beth the vos datherghys y luen crygy me a wra ow colon yv mur huthys nynsus peyn orth ow greffya bynyges re bo an prys [485] may wruk the thon y'm nascra vs whet the'th corf galarow na torment orth the greffye yw saw ol the wolyow a wylys vy the squerdye [490] a wruk an gu ha'n kentrow the kyc precius dafole lauar thy'mmo caradow lemmyn gorthyp fatel fue [genuflectit Jhs] IHC. reuerons thy'so a vam ker [495] henor mur ha lowene ny'm gref peyn yn nep maner a wrello thy'm drok neffre mernans trystyns hag anger me a wruk aga fethe [500] may thyw lemmyn da ow cher nynsus tra orth ow greffye MARIA confortys yv ow colon pan clewys ow teryfas bones leghys the pascyon [505] a fus tyn garow ha bras the'n tas huhel yn y tron y grassaf lemmyn an cas ty the vynnes thy'm danfon thu'm confortye the vap ras [510] [osculantur et separant] ## I MILES !! MILES I mey fe me re goskes pos ha ru'm kemeres drok glos dre ow hvn me a welas neb ese aberth yn beth gans can ha mur a eleth [515] the vewnans y tassorghas ## II MILES !! MILES II pur wyr me a henrosas ha war ow kyn a'n clewas yn mes a'n beth ow seuel mar syv dyenkys ellas [520] rak me a wel an men bras war glan a'n beth fest huhel ## III MILES !! MILES III pos re teulseugh agas clvn rag me a'n guelas dufvn dresof ef a tremenas [525] hag a wor yn pa vaner ganso crous worth y baner wharre ef a thyspleytyas ## IV MILES !! MILES IV yn sur gans ow dev lagas ow syuel me a'n guelas [530] ha garow hag vthyk bras yn kerth gallas mes a'n beth ny yllyn syuel yn ban rak ovn anotho certan y wolow o mur a splan [535] del leuaraf theugh yn weth ## I MILES !! MILES I a thysempys whylewhe mar a sethe the cuthe yn nep bos tewl py yn sorn mara kyllyn y gafus [540] vynytha na theppro bous me a'n kelm auel pusorn ## II MILES !! MILES II me a'n kyf by god ys blod kyn fo an harlot mar wod ma mar houtyn y body [545] for y dred noth by my hod hys red baner ne hys rod the pilat nan dryllyn ny ## III MILES !! MILES III na gefyn war ow ene kyn fen neffre ow ponye [550] yn pup tol worth y whylas me a'n guelas ow nyge ganso mur a gowethe ha guyn o aga dyllas ## IV MILES !! MILES IV ha me yn weth a'n guelas [555] ha ganso company bras ## # ms orth y sywe lyes guas ny yllons bos nyfyrys tra uyth ny amont thy'nny sur y whylas ef na moy [560] ym-cusylle gureny ny pyth yv guella the bos gurys ## I MILES !! MILES I pandra wren agan peswar a rak pilat sur hep mar pan theffyn ny yn teffry [565] ef the seuel a'n beth men ha'y vos datherys certen y gous ny dal thy'nny ny ## II MILES !! MILES II y cussylyaf yn certan leuerel dos nerth warnan [570] ha'y thon the ves yn vr-na y fyth clewys del ony ganse brewys hag elf at es ## III MILES !! MILES III yn della ny vynnyn ny [575] a'n beth ef the thasserhy me a leuer par del o dev luen a ras ganso del fethas yu cas worth crous baner [580] ## IV MILES !! MILES IV del leuaraf yn tor-ma honna yv an forth wella assentye ol the henna sur me a vyn ny fynnaf leuerel gow [585] awos dout bones marow gallas ef the nef wolow gans eleth guyn ## I MILES !! MILES I saw pyw a vyn leuerel the vewnans ef the seuel [590] hythew yn mes a'n beth pry nag a feth mos the'n iustys rag dout y vones lethys my ny vynnaf ieuody ## II MILES !! MILES II na porth dout me a genes [595] mar pyth othom the'th weres hag a leuer fattel fue ## III MILES !! MILES III mar a talleth pertheges ny a wra y wowheles rak pup ol a gar bewe [600] [et tunc eant ad pilatum et dicit IIIIs miles] ## IV MILES !! MILES IV lowene thy's syr pilat awos bos ny peswar smat guythe an beth ny ylsyn desefsen dotho ry what thy'nny ef a wruk an prat [605] hag a fyes thyworthy'n PILATUS out warnough fals marregion pyth yw an whethlow ha'n son a glewaf aberth yn pow re vahun y tof yn weth [610] mar sywe lyddrys a'n beth why a's byth ages ancow ## I MILES !! MILES I pilat the gous nynsyw vas nep na'n synso y sylwyas [615] a thu goef me a'n guelas dre mur ras a'n beth gans ov dev lagas ow mos the'n nef PILATUS tau harlot out of my sygth rag mar ny'n kefough a plygth [620] sur why a'n pren the'n beth pan y ges gorrys thy'mmo why a thethywys na'n laddro den ## II MILES !! MILES II me a leuer thy's rak clem [625] dyswe thy'nny nychodem ha ioseph baramathya ha ny a thyswe yn weth an corf a sytseugh yn beth yw ihesu map maria [630] PILATUS ty was geyler kesadow ygor scon an darasow ha heth an prysnes yn mes otte omma alwhethow ha mar ny wreth the ancow [635] me a vyth by god ys pes CARCERATOR drew hy thy'mmo hep lettye ha me a's ygor wharre an darasow agan naw na greseugh bos treyson gures [640] guel yv thywhy why mones ages honan the'n thev vaw [et tunc ipse eat ad carcerem et non inueniet eos et dicit pilatus] PILATUS ny geusyth mes a reson ple thesos ioseph caugyon ha'th cowyth nychodemus [645] [descendit pilatus] a out ple ma an prysnes mar ny's cafaf scon thu'm dues ty a fyth drok oremus GARCON a syre na blamyowg ny a nyngese alwheow [650] warbarth yn ages guyth why ha dyen an darasow PILATUS guyr a geusyth ievody hem yv marth hep falladow rak an darasow deffry [655] dyen ol yns ha'n fosow marregyon theugh ny won blam rak thy'mmo y fye scham gul drok thywhy an prysners galsons yn weth [660] ese yn dan naw alweth ny torsans chy ## III MILES !! MILES III henna ny a vyn notye le may thyllyn yn pup le certan y vos dasserhys [665] kepar del sevys a'n beth the'n nef gans mur a eleth ny th'y weles yskynnys PILATUS teweugh awos lucyfer a henna na geuseugh ger [670] pypenagol a wharfo ha why a's byth gobar bras penryn yn weth ha hellas me a's re theugh yn luen ro ## IV MILES !! MILES IV aban osa mar gortes [675] ny a wra del leueryth ha pup onan ol iammes neffre parys thy's a vyth [et tunc ueniet maria magd. et maria iacobe et salome et dicit maria] ## MAR. MAGD. !! MARIA MAGD pendra wra-ma vy ellas ow arluth yn beth gallas [680] hythew yv an trege deyth mones the vyras deffry mar a tueth ha dasserhy del leuerys thy'm perfyth ## MARIA IACOBE !! MARIA JACOBI mos the vyres me a vyn [685] an corf a'm prynnes yn tyn mar tassorhas mur a confort ef o thy'n y vernans ef pan wylsyn ellas ellas [690] MARIA SALOME en trege deyth yv hythew corf cryst dasserhys mar syw mos the vyras rak an torment a'n gefe y'm colon yma neffre [695] cvth-ma na'm gas [hic obuiabit eis] MARIA MAGD benenes theugh lowene ha maria iacobe ha salome kekeffrys kueth vs y'm colon eyhan [700] mar seth corf dev y honan py le y fythe keffys ## MARIA IACOBE !! MARIA JACOBI yn della yma thymmo mur a torment bras ragtho mar ny fyn dre y rasow [705] ow gueres a termyn ver ow colon ynnof a ter pur evn dre fyanasow MARIA SALOME yn della thy'mmo y wher arluth re wella ow cher [710] war y lergh ef del ywe pen myghterneth me a grys yn mes a beth hythew a sef ## MARIA MAG. !! MARIA MAGD a fystynyn ny yn fen [715] rag dreheuys yv an men thyworth an beth arluth fattel byth haneth mar ny wothefaf ple theth pen vyghterneth [720] ## MARIA IACOBI !! MARIA JACOBI ha re pel ny re strechyas ow arluth yn kerth gallas mes a'n beth sur ellas ow colon yv claf ny won vyth pur y'n guelaf [725] nep yv dev pur MARIA SALOME me a wor guyr hag a'n crys y vos yn ban dasserghys yn geth hythev fatel byth thy'nny lemyn [730] agan arluth na gefyn ellas tru tru [cantant] ellas mornyngh y syngh mornyng y cal our lord ys deyd that bogthe ovs al MARIA MAGD ellas byth rak gallarow [735] ow arluth whek yv marow a fue crousys [plerat mar. magd. ad monumentum] ef a porthas hep a wher mur a peyn war y corf ker rak tus a'n bys [740] ## MARIA IACOBI !! MARIA JACOBI ny allaf guelas an fu anotho ef yn nep tv ellas gouy cous ganso me a garse y volungeth mar a pe [745] yn pur deffry MARIA SALOME yma thy'mmo hyreth tyn yn ow colon pup termyn ha morethek ellas ow arluth ihesu [750] rak ty yv luen a vertu ol gallosek ellas mornyngh y syngh mornyng y cal our lord ys deyd that bogthe ovs al MARIA MAGD ihesus cryst arluth a nef [755] a clew lemmyn agan lef nep na grys ynnos goef ny fyth sylwys pan prydyryf a'y passon nynsa ioy vyth y'm colon [760] ellas na allaf yn scon keusel worthy's ## MARIA IACOBI !! MARIA JACOBI gallas ef the ken tyreth ha ganso mur a eleth ellas lemmyn rak moreth [765] ythof euthys me a'th pys arluth a ras a thanfon thy'nny cannas may ben nepith aswonfas fatel yw thy's [770] ## MAR. SALOME !! MARIA SALOME a ihesu luen a vercy ahanan gura prydyry theth wlascor pan deffyn ny clew agan lef rak hyreth galsof pur claf [775] ny allaf syuel a'm saf ellas lemmyn pendra wraf a arluth nef ellas mornyngh y syngh mornyng y cal our lord ys deyd that bogthe ovs al ## I ANGELUS !! ANGELUS I me a wor a wheleugh why ihesu omma nynsugy rak seuys yw the veunans yn pur deffry del leuaraf vy thywhy [785] par del yv gvyw ## MA. MAG. !! MARIA MAGD a el ytho thy'm lauar an corf na'n gefes vyth par py le re seth kepar del yv mur y ras [790] ioy thy'm gans ow dew lagas y weles wheth ## II ANGELUS !! ANGELUS II a maria eugh yn scon leuereugh th'y thyskyblon ha the pedar [795] par del dythywys thethe ef a thue the galile pur wyr hep mar ## MARIA IACOBI !! MARIA JACOBI ytho dasserghys yv sur ihesu agan sylwadur [800] gallas a'n beth gorthyans thotho ef pup prys ef yv arluth nef ha bys pen vyghterneth ## MAR. SALOME !! MARIA SALOME alemma dun ny the tre [805] ha leueryn yn puple del wylsyn ny ihesu y vos dasserghys hag a'n beth yn kergh gyllys the'n nef deffry [810] ## MAR. MAGD. !! MARIA MAGD neffre the dre my nynsaf ow arluth mar ny gafaf eth yn grous pren a ihesu myghtern a ras ioy thy'm vn weth the welas [815] amen amen ## MARIA IACOBI !! MARIA JACOBI maria re bo gynes benneth ol a'n benenes ha benneth ihesu map ras a luen golon me a'n pys [820] ioy grath a wul da pup prys thy'nny lemmyn a thu tas ## MAR. MAG. !! MARIA MAGD ow benneth geneugh yn weth a cryst del ythys yn beth ioy theugh guthyl da hethew [825] arluth ro thy'mo an gras vn wyth the weles the fas the voth genes mara syw ### folio 65r MARIA SALOME amen amen may whyllyn cryst agan prennas yn tyn [830] gans y gyk ha gans y wos mur a peyn a wothefys rak kerenge tus a'n bys del yw myghtern a gallos [hic mar. jacobi et salome recedunt a sepulcro et sedent parumper abhinc] ## MAR. MAG. !! MARIA MAGD nep a wruk nef . del eth yn beth war y lyrgh ef . mur ow hyreth cryst clew ov lef . pesaf y weth may fy gynef . orth ow dyweth arluth ihesu . ro thy'm an gras par may feyf gvyw . the gafos spas gynes hythev . sur yn nep plas may bome vu . ha guel a'th fas del os formyas . the'n nef ha'n lur ha dysprynnyas . thy'nny pup vr cryst ow sylwyas . clev mar a'th dur thy's daryvas . del garsen mur dre mur hyreth . ythof pur squyth ha'm corf the weth . yscarn ha lyth ple ma haneth . a wor den vyth may caffen wheth . cryst len a wryth [vadit ad ortum] ## ORTOLANUS S. JHC !! ORTOLANUS a vynyn ryth . py le ytheth rak kueth pygyth . garme a wreth na ol na scryg . nep a whyleth syghsys y treys . gans the thyv pleth ## MAR. MAG. !! MARIA MAGD arluth dremas . mar cothas myr [855] cryst ow sylwyas . ple ma the wyr er y whylas . rof thy's ow tyr ihesu map ras . clew ow dysyr ORTOLANUS a maria . del won the bos berth yn bys-ma . onan a'y uos [860] a'n guelesta . a thyragos a alsesta . y aswonfos ## MAR. MAG. !! MARIA MAGD galsen y ta . the'n kense fu map maria . henwys ihesu rak na'n guela . thy'm a nep tu[865] kueth a portha . ny gansen tru ### folio 00r [et tunc demonstrabat latus ejus ad mariam mag. et dicit:-] ORTOLANUS maria myr . ov pym woly crys my the wyr . the thasserghy thy's y whon gras . rak the thesyr ioy yn ow gulas . y fyth pur wyr[870] ## MAR. MAGD. !! MARIA MAGD a ker arluth . eth yn grous pren thy'm ny thogouth . amme the'th pen me a'th pysse . a lauasos lemmyn amme . vn wyth the'th tros [mulier noli me tangere] ORTOLANUS a vynyn ryth . na tuche vy nes [875] na na wra gruyth . na fo the les ny thueth an prys er na gyllyf . the'n nef thu'm tas may tewhyllyf . arte thu'm gulas the gous worthy's [880] ## MAR. MAG. !! MARIA MAGD cryst clew of lef . lauar an vr may tuth a'n nef . arte the'n lur the cous worthy'n the thyskyblon . yv serrys mur ha'n yethewon . gans nerth pup vr[885] yge kerhyn ORTOLANUS o maria . lauar thethe pur wyr me a . the galile del leuerys ha dres henna . porth cof lauar[890] confort yn ta . thy'mmo pedar mur yu kyrys [hic venit maria ad apostolos et dicit eis in Galilea] ## M. MAGD. !! MARIA MAGD lemmyn a abesteleth lauaraf theugh newothow ihesu dasserghys a'n beth [895] me a'n guelas agynsow worto y keusys yn weth y vyrys y wolyow aga guelas o trueth the'n bys kyns ens ylyow [900] THOMAS tav ty wrek gans the whethlow ha cous guyr del y'th pysaf cryst a fue lythys garow y vos byw my ny gresaf na wast na moy lauarow [905] rak gowegneth ny garaf agan arluth yw marow ellas guyr a lauaraf ## M. MAG. !! MARIA MAGD guyr a gousaf vy thomas ha me a'n pref kyn kescar [910] agensow my a'n guelas an arluth na'n gefes par ha gynef y tanfonas y te theugh pare veugh war kepar ha del ambosas [915] ny hynwys thy'm saw pedar THOMAS tav ha na gous ty venen me a'th pys scornye gynen lemyn na wra stout awos castel maudlen [920] mar querth me a ter the pen thy's awartha ## M. MAGD. !! MARIA MAGD awos ovn my ny tauwaf me a'n pref guyr a gousaf kyns ys dybarth [925] kepar del yv myghtern nef gans a'n tas dev yma ef a thyow barth PETRUS a ihesu cryst guyn ow bys clewas y vones sevys [930] yn mes a'n beth rak me a wor fest yn ta y vos map the varia ha dev yn weth THOMAS peder tav ha gas the flous [935] rak euereth yv the gous ef the seuel byth ny yl awos an bys den vyth bones dasserhys wose merwel [940] JACOBUS MAJOR a gil thomas fest yn ta map dev dasserhy a wra pan y vynno rak ihesu map maria ef a wruk nef ha'n bys-ma [945] tra uyth nago THOMAS a iamys thy's ny dal man den a vo marow certan ny thasvew nes vfereth fol yv na'n gas [950] lemmyn mos the tharyuas tra na wra les JOHANNES a thomas assosa fol hen yv agan crygyans ol ihesu cryst woge merwel [955] y vones gorrys yn pry woge henna dasserghy the pen try dyth ha seuel THOMAS a iowan na gous a drues rak ahanas marth a'm bues [960] ty the leuerel folneth cryst a fue dre galarow yn grous pren gurys pur varow war nep a'n gruk ow molleth ## BARTHOL. !! BARTHOLOMEUS thomas crys thy'm kyn of los [965] ny'n gyfye den gallos the'n mernens y worre ef ragon y fynnes merwel ha mos yn beth ha seuel rak dry pup crystyon the'n nef [970] THOMAS a bertyl asoge mvs ha goky dres ol an dus py ytho fol dev a alse hep merwel gul the pup den ol sylwel [975] dres an beys ol MATHEUS hen yv guyr ef a galse pup tra y thyswul arte moy ys na fe saw bytegyns ragon ny [980] cryst a vynnas mos yn pry ha dasuewe THOMAS h'essoge goky mathew mar asos fur ty a tew hag a ymden [985] ny vew dre ver lauarow nep a wylys o marow war an grous pren PHILIPPUS ellas the vos mar wokky cammen na vynnyth crygy [990] pen vyghterneth hag ef ow cous thy'nny ny woge merwel y syvy yn mes a'n beth THOMAS tav sethe vyn ty phelip [995] rak pur wyr ty a gam dip warnotho ef cryst o brew y esyly ha war y corf myl woly ellas ny sef [1000] ## IACOBUS MAJOR !! JACOBUS MAJOR a na lauar yn della ihesu an arluth guella na yl syuel rak pur wyr dasserghys yw bos y seruont nagos guyw [1005] da yth heuel THOMAS a ty iacob bew a pe y seruont me a vye fest yn lowen sav ef ny vew gas the son [1010] an dreyn bys yn ympynnyon eth yn y pen SYMON kynseth an dreyn yn y pen dre'n golon yn tenewen guylys an guv [1015] bytegyns reys yv crygy ihesu cryst the thasserghy del yw guyr thyw THOMAS a symon na gous vn ger navyth navyth yn a wher [1020] ny seuys nes saw yn della mara pe warbarth ol ny a vye marthys at es ## IUDA !! JUDAS syr thomas yn della yv [1025] ef re thassorghas hythyv yn mes a'n beth rak na wrello dasserghy neffre nygen byen ny ioy hep thyweth [1030] THOMAS iude iude gas the gres ## # ms y golon squyrdys a les me a welas awos a gousa den vyth an kerth corf-ne gorthewyth [1035] ny thassorghas ANDREAS tav thomas ha na gous ger pur wyr agan arluth ker dasserghys yw yn sur re re thyscryssys [1040] rak maria a geusys worto hythyw THOMAS asota gokky androw an voran re geusys gow na preder ken [1045] neffre ef the thasserghy me ny fynnaf y grygy bew hedre ven ## MAR. MAGD. !! MARIA MAGD ny leuerys vn ger gow rak thy'm ol y wolyow [1050] a thyswethas ha the henna me a vyn don dustuny pup termyn bos guyr an cas [hic descendant thomas et maria magd.] THOMAS awos lauarow trufyl [1055] ny grysaf thy's ty a fyl gul thy'm crygy kyn whrylly flattre mar mur ahanas tra uyth ny'm dur kyn thos bysy [1060] MARIA MAGD me a leuer an guyr thy's an el thy'n a leuerys sur worth an beth y vos yn ban dasserghys ha the nef golow gyllys [1065] gans mur eleth THOMAS tav flattores na gous moy ny fynnaf thy'so crygy y vos the'n nef an corf a wylys marow [1070] mur yv ow fyenasow war y lergh ef ## MAR. MAGD. !! MARIA MAGD sur maria iacobe ha maria salome thy'm dustyny [1075] kepar ha me a welas del leuaraf thy's an cas gura y crygy THOMAS byth ny yl mos y'm colon an corf marow thyragon [1080] the thasserghy pan predyryf a'y passyon moreth a'm kymmer yn scon ragtho govy MARIA MAGD yma marth thy'm ahanas [1085] bos the golon mar calas na'n crygyth ef mar ny wreta y crygy byth ny thueth neffre the'n ioy sur vs yn nef [1090] THOMAS tav the gy lemmyn rak meth gans ihesu nyn sos pryveth sur yn della me a grys peghadores es hep gow an brassa ege yn pow [1095] gans pup ol ty o gylwys ## MA. MAGD. !! MARIA MAGD me re bue peghadoras a peghas marthys yn fras war ihesu me a cryas ow trespas thy'mmo gafe [1100] ha thy'm ef a leuerys the pegh thy's a vyth gefys dre the fay ythos sylwys ha na moy na wra peghe thomas ythos pur woky [1105] drefen na fynnyth crygy an arluth the thasserghy du pask vyttyn nep na crys ny fyth sylwys na gans dev ny vyth trygys [1110] ha rak henna me a'th pys creys a termyn THOMAS sens the clap na fyth bysy rak ny fynnaf thy's crygy an corf a wylys a vy [1115] tackys yn grous gans kentrow gans gu lym y a'n guanas dre an golon may resas the'n dor an gos a cothas hag a'n gruk ef scon marow [1120] ny yl an corf-na bewe na seuel yn ban arte sur ty venen nynsus den vyth a bys-ma a wra gul thy'm yn tor-ma [1125] crygy nahen ## MAR. MAGD. !! MARIA MAGD thomas ty yv muskegys hag yn muscokneth gyllys drok yv gynef vy lemmyn me a'th cusyl a grysy [1130] ha ma ny wreth yn teffry ty a fyth sur edrek tyn THOMAS genough aban na'm byth cres thy wortheugh mennaf mones adro yn pow [1135] nynsough lemmyn gokyes yn della dev thu'm gueres ny garaf gow [tunc Ihc. venit ad apostolos et dicit in Galilea januis clausis osculatur eos] IHC. cres dev a abesteleth my cryst the seuel a'n beth [1140] creseugh yn ta rak certan kemmys a'n crys ha a vo lel vygythys sylwel a wra PETRUS a arluth ker guyn ow bys [1145] the welas yn tasserghys ihesu kyn wruk the naghe luen tregereth me a pys del vs yethewon pup prys omma worth agan baghe [1150] ihesu arluth nef ha beys ha sylwadur thy'n keffrys gaf thy'mmo vy ow trespys rak mur yv ow govygyon yma thy'm sur edrek tyn [1155] rak the naghe gy lemmyn mercy pysaf pup termyn yn certan a luen golon IHC. pedar gyffyens ty a fyth rak the eddrek yv perfyth [1160] dre'n spirys sans par del y'th prynnys yn ker ha fasta sy the vreder yn luen grygyans ## IOHANNES !! JOHANNES a arluth ythof lowen [1165] ty the vynnes dos gynen omma th'agan lowenhe henna me a leuer wheth ythesen dre pur hyreth war the lergh ov th'ymwethe [1170] IHC. thywortheugh my a thu'm glas a thyow barth the thu tas yth ysethaf thagas fastye yn crygyans theugh confort a spyrys sans [1175] a thanfonaf ## IACOBUS MAJOR !! JACOBUS MAJOR arluth assyv varthusek pan thueth ihesu gallosek th'agan myras ha leuerel thy'nny cres [1180] asso fast ytho dyges agan daras [hic recedit ihc. ab apostolis] ef yv arluth a allos hag a prynnas gans y wos pobel a'n beys [1185] ihesu cryst the thasserghy vn deyth vs ow tos go y kemmys na'n crys MATHEUS thy'n kyns ef a leuerys ol annotho del whyrys [1190] yn nor bys-ma rag a'n prenna y fyrwy hag arte y tasserghy woge henna JOHANNES by ny geusy ken ys wyr [1195] nep a formyas mor ha tyr hag ol pup tra yn weth ol rag agan les y fue gynys a wyrhes ker maria [1200] ## IACOBUS MINOR !! JACOBUS MINOR ihesu asse yllyn ny lemmyn kymeres mur ioy gethfos the wyr cryst agan prennas yn tyn ef the thos the gous worthy'n [1205] th'agan dysyr SYMON lemmyn leuerys thomas an arluth na thassorghas prof ny ny wra ## # ms warbarth ol del y'n guelsyn [1210] thyragon ow cous worthyn map maria ## IUDAS !! JUDAS thu'm tybyans wheth ef ny grys bos ihesu cryst dasserghys dre y mur ras [1215] yma dout thy'm pur theffry mars ef a'n creys nagusy aberth yn fas ANDREAS the grygy thomas a thue rag gans ov arluth y fue [1220] kyns lemmyn marthys kerys ha kemmys an gorthyo ef gans mur ioy y tue the'n nef dre y thadder oberys PHILIPPUS me a leuer thywhy why [1225] ol warbarth don dustuny bos cryst a'n beth dasserghys ny a'n gorthyp certan ef y fue gynen arluth nef ha worthy'n ol a geusys [1230] [cleophas et socius ambulant in platea] CLEOPHAS a cowyth me re clewas tus ow cous mur a barth bras yn geyth hythew cryst a fue yn grous gorrys yn mes a'n beth dasserghys [1235] certan ythyw SOCIUS hep dout marsyw guyr henna me a vyn mos alemma pur thystough th'y rak dev yv ha den yn weth [1240] don agan offryn the'n beth yn fen guren ny CLEOPHAS ru'm leaute dun a thystough namna fue ow colon trogh pan wylys gorre an gu [1245] yn golon dre'n tenewen ha'n guryn spern war y pen rag ef o pur wyr map du SOCIUS whet yma mur a lostvan yn ov colon ow honan [1250] ol ragtho ef awos trauyth nynso reys mos the worre the'n mernes map dev a'n nef IHC. bos trest thywhy pendra wher [1255] ha ponfosyk agas cher may though serrys nagues ioy y ges colon lemyn dar nep marthegyon vs wharfethys [1260] CLEOPHAS [tu peregrinus es] a nynsose pryeryn vfereth yv thy's govyn pyth yv an marth a wharfe a vn profus bynyges yn grous ha thyw vregh a les [1265] squerdys y treys ha'y thywle SOCIUS ha ene dre gallarow woge y vos gurys marow tus yn beth a'n anclethyas rak henna mos a wren th'y [1270] del yv leuerys thy'nny lemmyn ef re thassorhas IHC. ysough gokky ha fellyon ha teul yn agas colon rak fout crygy [1275] reys o the cryst mos yn beth ha the pen try deyth yn weth sur dasserghy CLEOPHAS dasserhy sur ef a wruk ha mur a paynys re thuk [1280] war y corf ker y whylsyn y verthurye hag yn grous pren y squerdye drok agan cher IHC. ragas bo cres ha mur ioy [1285] pyth yv teulys genouhgh why bos erbyn nos an corf a whyleugh deffry ganso ytheugh yredy sur yn y clos [1290] SOCIUS kepar del eson yn weth keffrys yn kueth yn moreth ragtho hep fravs ny iuggyn mones nep pel lemmyn bys yn vn castel [1295] henwys emmavs IHC. lemmyn me a grys yn ta y fynnaf vy mos pella es ough haneth sav bytygyns cresough why [1300] an corf-na the thasserghy kyns yv aneth CLEOPHAS tryk gynen a gouwyth ker rak namnag yw gorthuer ha dewethas [1305] yma thy'mmo cowyth da mur a ioy sur yn ter-ma a'th tyryvas [hic paratur panis] IHC. ytho gyneugh me a tryk y ges byth ioy na thyfyk [1310] theugh lauara yssetheugh a termyn ver a-thyrageugh me a ter torth a vara [ostendit eis vulnera] SOCIUS a arluth pen ylyow [1315] me a wel the wolyow warbarth a les [hic transiet Jhc de cleophas et socius] kettel tersys an bara aswonys cryst a gara mar tha del reys [1320] [nonne cor nostrum ardens erat nobis in uia] CLEOPHAS a nynsese ynnon ny agan colon ow lesky a ihesu map maria pan wruk an bara terry ha'n scryptor y egyry [1325] literas nobis in via SOCIUS ese dour ha ponvos bras wharre y gen lowennas kettel thueth er agan pyn ny gen bo whans guariow [1330] a les ol y wolyow a-thyragon pan guylsyn CLEOPHAS ny a yl bos lowenek guelas ihesu galosek arluth a ras [1335] ef yv sur luen a verci nep a wrello y pygy ny fyl a gras SOCIUS ny a fyn leuerel ol yn pow sur the pub den ol [1340] fatel wrussyn ny keusel orth an arluth ker ihesu ha mettye orto hythu yn forth certan dyougel [cleophas et socius transeunt versus apostolos] [tunc thomas ueniet ad apostolos et dicit petrus] PETRUS thomas lemmyn gueyt crygy [1345] an arluth the thasserghy rak omma y fue gynen ha kekemmys na'n cresso goef termyn a theffo deuones a brys benen [1350] THOMAS a pedar ty a'n nahas rak bos y peyn mar ahas thy's ny gressaf ha me a'th peys gas the wov na whyle plontye whethlow [1355] del y'th pesaf ## IOHANNES !! JOHANNES pur wyr gow ny leuer ef ihesu cryst map dev a'n nef a thueth yn chy ha'n darasow ol deges [1360] whet y lauar a fue cres ol thywhy why THOMAS iohan nynsos lemmyn flogh namnag yw ov colon trogh rag agas cous [1365] ihesu agan arluth ny ellas ny yl dasserghy sur war nep ovs ## IACOBUS MAJOR !! JACOBUS MAJOR thomas na vyth dyscrygyk pys gans colon dywysyk [1370] war cryst a'n nef a'n beth sur ef a syuys rak hythew ny a geusys ol orto ef THOMAS iamys thy'm na wra duon [1375] rak kueth lour vs y'm colon may thyw pur claf ha whet mur ov galarow bones ow arluth marow ha na'n guelaf [1380] MATHEUS hythew a tryckes yn tre thyragos ty a'n guelse byw yn poynt da an guyryoneth kyn clewyth awos tra uyth ny'n cregyth [1385] marth yv henna THOMAS a synte mari mathew mar a colyth ty a tew gans the whethlow gul ges ahanaf a wreth [1390] marth yv gynef na thues meth ow keusel gow PHILIPPUS thomas gov ef ny geusys saw thy'so y leuerys kepar del yw [1395] cryst yv pen gor ha benen yn chem-ma y fue gynen pur wyr hythyw THOMAS a phylip geneugh ny fue mar ny vyth an whethlow due [1400] yn ages mysk dre pur anger ha duon me a wor lour nep onon sur me a wysk ## IACOBUS MINOR !! JACOBUS MINOR thomas serry thy's na dal [1405] cryst arluth merciabal dassorghas sur ahanas marth yv gyne mar a kyllyth the ene nynsos den fur [1410] THOMAS ov bos serrys nynsyw marth ages bones ol warbarth porrys worth ov duwenhe duon agas lauarow ha hyreth bos cryst marow [1415] pur wyr a yl ow guethe ## BARTHOLO. !! BARTHOLOMEUS warlergh cryst mar asos trest lemmyn pur lowenek fest bos ty a yl crys ef the seuel a'n beth [1420] ha lowene hep thyweth thy'so ny fyl THOMAS fettel allaf vy crygy corf ihesu the thasserghy a wylys a vy marow [1425] an laddron a'n dyalas dre lyes torment ahas ha dre mur a galarow SYMON aban na dal the gesky dout tan yfarn the'th lesky [1430] bos dyscregyk ha maga fuer drok deffry mones the hepcor an ioy byth na thyfyk THOMAS a symon my ny'm bues dout [1435] the leuarow kyns yns stout ny dalons man ihesu the verwel mar scon dre pur hyreth ow colon mart yv na ran [1440] ## IUDA !! JUDAS a creys the'n nep a'n guelas yn few aban dassorghas y fue gynen mur fest y gen lowenhas dotho ny thyalwhethas [1445] gour ha benen THOMAS ken ys wyr a leueryth iude mar a'm evn geryth me a'th pys thymmo gas cres tarosfan a thue deffry [1450] war tus vas pan vons yn chy h'aga darasow degeys ANDREAS thomas ty yv me a grys an gokye den yn beys ha henna yv drok [1455] dout mar ny vynnyth crygy bos yn yfarn ow lesky yn tan yn mok THOMAS andrev mur yv the thysyr an dra-na na yl bos guyr [1460] gul thy'm crygy y vos yn ban dathserghys ha the'n beys arte treylys yssos goky [hic descendit thomas] CLEOPHAS a thomas nynsyw goky [1465] y thesas ow muskegy yn mes a forth ty a alse sur crygy the'n abesteleth deffry galsos pur worth [1470] SOCIUS mos a wren ny the'n castel emavs gylwys dyougel leuaraf thy's ha war forth ny a gafas ihesu yv arluth a ras [1475] lemmyn thy'n crys THOMAS adres pow sur palmoryon y a fyth mur gowygyon hag a leuer the tus gow nynsa y'm colon hytheu [1480] why the geusel orth ihesu ow arluth whek caradow CLEOPHAS an scryptor thy'n agores pur wyr a thalleth moyses ha lyes profus aral [1485] me a wor y bones ef arluth a'n bys-ma ha nef cous ganso genen o mal SOCIUS an arluth ihesu guella a-thyragon torth vara [1490] ef a torras a rak agan lagasow a les ol y wolyow ny a welas THOMAS teweugh rak meth dew adla [1495] ym-thysquethas ny vynna the plussyon a uelough why a re'n arluth dev a ras yma thy'mmo gorgys bras ahanough yn pur deffry [1500] CLEOPHAS na gymer hemma gorgys rak an arluth a geusys hythew worthy'n yn geyth splan crys y vones dasserghys ha mar ny wreth ty sylwys [1505] neffre ny bythyth certan THOMAS nynsyv crygy the beggars hag a fo aga dyllas cloutys gans dyuers pannow nynsough lemmyn gowygyon [1510] ow mos dres pow flatturyon ow leuerel an nethow SOCIUS galsos lemmyn pur woky rak na fynnyth thy'n crygy a foul thomas [1515] galsos mur yn dyscrygyans ny'm bus a'th lauarow whans aga clewas CLEOPHAS thomas ty yv dyscrygyk pur wyr ha mur anfusyk [1520] ty a yl bos cuthygyk na grys y vos dasserghys yma thy's colon galas na le ys ty the vynnas gase the ves an er bras [1525] ken ny yllyth both sylwys THOMAS ellas ny won pendra wraf ow arluth rak na'n guelaf neffre ny fynnaf crygy ken ben vyth mar mur duwon [1530] er na hyndlyf y golon gans ov luef dre y woly [tunc ihesu veniet ad apostolos et dicit] IHC. a abesteleth thyugh cres lemmyn an daras dyges fast warnough why sur kyn o [1535] me re thuth th'agas myres [januis clausis osculatur eos] y grygyans pup ol guythes puppenagol a wharfo a thomas doro the luef yn woly guynys may fuef [1540] dre an golon hag yn treys hag yn thyvle crys yn tyn me the prenne an grystonnyon THOMAS a arluth kymer pyte [1545] dev merci yn cheryte gon lour ty yw me a'th pys thy'm a gafe ny gresyn ty the vewe wheth bys hythew [1550] ### folio 72r IHC. thomas rak ty the weles ol ow golyow a les yn the golon ty a grys the kekemmys na'm guello hag yn perfyth a'n cresso [1555] ow len benneth me a pys THOMAS arluth bynyges re by kepar del os luen a gras parys prest yv the vercy the'th seruont sur yn pup plas[1560] byt nyn gevyth fout a ioy nep a yl guelas pe fas pan ello ow corf yn pry guyth vy rak an ioul drok was a thev ysse fuef goky [1565] pa na vynnan vy crygy a'n beth y vos dasserghys ha me guarnys gans lyes yn cref bras me re peghes arluth geffyans thyworthy's [1570] IHC. lemmyn ow abesteleth seueugh yn agas crygyans aban of seuys a'n beth gothfetheugh y's byth sylwans ha pup crystyon ol yn weth [1575] a vynno pygy gyfyans y's kyrhaf gans ow eleth dre vertu a'n spyrys sans ow bennath genogh re bo me a vyn mones thu'm gulas [1580] ysethe del reys thy'mmo yn nef a thyow thu'm tas the'n crystynnyon ol adro yntrethe gasaf ow ras yn ow gulascor may teffo [1585] bewnans neffre ioy hep cas [et sic finiatur resurreccio domini] [hic ludit teberius Cesar] [et incipit morte pilati et dicit tiberius cesar] ## TYBERIUS CESAR !! IMPERATOR hep par of dres tus a'n bys sav bones mur ow thrystys ## # ms for _thristuz_? Norris reads . ow bones claf pyth yv guella the vos gurys [1590] mar ny allaf bos yagheys ny won pyth wraf CONSULTOR arluth ow cusyl yv sadt dan veneugh why the pyladt gans messeger [1595] may tanfonno thyugh yn scon cryst myghtern a'n yethewon kettuth ha'n ger ha henna saw agas gura a pup cleues yn bys-ma [1600] del yv duv pur ef yv arluth nef ha bys ganso ty afyth sauwyys pur wyr yn sur IMPERATOR ow bennath thy's conseler [1605] lygth of fout ow messyger ow seruont da reys yv thy's mones nygys thy'mmo vy a thesempys pols a lemma [1610] ### folio 72v NUNCIUS lord tibery by my hovd ## # ms ? corrected to . a wette vy lygth of foud theugh dyuythys a hanaf pendra vynny lauar thy'mmo vy deffry [1615] a thesempys IMPERATOR ke bys yn pilat yn scon cryst myghtern a'n yethewon yv dev hep par pyse thy'm ma'n danfonno [1620] thy worthyf gras ma'n geffo thotho lauar NUNCIUS a arluth ker . sur hep danger guraf the nygys ny strechyaf pel . genes farwel[1625] leuaraf thy's [ad pilatum dicit] syre pilat lowene thy's ## # might be read , the is a final flourish to the . genef yth os dynerghys gans cesar an emperour thotho gueyt may tanfenny [1630] cryst bys yn daras y chy dres pup methek del yv flour PILATUS messeger me a'th pys ke a berth yn pow the wandre vn pols byan [1635] rak mar asugy yn wlas me avyn mos the vyras sur ow honan [et tunc nuncius et iet et spaciabit in platea parumper et ei obuiabit uernona] VERNONA den yonk whek guandre a wreth me a'th pys pyv a whylyth [1640] thy'mmo lauar NUNCIUS pandra yv henna thyso guelhee ny yllyth thymmo ## # The second added later to ms. pur wyr hep mar an emp'rour ren danfonas [1645] ## # ms ; for ? a whylas yn pow gueras thotho yma cleues bras nygyf methek a'n sawya plema ihesu the pygy a leuerel thymmo vy [1650] ef a'n sawse yn teffry a pup dysseys yn bys-ma VERNONA ihesu a whylyth deffry marow yw gallas yn pry nep o agan arluth ny [1655] ha pylat a'n dyallas saw an corf-na byw a pe an emperour ef sawse maga tek bythqueth del fue kynfe y cleues mar vras [1660] ### folio 73r NUNCIUS ellas vyth pan thueyth a dre an keth corf-na byw a pe ow arluth a vye saw rak bos ow arluth mar claf a thew ple tof na ple thaf [1665] ## # ms ny won ple toulaf ow paw VERNONA my onan a'y vynynes hag a the'n emp'rour gynes ## # ms ha sur yn y hanow ef mythygyeth a vyth gurys [1670] mayfo yagh a pup cleues mar crys y vos dev a'n nef NUNCIUS lowen henna me a vyn ha thu'm arluth fystynyn mar a kyl bones yagheys [1675] ty a fyth the lyfreson hag an our the weryson neffre the voth a vyth gurys syre arluth bytheugh attes ## # could also be read as an keth profus a whylyes [1680] gurys yv marow sav benen gynef yma dretho the sawye a wra a'th galarow IMPERATOR messeger ny thebbraf bos [1685] ## # <-er> written as a final anti-clockwise flourish bones marow an profos ## # The loop of the

is continued into a -like curve to the left of the descender a alse sur ow yaghe a benen pendra keusyth lauar thy'm mar a kyllyth yn nep poynt ov lowenhe [1690] VERNONA crys yn cryst del y'th coscaf form a'y fas a thysquethaf thy'm del y'n ros yn lyen ha mar scon del y'n guylly ef a'th saw hep ken yly [1695] ol a'th cleues yn tyen IMPERATOR py hanow os benen vas ty a yl cafus mur gras the lauarow mar syns guyr ha ty afyth rewardys [1700] hag arluthes a vyth gurys yn certan war mur a tyr VERNONA ow hanow yv vernona fas ihesu gynef yma yn hyuelep gurys a'y whys [1705] ha kekemmys a'n guello hag ynno ef a grysso bos yaghes thotho yv reys yn cryst reys yw thy's crygy y vos ef arluth thy'nny [1710] ha sylwyans the tus a'n bys ha sawys sur ty afyth a'th cleues mar a mynnyth a luen colon ty a'n pys ### folio 73v IMPERATOR me a'n pys a luen golon [1715] yeghes thy'mmo a thanfon kepar del os dev guyryon ha mur the ras nynsus arluth war an beys saw ty pur wyr me a greys [1720] gura gueres thy'm a ver spys del os sylwyas IMPERATOR dyswethe thy'm me a'th pys bos tra an par-na guelys yv thy'mmo vy mur a varth [1725] dus nes thy'm del y'm kerry rag keusel moy yn teffry worthy's gy kyngys dybarth VERNONA myr worto hag a ver spys a'th trok ty a vyth yagheys [1730] pur quyk ha schaf crys y vones dev a'n nef ha sylwadur pup enef thy's lauaraf [tunc demonstrabit ei sudarium et ipse genuflectit dicens] IMPERATOR a ihesu luen a pyte [1735] the'th fath ker mennaf amme [osculatur sudarium] trest a'm bus ty thu'm sawye ol a'm cleues a arluth cryst nef ha bys gorthyans thy'so gy pup prys [1740] [sanatur a lepra] lemmyn yth of vy yaghys a pup dyses arluth bynyges reby nep o agan arluth ny gurys yw marow [1745] nynsus arluth dresto ef na nyl yn nor nag yn nef dev hep parow VERNONA lemmyn yagheys a ban os yn ta ty a yl gothfos [1750] nageus dev vyth lemmyn ef pilat a'n lathas hep fal warnotho telywgh dyal rak ef o cryst myghtern nef ## # the usual abbreviation IMPERATOR vernona whek me a wra [1755] rag dretho ef yn poynt ta a pup cleues ol my yw mar a sugy yn bys-ma pur wyr the'n mernans ef a hag ef ha kemmys a'n syw [1760] ### folio 74r tormentors thy'mmo vy deugh ## # pt. erased in ms. could be read. py yn sur vyngeans hag eugh why agas byth kyns dos haf yma thy'mmo mur duon ha cothys war ow colon [1765] ny won vyth ol pendra wraf ## I TORTOR !! TORTOR I me lord anon her we buth agas clewas o pur vth crye mar vras lemmyn worth agan gelwel [1770] rak ovn desefsen merwel me a crennas IMPERATOR eugh whyleugh thy'mmo pilat gothfetheugh mana veugh bad tus ogh a prys [1775] drewhe thy'mmo ma'n guyllyf marow vyth pan y'n kyffyf a thesempys ## II TORTOR !! TORTOR II dun ahanan ha touth da the whyles an keth guas-na [1780] plos casadow drok den afue sur bythqueth a wul drok ny'n gefe meth yn y thythow ## III TORTOR !! TORTOR III arluth ker hag a ver spys [1785] thywhy ef a vyth kerghys kynfe mar cref me ny sparyaf a wos tra bys omma ny a'n dora worthy'n ny sef [1790] ## IV TORTOR !! TORTOR IV ty pilat thu'm arluth dues kyn whrylly vyth cous a drues thy'nny lemmyn genen ny certan ty a yn spyt the vap the thama [1795] a fals iaudyn PILATUS geneugh why mos ny drynyaf thu'm arluth lowen yth af tyber cesar gentyl yv the pup huny [1800] ioy ov colon yn teffry mur me a'n car ## I TORTOR !! TORTOR I arluth ot omme an guas del gleseugh a thy alhas ## # ms corrected from . an profus ihesus dampnyas [1805] the vos gorrys yn grous pren hag ynhy ef a verwys war y corf y who thefys yn certan mur a peynys rak sawye lynnyeth map den [1810] ### folio 74v IMPERATOR a pylat wolcom os fest rak me a'th car dev yn test pan y'th welaf del leuaraf yn tor-ma gul drok thy'so ny vynna [1815] byth ny garaf [descendit Imperator] PILATUS a arluth thywhy mur gras wortheugh why sur daryuas mur me a car war an beys nythus perow [1820] ## # something <3>? has been erased and a thorn written in. for with a crossed

. gentyl os a'th lauarow den os hep par ## II TORTOR !! TORTOR II yv the henna y fuen ny ow kerghas an guas thywhy sur mar vskys [1825] ha'y vones gurys mar attes ty was dvs gynen yn mes ## # ms corrected from ? a the sempys [tenent eum] ## III TORTOR !! TORTOR III yn mes gynen ty a thue rak thy'so gy marth ywe [1830] lauar thy'n marsos huder drok na yl denvyth the wul na nyl the weyth na the sul gorthyp lemmyn hep a wher [dimittet eum et recedit non procul] ## IV TORTOR !! TORTOR IV me a grys a lauassen [1835] scon war ow brevth y'n latthen rak by my huk me a leuer theugh an cas an corf hepar reno thas ef re thuswruk [1840] [hic tortores absentant se parumper] IMPERATOR out out out harow harow mar ny vyth pilat marow the gyns ny won pyth a wraf ef a'n pren an casadow ow colon rak galarow [1845] yn certan gallas pur claf pan thueth yn rak an plosek ef a geusys lowenek thy'm gruk plekgye yn y worthyp ny gyfyn [1850] fout vyth ol yn nep termyn ken th'y lathe me a grys bones an guas pystryour ha hudor bras ny'n gefes cowyth yn wlas [1855] war ow ene lauar thy'mmo vernona pyth yv an gusyl wella del y'm kerry yn tor-ma scon hep lettye [1860] ### folio 75r VERNONA ken teffo y ges golok thotho ny yllough gul drok sur me a grys hedre vo yn y gerghen queth ihesu eth yn grous pren [1865] nyfyth dyswrys honna yv y bous nessa ha wheth greugh y thry omma arte thywhy ha dyscowy the worto [1870] py ken ny wreugh drok thotho bys vynary IMPERATOR ow bennath thy's vernona a ban ywe yn della me a vyn caffus an queth [1875] tormentors deugh why yn scon ## # ms . may huth thaho ow colon agan guryans na'm bo meth ## I TORTOR !! TORTOR I arluth otte ny genough del farsyn yn ta menough [1880] yn agas soth lauar thy'nny both the vrys ha ny a'n gura ef vskys kepar del goth IMPERATOR whet kerghough thy'mmo pilat [1885] yn y geuer del fuef badt y fuf tollys rak ef yv certan drok was war ow fay mur me a'n cas an plos fleryys [1890] ## II TORTOR !! TORTOR II me a'n kerg theugh hep hokye mar leuesyn y knoukye ol the vrewyon y wren thotho ef hep mar sav nep a'n guello a'n car [1895] yn y colon ## III TORTOR !! TORTOR III kyn y'n carra vyth mar veur a wos y lathe ny'm duer neffre ny gan ef yn cur gans y ganow [1900] ottefe lemmyn keffys dus thu'm arluth dyssempys ha scon ty afyth iuggys the peyn garow PILATUS thotho ythaf lowenek [1905] del yv arluth gallosek ha den ryal yn pur wyr ha mur y ras emperour war lyes gulas ef yv hep fal [1910] ### folio 75v ## IV TORTOR !! TORTOR IV arluth worth an guas myrough me a grys pan y'n guyllough thy ragogh why thotho ny ylleugh gul drok hedre ve y gys golok [1915] yn pur deffry IMPERATOR tormentors ens pup the tre hag aspyough yn pup le mar keus denuyth er ow fyn lemmyn pilat ievody [1920] cafus an bovs-na hep gvry vs y'th kerghyn me a vyn PILATUS arluth why yv a thy gre an bous ha my thy guyske yn sur ragough hy ny wra [1925] na'y dysyrye nynsyw thy's nynsyv gulan lemmyn mostys an guyryoneth lauara nyfue golhys sola theth byth nynsyw ragos ru'm feyth [1930] the arluth a velos gy the pygy me a vynse na wrylly y dysyrye yn tor-ma thy worthyf vy IMPERATOR pilat gynef nynsyw meth [1935] awos guyske sur an queth afue yn kerghyn ihesu rak thythy yma thy'm whans y praythe dysky dywhans hep na moy cous thy'm hythev [1940] ## # The final <-v> now hidden in the binding. PILATUS arluth lemmyn a's dysken dyragough noth y fyen ny's bye worshyp yn cas ha henna nynsyv onour rak myghtern nag emperour [1945] onest nyvyth ow guelas ## # with superscript is a correction to the ms. VERNONA arluth why a hergh thotho an queth dysky thyworto hep na moy ger rak hedre vyugh ow pleghye [1950] thywhy byth ny's dysk neffre yn nep maner IMPERATOR dysk an queth a thy sempys rag nafella nyfyth spys a wos trauyth [1955] na whyla thy'm na moy covs me a vyn cawys an povs kynfy mar pyth ### folio 76r PILATUS tru y disky a ban reys a lemma rag ny'm byth creys [1960] gon the wyr lour ny welaf vy yth hallan sawye ow bewnans certan mars dre mur our IMPERATOR out warnas ty harlot was [1965] ihesu ty a thy allas ow arluth ker hetheugh thy'mmo ow klethe rak may hyllyf y lathe kettoth ha'n ger [1970] VERNONA arluth henna why ny wreugh an hagkre mernans whyleugh ma'n ieffo ef rak an harlot a thyswruk an keth map ol a gan gruk [1975] mor nor h'an nef ty a wra y worre scon a the sempys yn pryson an casadow bys may hallo bos iuggys [1980] ha dre lagha bos dampnys the vos marow IMPERATOR ytho yn pryson ef a ## # abbreviation hager vernans an par-na ef a'n gefyth [1985] me a ordyn sur ragtho cales peynys may geffo ny'n saw denvyth how ty geyler dus yn rak ha mar ny thueth me a'th tak [1990] hag a ver spys ty ha'th vaw nastrech lemmyn reys yv gul ow gorhemmyn a the sempys CARCERATOR arluth otte ny parys [1995] pendra vynnyth the vos gurys lauar thy'mmo ha ny a'n gura thy's wharre a thyssempys hep lettye pynag afo [2000] IMPERATOR am keth guas-ma gorreugh why yn drok pryson the peddry golow na wella deffry ef yv huder an haccre mernans a vo [2005] me a vyn ordyne thotho ihesu alathas nep o thy'n sylwader ### folio 76v GARCON arluth henna me a wra a'n gor yn pyt y sella [2010] yn mysk pryues ## # abbreviation par ma'n geffo mur a pyn guas iolyf yv whyp an tyn a th'y seves CARCERATOR kymer toule yn pryson [2015] ## # abbreviation na sparye kyn wrello son ef yv pen cok na brakgye rak ef a sur ny skap kynfo vyth mar fur na'n geffo drok [2020] GARCON lemmyn omma ty a dryk bys pan pottro ol the gyk juggys may fey ## # corrected to in ms. ty avyth mernans calas yn ta ty a'n dyndylas [2025] gueth os ys ky PILATUS leuereugh er agas fyth thy'mmo pan vernans a'm-byth vs thy'm ordnys gon guyr y fethaf marow [2030] mur yv ow fyenasow yth of cuthys CARCERATOR an haccre mernans a vo war ow fay ty a vetho iuggys yv thy's [2035] yn bys-ma na tryst na moy cot yv the thythyow the gy nahen na grys PILATUS worth henna whet me a wyth ## # with the as superscript yn beys na allo den vyth [2040] gul hager vernans thy'mmo rak ow colon ow honan gans ov hollan me a wan ogh ellas and welawo IMPERATOR vernona del y'm kerry [2045] me a'th pys may leuery pan vernans a vye guel the wruthyl the'n harlot was ma'n geffo peyn mar ahas ha dre spyt ef the verwel [2050] VERNONA a saye ow arluth ker govynneugh orth an geiler kynsol pan pleyt y niefe yn guyryoneth me a grys kynyuer peyn vs yn beys [2055] thotho byny vye re IMPERATOR geiler thow schalt be wel gladt ## # superscript added as a correction. pa han pleyt yma pilat yn le may ma ha pan semlant vs ganso [2060] lauar ol an guyr thy'mmo fatel mefa ### folio 77r CARCERATOR arluth pylat yv marow dre payn ha dre galarow y honan yth ym wanas [2065] gans y gollan marthys scon yth em-wyskys yn golon hager vernans a whylas IMPERATOR ihesu bynyges reby the'n harlot panfynsys ry [2070] an hakcre mernans yn beys rak hacre mernans certan eys em-lathe y honan ny gaffe den my a grys ty geyler scon ty ha'th vaw [2075] kymereugh eran thyv baw ha gorreugh ef yn dor dovn rag me a grys fest yn ta ## # omitted in ms. lyes map den yn bys-ma rak y gorf an geuyth ovn [2080] CARCERATOR whyp an tyn kymer an pen er an treys me a'n kylden aberth yn beyth GARCON mester my a wra ru'm guen vyngens re'n geffo amen [2085] ha drok thyweyth [et tunc proicietur extra terram] a mester whek by my soul war ow fay hemma yv deaul ymskemunys yn mes a'n dor y lammas [2090] rak pur ovn me re vrammas lauaraf thy's ## CARC. !! CARCERATOR a'n beth pan thueth ha lamme y fyys yn vn vramme ovn kemerys [2095] del leuaraf pen bronnen rak ny alse sur ym guen del o degys GARCON pur harth dun thotho wharre gorryn ef yn beth arte [2100] du yw y lyw me a grys ynno y sef mar syw a barth dev a nef bo ken deaul yw ## CARC. !! CARCERATOR ha nynsyw ef aperth dev [2105] ## # written with a crossed

, leg. ? bysy vye ol an blu rak y wythe th'y worre a ber yn beth yn dor gorryn ef yn weth scon hep lettye [2110] [et tunc ponent eum in terra et proicietur iterato sursum] GARCON. war ow fey ef yw deaul cref yn dan dor vn tuch ny sef tebel den yw certan dev na syns ny'n car dun the desta the cesar [2115] scon agan deuv ### folio 77v ## CARC. !! CARCERATOR syre cesar arluth huhel ## # could be read an guas byth ny vyn seuel yn dan en dor IMPERATOR me a'n navow dyougel [2120] yth ofe deaul kyns merwel a berth yn nor GARCON yn beyth pan y'n gorsyn ny wharre y tueth deulugy warnan cothas [2125] hag a'n teul ef scon yn ban ha'n dor war notho a ran euth y clewas IMPERATOR a out out out pendra wraf orth en ioul mar ny gaffaf [2130] toul war nep cor mars cryst a weres deffry ef a lath gans fleyryugy ol ow glascor VERNONA arluth yn trok a horn cref [2135] yn dour tyber ef a sef er y anfevs hag a le-na yn certan vynytha nythue yn ban bys yn deth brevs [2140] IMPERATOR a uernona war ow feyth vn gusyl da ha perfeyth thymm ty a ros ## # ms is with a macron (added later?) over the . tormontors com hyder snel nam na gessof ow merwel [2145] orth as gortos ## # ms with an initial added as a later (mis)correction. ## I TORTOR !! TORTOR I arluth ow tevos aspayn y thegen yn cres almayn orth vn prys ly yn pur wyr panfuf gylwys [2150] lauar the voth me a'th pys yn scon thy'nny ## II TORTOR !! TORTOR II leuereugh thy'nny an ken a gas bus the wul genen nynson tus wast [2155] mar sus kuth war the colon the voth a vyth gurys yn scon genen yn hast IMPERATOR kemereugh corf a'n drok was vgy ow flerye gans blas [2160] yw myligys teuleugh ef yn trok a horn yn dour tyber yn nep corn may fo buthys ## III TORTOR !! TORTOR III wharre an emscumunys [2165] yn trok horn y fyth teulys yn tyber yn dour pur dovn yn vr-na ny reys thy'nny na den vyth ol yn teffry caffus neffre na moy ovn [2170] ### folio 78r ## IV TORTOR !! TORTOR IV corf mylyges mur ywe ny vyn an dour y gase a berueth ynno hep wov yma ganso devlugy tan a'n ioul mur th'y lysky [2175] na theffo na moy yn pow ## I TORTOR !! TORTOR I ow ottomma an trok horn teuleugh why a gas dyw dorn war an logol ## # leg. ? ynno an corf mylyges [2180] the'n dour ganso ny a reys a vel tus fol ## # leg. ? ## II TORTOR !! TORTOR II ot en corf yn trok gorrys degeugh e a thesempys the corn a'n dour [2185] drok genygyk ef a fue ## # _drog-genyzik_ 'ill-begotten'. byth ny sparyaf y tenne sur a wos our ## III TORTOR !! TORTOR III an ioul re'n dogo th'y plath ## # In a <3>? corrected to a thorn. en corf emscumunys whath [2190] ef yw pur wyr dun ganso dywhans touth bras rak y worre yn dour glas yv ow dysyr ## IV TORTOR !! TORTOR IV ke ty pilat mylyges [2195] ena yn dour the woles certan ty a ha genes mollat pup plu drefen fals brugy map dev map maria [2200] [et tunc proicietur corpus in aquam] VIATOR guel yv thy'mmo vy mayfe mos the wolhy ow dule a thesempes me a vyn omma yn dour may fons y guyn ha glan lour [2205] a vostethes [et lauabit manus et statim morietur] ellas pan fema gynys ancow sur yw dyuythys scon thy'mmo vy ny'm bus bywe na fella [2210] an dour rewruk thy'm henna yn pur deffry NUNCIUS arlut whyleugh cusyl da den dreys dour tyber nynsa yn certan navo marow [2215] dyswul lyes corf a wra gorreugh pilat a le-na a wos ihesu the ken pow IMPERATOR out out out pendra wrama marnes drethos vernona [2220] ny'm byth gueres an corf yv emscumunys ro thy'm cusyl dysempys may beu vy cres ### folio 78v VERNONA neffre yn dour hedre vo [2225] ny thue dresto na varwo gour gruek na best ef a fue drok corf yn bys me a'th cusyl dysempys byth na vy trest [2230] a wos cost arhans nag our greugh y tenne mes a'n dour gorreugh ef yn schath then mor ## # The final lost in binding, from Norris. hy frenne byth nynsyw bern an schath a'n dek the yfern [2235] my lord y schal be ther for IMPERATOR ow bennath thy's uernona ha bennath map maria ow arluth ker tormontors duegh thym yn scon [2240] ## # erased in ms leaving a gap. par ma allo ow colon guella ow cher a pur harloth ple fugh why pur vth o clewas an cry genef orth agas gylwel [2245] yma thy'mmo vy duon gyllys lemmyn y'm colon yn della dev thu'm sylwel ## I TORTOR !! TORTOR I my ny garaf streche pel na nyl the wyth na the sul [2250] fysteneugh ow leuerel pendra reys thy'n the wuthul IMPERATOR reys yw theugh mones certan the tenne pilat yn ban yn mes a'n dour [2255] gorreugh ef yn schath the'n mor and y schal yf yow ther for try mylyon our ## II TORTOR !! TORTOR II wharre ny a'n ten yn ban mur venions ha calas ran [2260] ef a whylas ihesu cryst myghtern a nef ha falslych y'n iuggyas ef gans cam pur vras ## III TORTOR !! TORTOR III yn ban tynnyn ef a'n dour [2265] ha dyn dylyn a gan our a cowethe teulyn grabel war notho scherp ha dal genne ynno byth na schapye [2270] ## IV TORTOR !! TORTOR IV me re teulys dew grabel yn mes a'n dour an tebel corf a thue sur kynfo mar pos a vel men hallyens pup den ol yn fen [2275] betheugh why fur ## I TORTOR !! TORTOR I re'n kergho an dewolow otte an corf casadow ow tos y ban me a leuer theugh yn scon [2280] tynnyn ef yn ban war ton map a'n ievan ### folio 79r ## II TORTOR !! TORTOR II vynytha hep na moy let an corf yn schath ny a set a thesempys [2285] gureugh y herthye aperfeth gans mollat dev ha'y eleth ha syns keffrys ## III TORTOR !! TORTOR III otte aperfeth gorrys eugh tenneugh a thysempys [2290] hy goyl yn ban ## # Initial squeezed into margin. may hallo mos gans an guyns ha ganso mollath a'n syns ha dev a van ## IV TORTOR !! TORTOR IV lemmyn hertheugh hy the ves [2295] me a glew vn hager noyes yn carn yn mor er y byn yma dour ow mos garow thu'm gothfos mur dewolow rak y kerghes ef lemmyn [2300] ## I TORTOR !! TORTOR I fystynyn fast th'agan pow rak deuones dewolow the'n teroge y mons ow crye huthyk dun yn kergh rak dout pystyk [2305] scon hep lettye LUCIFER. ow dewolow duegh gynef war parth ol me agas peys the kerghas gans y enef corf pylat gans mur a greys [2310] yn tan whyflyn ef a sef ha paynys neffre a pys ha'y gan avyth ogh goef the'n bys-ma panfue genys ## BELSEBUK !! BELSEBUC an corf-ma mylyges yw [2315] ytho ef a goth thy'nny the vos yn dor nynsyw guyw nag yn dour nag yn hyly ## SATHANAS !! SATANAS y dour tyber ef a fue ## # leg. , might be read as . yn geler horn gorrys dovn [2320] ha myl den ef a wruk due ## # missing in ms. yn dour-na rak vth hag ovn ## BELSEBUK !! BELSEBUC gorhel vyth ny tremene an for-na nafe buthys ny thyndylas lowene [2325] lemmyn yn tan bos cuthys LUCIFER a'n dour yfue drehevys ha dreys arte the'n tyr mur hag yn gorhel bras gorrys gynen may teffo the'n lur [2330] ## SATHANAS !! SATANAS gool ha gvern thotho ordnys ## # ? and written unclearly over erasures. may thelle yn mes a'n wlas the vn carn yfue teulys par may cothas yn ow bras ## BELSEBUK !! BELSEBUC an carna a ygoras [2335] ## # ms del o destnys thotho ef rak pur wyr yth hep coras dre y ober glascor nef eno ny a'n receuas vthyk yw clewas y lef [2340] tan ha mok ha pocvan bras yn carna neffre y sef LUCIFER pocvan pup vr ha rynny skrynva vras a'n dewolow ef a'n gevyth genen ny [2345] a pup drok maner ponow ## SATHANAS !! SATANAS ha ty corf bras mylyges the yfarn gans the enef gynen y fythyth tynnes the cane avyth goef [2350] ### folio 79v ## BELSEBUK !! BELSEBUC lemmyn pup ol settyes dorn yn keth schath ma th'y tenne ha ty tulfryk pen pusorn dalleth thy'nny ny cane ## TULFRYK !! TULFRYC ye regymmy tol ow guen [2355] rak yn mes yma y pen sur pur hyr a ves thu'm tyn ## # might be read as . belsebuk ha sattanas kenough why faborden bras ha me a can trebyl fyn [2360] [et sic finitur mors pilati] [et incipit ascencio Xti in celum et dicit petrus] PETRUS arluth ker fattel vyth dy'n marseth arte thyworthy'n drok yw gyne vynytha er na whyllyn a trauyth ny gemeryn [2365] nep lowene IHC. a pedar byth da the cher faste the gy the vreder yn lel grygyans me a athyow thu'm tas [2370] yn confort thyugh my a as an spyrys sans PHILIPPUS arluth ker dre the vur ras dyswe thy'nny ny an tas ha henna yw lour thy'nny [2375] rak ty yw dev gallogek the pup a vo othommek warnos a pysse mercy IHC. a phelyp lous os y'th fyth ha ty gynef solla-thyth [2380] gothfythy grygy yn fas me a leuer theugh deffry pyv penagh a'm gwellha vy sur ef a wylfyth ow thas dev ha den kepar del of [2385] sur an tas yma ynnof hagh yn weyth my ynno ef may tyffough ol the sylwyans seuough yn agys crygyans rak thu'm tas me a the'n nef [2390] ## IACOBUS MAIOR !! JACOBUS MAJOR arluth ple then alemma thy'n the gemeres trygfa na theffo den vyth gynen ha pygyn dev gallosek del esen agan vnnek [2395] ha na moy gor na benen IHC. scon alemma why a spetd bys yn meneth olyuetd ha'n tas a glew agas lef the'n keth plas-na thyugh yth af a le-na yth yskynnaf yn ban bys yn glascor nef [discipuli transeunt ad montem olivetum] ### folio 00r ANDREAS arluth ny a th'y wharre rak ny yllyn yn nep tre tryge dres nos [2405] del vs an yethewon wheth pur vr worth agan arveth hag ow koddres ## IOHANNES !! JOHANNES dun the'n meneth olyved yn weth ena ny a red [2410] y gen lyfryow gortos y thos ny a wra ihesu cryst map maria the'n beys golow ## BARTHOLOMAEUS !! BARTHOLOMEUS ha bethens fystenyn d'y [2415] ihesu cryst myghtern a ioy re bo gynen nep na grys y bos sylwyas goef genys y vonas a brys benen [2420] SYMON a ihesu cryst myghtern nef me a'th pys clew agan lef gans drok tra na ven temptys rak y fo the gras gynen a torment gour na benen [2425] my ny thowtyaf tra yn beys ## IUDA !! JUDAS byth ny reys thy'n doutye tra y fo cryst map maria ha'y gras gynen kens ol ef agan formyas [2430] ha gans y wos a prennas gour ha benen IHC. lemmyn ol cres yntrethough omma kepar del esough worth ow gortos [2435] [osculatur eos omnes] aban oma dasserghys dev hugens deyth dyuythys byth pan fo nos ## IACOBUS MINOR !! JACOBUS MINOR arluth mar calle wharfos gynen ty the vynnes bos [2440] omma pup vr rak pur wyr gynen mar pes ny a vye pur attes ha lowen mur IHC. a ny wothough why vn dra [2445] pup den ol yn bewnans da ow bose vy ganso ef kevsyns den myns a vynno ow kyc ha'm gos byth ynno ha ken ny thothye the'n nef [2450] THOMAS arluth pandra wraf lemman pan ylly gy ahanan the'n nef the'n tas gynen bythyth yn dovses rak na yllyn the weles [2455] cuth ny gen gas IHC. thomas ty a the cynda hag ena pregoth a wra yn ow hanow ha gura thy's moy seruygy [2460] yn wlas-na ow len grysy tus yv tanow hag yn weth why dew ha dew a pregoth yn aweyl grew yn ol an beys [2465] pyv penagh a len grysso yn weth bysythyys a vo a vyth sylwys ha nep na vynno crygy ny yl bos a'm seruysy [2470] yn certan awos an beys me a leuer theugh an guyr ma ny wrefa ow desyr y fyth dampnys the peynys MATHEUS arluth pregoth ny a wra [2475] kepar del wrussys pup tra nag us ken dev ages os den na gresso dyougel an keth den-na the selwel cammen vyth na yl wharfos [2480] IHC. ow bennath genough gasaf [hic Jhc osculatur eos omnes] aweyl theugh yth yskennaf a thesempys yn pur wyr yn ban the'n nef athyow thu'm tas yth sef [2485] sylwadur beys [hic ascendit Jhc.] ## I ANGELUS !! ANGELUS I pyv henna gans deusys mas re thueth mar vskys the'n wlas guyskys yn ruth mur ioy vs er y byn ef [2490] pur tha yth heuel yn nef y bones druth ## II ANGELUS !! ANGELUS II my ny won p'ywe cammen syth myl ha syth cans blythen vn den kyn fo ow kerthes [2495] ow tos kyn spedye yn geyth dev vgans myldyr perfeyth omma ny alse bones ## III ANGELUS !! ANGELUS III pyw a thueth a'n beys yn ruth avel gos pen ha duscouth [2500] garrow ha treys marth thy'm a'n deusys yma mar vskys del thueth omma el byth ny neys ## IV ANGELUS !! ANGELUS IV henna a edom re thueth [2505] the vyl deaul mar ny wruk vth marth yv gyne rak me a dyp bos hemma an keth map eth alemma yw myghtern a lowene [2510] ## V ANGELUS !! ANGELUS V pyv a ylta gy bones pan yw mar ruth the thylles yn gulascor nef rak me a wor lour denses marnes dre an luen dvses [2515] omma ny sef IHC. me yv myghtern re wruk cas ol rag dry adam ha'y has a tebel stuth ## # Norris myghtern of a lowene [2520] ha'n victory eth gyne yn arvow ruth ## V ANGELUS !! ANGELUS V myghtern nef re by gorthys del os formyas nef ha'n beys honor sit deo meo [2525] ioy del yl ov dythane ny ny tywyn ow cane Gloria in excelsis deo [tunc cantent omnes angeli Gloria in excelsis deo] ## VI ANGELUS !! ANGELUS VI prag yth yw ruth the thyllas omma aberth yn pen wlas [2530] le na fue denses byth queth an eleth omma yv guyn avel an houl pan thywhyn yn ken lyw ny's guylys wheth IHC. ruth y couth thy'mmo bones [2535] ow hobersen a fue gures tevy dar bol heys ol ow croghen scorgyys dovn y'm kye maytho tellys lyes myl tol [2540] ## VI ANGELUS !! ANGELUS VI arluth ny vyen lowen mar fur torment a cothfen y bones thy's my ny wothyen a'th vernans na vyth moy a'th daserghyans [2545] pan y'th whylsyn deuethys ## VII ANGELUS !! ANGELUS VII dre the voth lauar pyv os dyllas ruth yn an cothfos prak y's guyskyth my ny wylys yn wlas-ma[2550] bythqueth dyllas a sevt-na sur nep den vyth IHC. rag dry adam a yfarn me a thuk curyn a spern nep try our adro thu'm pen [2555] asso mur tyn ow passyon pan eth dreyn yn empynnyon a pup parth dre a grogen ### folio 81v ## VII ANGELUS !! ANGELUS VII ellas my ny wothyen man bones map dev y honan [2560] degenow yn mes an nef ol pegh adam pan prennas pur wyr mur a torment bras hep dout a wothevys ef ## VIII ANGELUS !! ANGELUS VIII a hanas marth yw gene [2565] os myghtern a lowene prag yth yv the thyllas ruth ha fattel duthys yn ban dre the gallos the honan ha war the corf mar drok stuth [2575] IHC. myghtern of guyron ha cref kyns pegh map den am sorras er-ow-fyn trauyth ny sef porth yfarn me a torras hag a thros lyes enef [2575] a ver drok tervyns ha cas the ioy y tethons gynef kemmys a wruk both ow thas ow scons a fue crous a pren kyns en myghtern den ha dev [2580] yn le basnet war ow fen curyn a spern lym ha glev ol ov ysyly yn ten hag a wel the lyes plu yn golon dren tenewen [2585] the restye syngys ow gu dre ow thrys y tuth vn smat gans kentrow daga gorre y fue ow manegow plat spygys bras dre ow dywle [2590] ytho ov fous ham brustplat purpur garow thum strothe dre an gos a rak pilat worto an kyc a glene pan fue an purpur war skwych [2595] kychys the ves gans dyw thorn worto y glynes hardlych ran a'n kyc bys yn ascorn woge ow da oberow dywes a yrhys dethe [2600] thym rosons bystyl wherow byth ny fynnys y eve gans gu guenys ha marow dre an golon me a fue an tryge deth sur hep gow [2605] y wruk dasserghy arte ## VIII ANGELUS !! ANGELUS VIII arluth ker bynyges os a syv ioy gynef gothfos an denses the thos then nef an tas dev dren spyrys sans [2610] then beys danvonas sylwyans a huhon map dev a seyf ## IX ANGELUS !! ANGELUS IX a ihesu crist luen a ras my ny wothyan the vonas alemma gyllys then beys [2615] ioy yv gynef the clewas mar tek yw the theryvas drethos yth of lowenhys ### folio 82r IHC. a tas bynyges yth se lemmyn thys my re deve [2620] gans densys yn mes an beys map den my re wruk prenne gans gos ow colon na fe nep a wrussyn ny kyllys DEUS PATER wolcom ow map os yn nef [2625] wolcom fest osy gynef yse thymmo a thyow ty re fue fest lafur bras dre conquest a thylyfras mes a payn an enefow [2630] ## IMPERATER !! IMPERATOR a tus vas why re welas a thasserghyens crist del fue porthow yfarn a torras yn mes adam hag eue kemmys a wruk both an tas [2635] ys gorras the lowene the vap den y tysquethas pur wyr mur a kerenge hag yn ban the nef then ioy ihesu a wruk yskynne [2640] worth an iaul hay company rak as guytho yn pup le hay vennath theugh pup huny lemmyn ens pup war tu tre now menstrels pybygh bysy may hyllyn mos the thonssye #### end of file ### 2646 lines