# --------- ORIGO MUNDI --------- # Keith Syed's Kernewek Kemmyn adaptation edited and translated by Ray Edwards # Made by Jim Hall of Falmouth College between 29th January and 22 March 2001 # See http://www.ordinalia.com # ---------------------------------------------------------------------------- # HIC INCIPIT ORDINALE DE # ORIGINE MUNDI. # DEUS PATER An Tas a Nev y'm gelwir, formyer puptra a vydh gwrys. Onan ha tri on yn hwir, an Tas ha'n Mab ha'n Spyrys, ha hedhyw my a dhesir 5 dre ow gras dalleth an bys. Y lavarav, nev ha tir, bedhens formyes orth ow brys. Lemmyn pan yw nev dhyn gwrys ha lenwys a eledh splann, 10 ni a vynn formya an bys. Par dell on Tri hag Onan, an Tas ha'n Mab ha'n Spyrys. Pur ryal yn sur sertan an re ma yw oberys, 15 dell vynnsyn agan honan. Y'n sekond dydh y fynna' gwruthyl ebrenn, nev henwys, rag yth hevel dhymm bos da y'n kynsa dydh myns eus gwrys. 20 Bedhes ebrenn dres puptra rag kudha myns eus formyes, rag synsi glaw a-wartha, dhe'n norvys may fo dyllys. Y'n tressa dydh dibarth gwrav 25 yntra an mor ha'n tiryow, hag y'n tir gorhemmynnav may teffo gwydh ha losow. Pub gwydhenn teves a'y sav ow toen hy frut ha'y delyow, 30 ha'n losowys erbynn hav degens has yn erberow. Y'n peswara gwres perfeyth dhe'n bys oll golowys glan, ha'ga henwyn i a vydh 35 an howl, ha'n loer, ha'n stergann. My a sett a-ugh an gwydh yn kres an ebrenn a-vann an loer yn nos, howl yn jydh, may rollons i golow splann. 40 Y'n pympes dydh my a vynn may fo formyes dre ow nell bestes, puskes hag ydhyn, tir ha mor dhe gollenwel, rag y hwyrvydh an termyn 45 dredha may fydher dhe well. Dhedha my a worhemmynn, ynkressyens ha bywens pell. Hedhyw yw an hweghves dydh a-ban dhallethis gonis, 50 may hwrug nev, mor, tir ha gwydh, bestes, puskes, golowys. Gostyth dhymmo i a vydh, kekemmys eus ynna gwrys. Mab-den a bri yn perfeyth 55 my a vynn y vos formyes. Dell on ni Onan ha Tri, Tas ha Mab yn Trynyta, ni a'th wra, ty dhen, a bri, haval dh'agan fas hware. 60 Ni a hwyth yn dha vodi # spyrys [may] hylli bywa, spyrys may hylli bywa, ha'n bywnans pan y'n kelli, dhe'n dor ty a dreyl arta. Adam, sav yn-bann yn klor, 65 ha treyl dhe gig ha dhe woes. Preder my dhe'th wul a dhor haval dhymm a'n penn dhe'n troes. Myns eus yn tir hag yn mor warnedha kemmer galloes. 70 Y'n bys ma rag dri askorr ty a vyw bys may fi loes. Adam, dell ov Dyw a ras, bos gwithyas a wrontyav dhis, war baradhis my a'th as. 75 Saw gwra unn dra a'm* govis. War bub frut, losow ha has a vo ynni hi tevys, saw a'n frut ny 'fydh kummyas yw prenn a skians henwys. 80 Mara tybrydh a henna yw henwys prenn a skians, yn-mes alemma ty a, hag a'fydh marow vernans. # ADAM A Das, Mab ha Spyrys Sans, 85 gordhyans dhe'th korf hweg pup-prys. Ow formya teg ha diblans ty re'm gwrug pur haval dhis. Rag governya ow bywnans yma lowr orth bodh ow brys. 90 Pur leun yma dhymm ow hwans y'm be kowethes ord'nys. # y'm be [1](1) kowethes ord'nys. # DEUS PATER Nyns yw da yn pur sertan bones unn den y honan heb koweth py kowethes. 95 Ke, growedh war an dor glan ha kosk. Bydh na sav yn-bann erna vo kowethes gwrys. Skon a onan a'th asow my a wra dhiso parow 100 pub eur oll rag dha weres. Adam, ottensi omma. Ri hanow dhedhi hi gwra, dhe'th par rag hy hemmeres. # EVA Arloedh Dyw a'n Nev, an Tas, 105 kepar dell os leun a ras vynytha gordhys re bi, dell wrussys *meur *a'm govis orth ow formya haval dhis. Unn Dyw os, ha Persons tri. 110 # ADAM A Das, ty re dhros dhymmo, askorn a'm kig ha korf o, par may fo ow howethes. My a's henow Virago, An Tas Dyw gordhys re bo 115 a's ord'nas dhymm rag ow les. # DEUS PATER Adam, otta an puskes, ydhyn an nev ha'n bestes, keffrys yn tir hag yn mor. Ro dhedha aga henwyn. 120 I a dheu dhe'th worhemmynn, saw na vegh i war neb kor. # ADAM Yth hanwav bugh ha tarow ha margh yw best heb parow dhe vab-den rag omweres, 125 gaver, ewiges, karow, davas war verr lavarow hy hanow da kemmeres. Lemmyn hanwav goedh ha yar a synsav ydhyn heb par 130 dhe vegyans den war an bys; hos, payon, kolomm, grugyer, swan, bargos, brini ha'n er. Moy dredhov a vydh henwys. Y rov henwyn dhe'n puskes, 135 porpos, sowmens, syllies; oll dhymm gostyth i a vydh, lenesow ha barvusi. Pysk ragov ny wra skeusi mar kordhyav Dyw yn perfeyth. 140 # DEUS PATER Rag bones oll teg ha da yn hweddydh myns yw formyes, aga soena ni a wra may fo seythves dydh henwys, henn yw dydh a bowesva 145 dhe bub den a vo selwys. Yn diskwedhyans a henna ni a bowes desempis. # SERPENS S. DEMON Eva, prag na dheu'ta nes rag kows orthiv ha talkya? 150 Unn dra a wonn, a'n godhves, a wrussa dha dhidhana Bys vynytha y hwartthes rag joy ha rag lowena. Kepar y'n bys ha dywes 155 dhe'n nev gwrusses yskynna. # EVA Pandr'a yll henna bones? Lavar dhymmo vy hware. # DEMON Eva, ny allav medhes rag own ty dhe'm kuhudha. 160 # EVA Drefenn ow bones benyn ty a yll dhymm derivas. Awos travydh ny wrussen vynytha dha guhudhas. # DEMON A'n nev my a dheuth yn-nans. 165 Eva hweg, gwellha dha jer. Frut a'n wydhenn a skians dybri bydh na borth danjer. # EVA Fisten alemma dihwans! Orthiv na gows namoy ger. 170 A'y frut dybri ny'm beus hwans, dres difenn ow Arloedh ker. # DEMON A venyn, ass os gokki na grysydh dhe'm lavarow! A teppres, ty ha'th worti 175 a'n wydhenn ha'y avalow, y fiewgh yn surredi y'n eur na avel dywow. Eva, deus nes, kemmer i, rag dhis ny lavarav gow. 180 # EVA Neb a'm gwrug vy ha'm gorti ev a wrug agan difenn aval na wrellen dybri na mos ogas dhe'n wydhenn. # DEMON My a woer prag o ganso: 185 rag hy bos gwydhenn a ras. A'y frut hi neb a dheppro a wodhvydh kusul an Tas. Tra ny vydh y'n pow a-dro na wodhvo dhe dherivas. 190 Meur a foli yw dhodho an keth frut na mara'n gas. # EVA Amayys ov ow prederi pandr'a allav dhe wruthyl an aval orth y derri, 195 rag own genes bones gil. # DEMON Torr e yn ow feryll vy. Heb hokya fast have ado, hag ynwedh gwra dhe'th worti may teppro ev anodho. 200 # EVA Stop an wydhenn troha'n dor may hylliv aga hedhes. # DEMON My a wra, saw deus yn klor. Torr e ha ke dhe gerdhes. # EVA Adam, ystynn dhymm dha dhorn. 205 Tann henna dhiworthiv vy dison heb hwytha dha gorn. Desempis gwra y dhybri. # ADAM Lavar dhymmo, ty venyn, an frut ple hwrussys terri, 210 mara pe a'n keth eghenn o difennys orthyn ni? # EVA My pan esen ow kwandra, klywis a'n eyl tenewen unn el ow talleth kana 215 a-ughov war an wydhenn. Ev a wrug ow husulya frut anedhi may torren. Moy es dyw ni a via, bys vynytha na sorren. 220 # ADAM A! Out warnas, drog venyn, orto pan wrussys koela, rag ev o tebel-edhen neb a glywsys ow kana, ha'gan doro dhe anken 225 mar's ni a wra omdenna. Prederes peub a'y worfenn fatell allo gorfenna. # EVA Taw! an el a bregewthi a'n wydhenn hag a'y vertu. 230 A'y frut a wrello dybri y fedha kepar ha dyw. # ADAM Dhiso ny vynnav krysi, na dhe'th fekyl lavarow. Pysyn may fen servysi 235 dh'agan Arloedh heb parow, rag neb a'n gwrug ni a bri a ros dhyn difennadow, frut na wrellen dhe dhybri a'n wydhenn heb falladow. 240 # EVA A-ban na vynn'ta krysi, ty a gyll ow herensa. Vynytha hedra vywi omma ny'm gwelydh arta. # ADAM Eva, kyns dell vi serrys 245 my a wra oll dell vynni. Dro va dhymmo desempis, ha my a wra y dhybri. Ogh, tru tru, my re beghas, ha re dorras an difenn. 250 A debel-venyn heb ras, ty re'm toellas sur heb ken. Agan korfow noeth gallas. Gans del agan kudha gwren. Y hwonn dhe-wir, Dyw an Tas 255 re sorras dre weyth benyn. # DEUS PATER Adam, Adam, pandr'a wredh? Prag na dheudh dhe'm wolkomma? # ADAM Drefenn ow bos noeth heb kweth, ragos yth yth dhe gudha. 260 # DEUS PATER Piw a dhiskwedhas dhiso dha vos noeth korf, troes ha bregh lemmyn a'n frut gras na'th o mones dhe dhybri heb pegh? # ADAM Dhymmo vy hwi a ros gwreg. 265 Honna yw oll dhe vlamya, a dorras an aval teg hag a'n dug dhymm dhe dastya. # DEUS PATER A-ban goels'ta orti hi ha gwruthyl dres ow difenn 270 milliga a wrav devri an nor y'th weythres hogen. Y'th hwys, lavur dhe dhybri ty a wra bys y'th worfenn, spern ha spedhas ow tevi 275 hedra vi may fo anken. Eva, prag y hwruss'ta jy toella dha bries heb ken, an aval orth y derri wosa my dhis dh'y dhifenn? 280 Ty re gammwrug yredi ha re'n dros dhe veur anken pan wrussys dhodho dybri ha tastya frut an wydhenn. # EVA A das kuv y'th wolowys, 285 an sarf re wrug ow thoella. Dh'y falsuri y krysis. Pithneth re wrug ow shyndya. Mar terri, y leveris, kepar ha Dyw y fedha. 290 Mar pe drog a oberis trogh hyhi gans dha gledha. # DEUS PATER Rag ty dhe goela orti ha toella dha bries len, nevra gostyth dhe'y gorti 295 my a orden bos benyn, may foghhaho hy heudh hi dre wul ow gorhemmynn trogh, na heb meur lavur devri bynytha ny's tevydh flogh. 300 Ty dhyowl, gwra ow gorthybi. Prag y toells'ta jy heb ken orth hy themptya dhe derri an frut erbynn ow difenn? # DEMON My a lever dhis an kas: 305 rag bos dhedha joy mar vras ha my pub eur ow leski. Rakhenna my a's temptyas dhe begha, may fe "Ellas" aga han kepar ha my. 310 # DEUS PATER Ytho, bydhydh milligys pur wir dres oll an bestes a gerttho war an norvys, ha nevra y fydh avi yntra dha linyeth dhejy 315 ha linyeth benyn pup-prys. Omma ny wrewgh hwi triga. Ewgh yn-mes a-dhesempis. Hwi a gyll ow lowena a res dhywgh yn paradhis. 320 Ny dal dhis kavanskeusa dre dha wreg y vos terrys. Rag orti ty dhe goela, mil vab mamm a vydh dempnys. # ADAM A Das Dyw, y'th wolowys 325 gront dhe'th weythres, my a'th pys, neppyth a Oyl a Versi. # neppyth a Oyl a Versi. [1](2) # DEUS PATER Adam, yn diwedh an bys my a wront Oyl Mersi dhis ha dhe Eva dha wre'ti. 330 Cherubyn, kemmer kledha, fisten troha paradhis. Dew dhen a gevydh ena. Gorr i yn-mes desempis. Pur vysi a vydh dhedha 335 ha dhe gemmys a vo gwrys. May hwrussons kammdremena sur i a villik an prys. # CHERUBYN Dhe baradhis skon yth av rag gwruthyl oll bodh dha vrys. 340 Ena tus mara kavav yn-mes y fydhons gorrys. Adam, ke yn-mes a'n wlas troha ken pow dhe vywa, ty dha honan dhe balas, 345 dha wreg genes dhe nedha, rag hwi re sorras an Tas. Ma'gas bydh leun edrega, fistenewgh troha'n daras, rag omma ny wrewgh triga. 350 # ADAM Ellas, gweles an termyn ow Arloedh pan wrug serri, pan wrug dres y worhemmynn, ow ertaj gwrug dhe gelli. Ny wonn vydh pyth av lemmyn. 355 Ny'm beus gwest, goskes na chi. Ow holonn oll dhe demmynn rag moredh a wra terri. Yn-mes a'm joy ha'm hwekter res yw keskar dre derroes. 360 Rag fowt gwest ha goskotter nammna verwyn rag anwoes. Ny wodhon rag poenvotter pyth en, yn gwel po yn koes. Ow holon gwag, divoetter 365 re'm kemmer, hag ewl boes. Eva, kemmer dha gygel rag nedha dhyn ni dillas, ha my a gans oll ow nell y'n dor dhe dhalleth palas. 370 Meur varth a'm beus diogel an bys dh'y derri na'm gas. Rag esow galsov isel na allav kerdhes yn fas. My a'th pys, Arloedh ughel, 375 dhe'n tir ty a re kummyas ma'm gasso kyns es merwel ynno boes dhymm dhe hwilas. # DEUS PATER Adam, kummyas skon a'fydh hys dha bal leun dhe dreghi. 380 Dhis yth arghav, a diredh, gas Adam dhe'th igeri. # ADAM A Syrra, Arloedh perfeyth, boghes yw henna dhyn ni. Myns a dyv ynno, unn jydh 385 my ha'm gwreg a wra dybri. # DEUS PATER Ytho, kemmer hy dew hys rag kavoes dhis ha'th wre'ti. # ADAM Arloedh, henn yw re nebes mar kwren flogh vydh dineythi. 390 # DEUS PATER Kavoes moy dhis a-ban res, tri hys dha bal kemmer i. A-dreus musur hy thri les, ha gwayt na wra falsuri. # ADAM Arloedh kuv, oll henna glan, 395 tri hys ow fal mara'm be, my ha'm gwreg ha'm flogh byghan bysi vydh dhe sostena. Mar teu moy ny's tevydh mann. Rag nown y hwrons klamdera. 400 Y'n eur na rag pur dhughan dagrow tynn gwrav diveri. # DEUS PATER Ke, kemmer myns a vynni, Adam, a'n bys oll a-dro. Dhiso ev a vydh bysi 405 hag ahanas a dheffo. # ADAM A Das a nev, gromersi. Dha gorf ker gordhys re bo. Eva, war an bys maystri leun gummyas yma dhymmo. 410 # EVA Gwynn agan bys, ow fries, bos grontyes dhyn ni kummyas dhiworth an Tas Dyw gwella dhe balas ha dhe wonis. Gans kygel a-dhesempis 415 nedha dillas my a wra. # DEUS PATER Drog yw genev gwruthyl den preshyous ha haval dhe'm fas. Rag koela orth unn venyn glan ev re gollas an plas 420 a'm leuv dheghow a wrussen dh'y witha a'n jeffa gras. Pan wruga dres ow difenn fest yn tynn ev re'm sorras. Adam, a oll dha drevas 425 an degves rann dhymmo gas hwath yn attal dha geski, ha gans kolonn dha, heb sorr, gorr e dhe'n menydh Tabor yn gordhyans dhymm dh'y leski. 430 # ADAM Arloedh, dha vodh a vydh gwrys. Moy kyn fynnes dhe gavoes, pur wir leskys ev a vydh rag kollenwel bodh dha vrys. Nyns eus parow dhis y'n bys. 435 Leun a ras os yn perfeyth. Kaym hag Abel ow mebyon, ewgh sakrifiewgh yn skon y'n menydh dhe'n Tas a Nev, hag oll a'gas gwir dhega 440 dhodho gwaytyewgh offrynna ha'y leski dell erghis ev. # CAIN A das kuv ker, my a wra. Arloedh Nev roy dhymm gul da yn pub ober a wrellen. 445 Abel hweg, deun alemma dhe wordhya'n Arloedh gwella dell erghis agan tas dhyn. # ABEL Ow broder, pur lowenek my a genes dhe'n menydh, 450 saw kyns es mos, ow thas hweg, ro dhymm dha vennath perfeyth, rag dhymm yma govenek kavoes dhe gyns tregeredh. Dha vennath dhymm meur a bleg, 455 ha bennath ow mamm ynwedh. # ADAM Ow bennath prest ty a'fydh keffrys yn nos hag yn jydh, ha myns eus y'n bys re'th fo. # EVA Bennath dha vamm kekeffrys 460 nevra dhiso my a bys. Amen, yndella re bo. # ABEL Ow bennath dhywgh hwi keffrys. Roy dhymm agas bennathow. A Dhyw, lemmyn gwynn ow bys 465 ow bos soenys heb hwedhlow! # CAYM Abel, py feusta mar bell? Ny goedho dhis bones hell ow mones dhe'n sakrifis. # ABEL Kaym, ny lettis saw unn lamm, 470 ow kavoes bennath ow mamm, ha bennath ow thas keffrys. # CAYM Re'm fay, meur a wokkineth yw mones dhe leski pyth a yll den orto bywa. 475 Pyth yw an gordhyans dhe Dhyw bos leskys dhe low lusow war an karregi dega? # ABEL Kaym hweg, preder a'th enev. Awos an Tas Dyw a'n Nev, 480 gwra y worhemmynnadow. Dhyn nyni travydh ny rev, a-ban yw sur y vodh ev y leski heb falladow. # CAYM Nansi, Abel, doway that! 485 Yndella bydh ny vynnav. My re brederis gul pratt rag y witha erbynn hav. # ABEL Sertan gokki os ha mad. Mar ny wredh dell lavarav, 490 ty a'fydh pur dorment sad yn gwlas ifarn, dell grysav. Dyw a ros dhyn an naw rann, rag bywa orto sertan, dre y leun ras ha'y versi. 495 Ytho, prag na laves' ev kavoes y dhega heb grev, hag a-ban vynn, y leski? # CAYM Rag leverel yn priva my ny vynnav offrynna 500 oll ow dega yn sertan. A Das Dyw leun a byta, tann, ressev dhiworthiv vy ow dega ha'm offrynn glan, ha Dyw, mir orth ow offrynn, 505 ha ressev dhis ow dega, rag mar ny wredh, my a vynn y dhoen genev arta tre. # ABEL A Das Dyw, Arloedh ughel, my a'th wordh gans oll ow nell 510 y'm kolonn pur druesi, hag a offrynn dhis hware warbarth oll ow gwir dhega yn gordhyans dhis y leski. # DEUS PATER Rag bos Abel gwir dhega, 515 ev a'n jevydh y'n diwedh an joy na dhifyk nevra yn ow gwlas ha kosoleth. # CAYM Pandra? Ny vynn Dyw gul vri ahanav, na seweni 520 an pyth a dhreh'av ny wra, ha pub eur chatel Abel i a sewen milblek gwell? Abel a'n pren rakhenna. # ABEL Ow broder hweg, deun dhe-dre. 525 Yma unn poesyjyon bras war ow holonn ow koedha. Pynag vova, ren ow thas, an Tas, a wrug ow formya, a'm offrynn re wodhvo gras, 530 ha pan wrylliv tremena a'n bys, re'm gorro dh'y wlas. # CAYM Abel hweg-oll, na wra vri, rag puptra oll a vydh da, dre weres agan Dyw ni, 535 a nev an Arloedh gwella. Ke yn-rag dell y'm kyrri, yn Hanow Dyw a-wartha. Vynytha na sewenni, tann hemma war an challa. 540 # LUCIFER Belsebuk ha Satanas, ewgh alemma pur doth bras, dell y'm kyrrowgh agas dew; ha kyrghewgh dhe-dre an gwas, may hallo kana "Ellas" 545 nevra yn tewolgow tew. # SATANAS Agan arloedh Lucifer, ni a'n kyrgh dhis heb danjer pur lowenek, yn drog-gras dh'y das Adam, 550 vynytha na'n jeffo tamm a wolow teg. # BELSEBUC Mall yw genen dha gavoes, dhe vos lemmyn dhe derroes, ha dhe bayn kepar ha ni. 555 Abel, ty a drig nevra, awos oll dha wir dhega, yn tewolgow bras heb joy. # SATANAS Deun ganso dhe-dre war not dh'agan arloedh Lucifer. 560 My a gan an konternot, ha ty dyskant omgemmer. # BELSEBUC Hayl syrr arloedh Lucifer! My re gyrghas dhis dhe-dre mab Adam, an fals huder, 565 may hallo genen triga. # LUCIFER Abel, rag dha offrynn ker, ty a vydh genen nevra, ha dewolow heb niver pub eur orthis ow skrynkya. 570 # DEUS PATER Kaym, lavar, ple'ma Abel dha vroder, ow servont lel? Prag nag usi ev genes? # CAYM Neb ma'n ressys dhe witha, dhiworth henna govynn e. 575 Py eur feuv vy y withyas? # DEUS PATER Otta voys mernans Abel, dha vroder, prest ow kelwel a'n dor warnav pub tyller. Milligys nevra re bi, 580 hag oll an tir a biwvi yw milligys y'th ober. Frut da bynner re dhokko, na glasa bys gorfenn bys. Ow molleth a rov dhiso, 585 molleth ow eledh keffrys. # CAYM Dha lev, Arloedh a glywav, saw dha fas my ny welav, sur er ow gew. Ellas, my a woer henna, 590 bones ow fegh moy yn ta es mersi Dyw. Lemmyn difreth ov ha gwag, pur wir dres oll tus an bys. My ny wonn leverel prag 595 gans peub na vydhav ledhys. # DEUS PATER Kaym, ny vydhydh yndella, rag dha ladha, den mar kwra, ev a'n jevydh seyth kemmys a baynys y'n norvys ma, 600 mar pydh drog vydh oll gwrys dhis, rag dha verkya my a wra y'n bys, denvydh na'th lattho. Pub eur oll obereth da, gwynnvys kemmys a'n gwrello. 605 # ADAM Ow mab, pyth eth dha vroder? Prag na dheuth e genes tre? # CAYM Anodho mars eus preder, orth y withyas govynn e. # ADAM A, milligys y'th ober. 610 Ty re'n ladhas re'm lowta hag ev ahanan mar ger. Ow molleth dhiso nevra. Ellas, bydh pan yw kellys Abel hweg, ow mab kerra, 615 na vythkweyth pan veuv formyes (dhiworthiv drog a'n prena) na Kaym pan yw dineythys! Pan venjans yw a'n re ma, dre unn venyn hwarvedhys! 620 Go-vy pan welis Eva! Yma Dyw hwath ow pywa, neb yw Arloedh dres puptra. My ny vynnav growedha vynytha gans korf Eva. 625 # EUA Ellas, bydh pan wrug koela mar hegoel orth ow eskar. Kemmys drog eus ow koedha, ha diwedhes hag a-varr. Yma ken dhymm dhe oela 630 dagrow goes yn hwir heb mar. Go-vy vydh oll ow pywa, ow kodhav lies galar. # DEUS PATER Serafin, dhe Adam ke, hag argh dhodho growedha, 635 dre ow gorhemmynnadow, hwath gans Eva y wre'ti, hag ev a wra dineythi unn mab da heb falladow. # SERAPHIN Arloedh, dha vodh my a wra, 640 dell dhegoedh dhymm yn pub le; ha bys dhodho hware a dhe'n bys rag y gusulya. Adam, an Tas Dyw gwella a erghis dhis growedha 645 gans dha bries ker Eva, rag kavoes flogh dhe'th servya. # ADAM Pan vynn an Tas yndella, res yw y wruthyl porres. Mar mynn Dyw rag an gwella 650 dell fydhyav, ev a vydh gwrys. Deus, ow howethes Eva, growedh y'n gweli a-hys. Gorhemmynn Dyw dres puptra res yw y vos kollenwys. 655 Nans yw lemmyn tremenys neb dew kans a vlydhynyow na'm beuv dhe wruthyl genes, yn kig nag yn kneus heb wow. # EUA A-ban vynn an Tas a'n Nev, 660 res yw sywya y vodh ev pypynag vo. Dre ras an Arloedh gwella ni a dhineyth unn flogh da dhyn a serffyo. 665 # ADAM In nomine Dei Patris, yndella dhyn re hwarvo. War an Tas Dyw ni a bys y ras dhyn may tannvonno. # EUA Adam, ny yll bos kelys, 670 an pyth a dheu y'n diwedh. Yma flogh genev genys, dre vodh an Tas Dyw ynwedh. Bennigys re bo an prys may feu gwrys an gorholedh. 675 Py hanow y fydh gelwys? Lavar dhymmo, er dha fydh. # ADAM Seth a vydh y ewn hanow. An Tas a'n Nev karadow roy dhodho gras dh'y servya. 680 Mos dhe balas my a vynn, rag sostena bywnans dhyn. Res yw porres lavurya. A Dyw ker, ass o'ma skwith! Gwynnvys a kwellen unnweyth 685 an termyn dhe dhiwedha. Krev yw gwreydhyow an spedhas, mayth yw ow diwvregh terrys orta menowgh ow kweytha. Seth ow mab my a dhannvon 690 dhe yet paradhis yn skon, dhe jerubyn, an gwithyas. Govynn orto mara'm bydh Oyl a Versi y'n diwedh dhiworth an Tas Dyw a ras. 695 # SETH A das ker, dhe'th worhemmynn my a dhi a-dhesempis. Saw pandr'a wra'ma govynn ny wonn, na fordh dhe'm negys. # ADAM Lavar, anes ow pos vy 700 a'm bywnans, my dh'y bysi a leverel gwiryonedh dhiso a'n Oyl a Versi o dedhewys dhymmo vy gans an Tas a'y dregeredh 705 pan veuv chasyes gans an el yn pur dhevri, my ha'm gwreg, rag gul foli. Helghys warbarth y feun ni yn-mes skon a baradhis. 710 Syw olow ow threys leskys. Ny dyv gwels na flour y'n bys y'n keth fordh na may kerdhis, ha ni ow tos alena, my ha'th vamm sur kekeffrys. 715 Ty a welvydh an toknys. Kyn hwelli meur wolowys, na dhout; ny vydh ken es da. # SETH My a wra fest yn lowen dha negys bys y'n gorfenn. 720 A das, kolonn karadow, ny vynnav lettya pella. My a'th pys, ow soena gwra kyns es mos heb falladow. # ADAM Ke yn kerdh, ow mab-evy, 725 ha nevra ow bennath dhis. Gwra dha negys yredi, kyns dehweles, my a'th pys. # SETH A das, dout na berthewgh hwi. Hware my a vynn mones. 730 Dyw a'n Nev dre y versi my a bys dh'agan gweres. # CHERUBIN Seth, pandra yw dha negys, mar hir fordh dos may fynnsys? Lavar dhymmo vy hware. 735 # SETH A el, my a lever dhis. Ow thas yw koth ha skwithys, ny garsa pella bywa, ha genev ev a'th pysis a leverel gwiryonedh 740 a'n Oyl dhodho dedhewys a Versi yn Dydh Diwedh. # CHERUBIN A-ji dhe'n yet gorr dha benn, hag esel vydh oll nahen, pypynag oll a welli. 745 Ha mir a bub tenewen. Aspi yn ta pub eghenn. Hwither puptra oll bysi. # SETH Fest yn lowen my a wra. Gwynn ow bys kavoes kummyas 750 dhe wodhvos pyth vo ena, rag y leverel dhe'm tas. Dyw, teg a wel yw homma! Go-ev a gollas an wlas! Saw a'n wydhenn dhymm yma, 755 hy bos syghys, marthus bras. Saw my a grys hy bos sygh ha gwrys noeth oll rag an pegh a beghas ow thas ha'm mamm. Avel olyow aga threys 760 sygh yns oll kepar ha leys. Ellas pan dhybrys an tamm. # CHERUBIN A Seth, osa devedhys a-ji dhe yet paradhis, lavar dhymm pandr'a wels'ta. 765 # SETH Oll an tekter a welis ny yll taves den y'n bys y leverel bynytha. A frut da ha flourys teg, menestrouthi ha kan hweg, 770 fenten, bryght avel arghans, ha peder stredh vras devri ow resek a-dhiworti, orta mires mayth o hwans. Warnedhi yma gwydhenn 775 ughel gans lies skorrenn, saw noeth oll yns heb delyow, hag a-dro dhedhi ruskenn Nyns esa, a'n bleyn dhe'n ben. Noeth yw oll hy skorrennow. 780 Ha war-woeles, pan viris, my a welas hy gwreydhyow bys yn ifarn dewenys, yn mysk meur a dewolgow, ha'y branchys yn-bann tevys 785 bys yn nev ughel golow; ha hi warbarth diruskys, keffrys ben ha barrennow. # CHERUBIN Hwath mir arta a-bervedh, hag oll ken ty a welvydh 790 kyns es dones alena. # SETH Bos kummyas dhymm gwynn ow bys. My a dhe'n yet desempis, mar kallav gweles ken tra*. # CHERUBIN A wels'ta ken y'n tor' ma 795 es dell esa a-gynsow? # SETH Unn sarf y'n wydhenn yma, best euthek heb falladow. # CHERUBIN Ke hwath tressa treveth dhi ha mir gwell orth an wydhenn. 800 Mir pandr'a welli ynni, keffrys gwreydhyow ha skorrenn. # SETH Cherubyn, el Dyw a ras, y'n wydhenn my a welas, yn-bann ughel orth skorrenn, 805 flogh byghan nowydh genys, hag ev yn kwethow maylys ha kelmys fast gans lystenn. # CHERUBIN Mab Dyw o neb a welsys avel flogh byghan maylys. 810 Ev a bren Adam dha das gans y gig ha'y woes keffrys pan vo termyn devedhys, ha'th vamm hag oll an dus 'vas. Ev yw an Oyl a Versi 815 a veu dhe'th tas dedhewys. Dre y vernans yredi oll an bys a vydh selwys. # SETH Bennigys nevra re bi! A Dhyw, lemmyn gwynn ow bys 820 godhvos gwir oll yredi. My a vynn mos dhiworthis. # CHERUBIN Kemmer tri sprus a'n aval a dhybris Adam dha das. Pan varwo, gorr i heb fall 825 yntra y dhens ha'y daves. Anedha ty a welvydh teyr gwydhenn tevys hware, rag ny vyw moy es treddydh war-lergh dha vones dhe-dre. 830 # SETH Bennigys re bi. Pub dydh my a'th wordh pur wir nevra. Ow thas fest lowenek vydh, mar skon a'n bys tremena. A das ker, my a welas 835 yn paradhis fenten ras, ha warnedhi unn wydhenn hir, gans meur a skorrennow, hag yn kres hy barrennow unn flogh maylys gans lystenn. 840 Henn yw an Oyl a Versi o dedhewys dhiso jy dhiworth an Tas Dyw a'n Nev, ha'n el dhymm a leveris pan vo treddydh tremenys 845 ty a dhaskorr dha enev. # ADAM Arloedh ker, dhis meur wordhyans, rag hir lowr yw ow bywnans. Kemmer dhiso ow enev. Gwynnvys bones dhymm fethys 850 lavur ha dughan an bys. Fest pell my re'n servyas ev. A vab, ny dal keles mann. An pyth a dheu gwelys vydh. Galsov koth ha marthys gwann. 855 Devedhys yw ow diwedh. An Tas Dyw, Arloedh a-vann, re'm gorro dhe gosoleth, ow enev ha'm korf dhe'n lann. Amen, pyses peub privedh. 860 # ow enev ha'm korf dhe'n lann. [1](3) # Amen, pyses [2](4) peub privedh. # SETH Tru, go-vy, ellas, ellas bos marow Adam, ow thas! Gans y gorf a'm dineythis. Kepar dell veu va dremas. Y'n dor my a vynn palas 865 toll may fo ynno kudhys, ha'y wul hir ha down ragdho. Drog a alar yw dhymmo y ynkleudhyas mar uskis. An tri sprus yn y anow 870 my a's gorr heb falladow kepar dell veu dhymm erghys. Bolonjedh Dyw yw hemma, bones gorrys an sprus ma pan dremenno a'n bys ma, 875 yn y anow bos gorrys. An Tas a Nev sur heb fall a'n gwrug ev dhodho haval. Pan dorrasa an aval an Arloedh a veu serrys. 880 # LUCIFER Aha, Belsebuk, aha! Awotta unn pervers da lemmyn hwarvedhys. Awos oll roweth Adam, bys dhyn omma yn unn lamm 885 ev a vydh kyrghys. # SATANAS My a gyrgh an gwas hware, bynytha rag growedha genen ni yn tewolgow. Belsebuk, dell y'm kyrri, 890 fisten dihwans, gweres vy ow toen an plos kasadow. # BESEBUC My a'th weres orth y dhoen dhe ifarn, kepar hag oen, war geyn lowarn py brathki. 895 Awos oll dha fas ha'th son, genen ni y fydh dha thron yn poenvotter vynari. # SATANAS Adam, ty a veu goethus pan eses yn paradhis, 900 avel harlot ow lordya ha rakhenna desempis, ni a'th teg bys gorfenn bys yn poenow dhe wrowedha. # BELSEBUC Hayl, ow arloedh, yn dha se! 905 Otta kyrghys dhis dhe-dre genen ni an harlot bras, Adam plos a dhesevsa warnan konkerrya nevra. Lemmyn ev yw agan gwas. 910 # LUCIFER Ow bennath dhywgh hwi pup-prys, mar dha y hwrewgh ow negys prest yn pub le. Gorrewgh an fals negedhys gans Abel a-dhesempis 915 dhe esedha. # DEUS PATER Drog yw genev gwruthyl den preshyous haval dhymm sertan. Rag koela orth unn venyn, glan ev re gollas an plas 920 a'm leuv dheghow a wrussen. Pan wruga dres ow difenn, mes a baradhis lowen an el hware a'n gorras. Ow spyrys ny drig nevra 925 yn korf mab-den vydh y'n bys ha reson yw ha praga rag y vos kig medhel gwrys. Nyns eus den orth ow servya len ha gwiryon, my a grys, 930 yn oll an bys saw Noa # yn oll an bys saw Noa [3](5) ha'y wreg, ha'y fleghes keffrys. # DEUS PATER Sa'bann Noy, ow servont ker, deus gene' pols dhe wandra, ha dhiso my a lever 935 yntredhon taklow priva. # NOE A Das Dyw y'n ughelder, bennigys re bi nevra, rag genes yn pub tyller parys ov dhe lavurya. 940 # DEUS PATER # Noa, [4](5) mar leun yw an bys Noa, mar leun yw an bys lemmyn a sherewynsi, mayth yw diwedh devedhys ynno a gig pub huni. Gans pegh mar veur yw flerys 945 na allav sparya namoy heb gul dial a verr spas war peub oll sur marnas ty. Rakhenna fisten, ke, gwra gorhel a blenkys playnys, 950 hag ynno lies trigva. Roumys i a vydh gelwys. A-ves hag a-ji yn ta gans pyg bedhes stanchurys. Ha trihans kevelin da 955 an lester a vydh a-hys. Ha hanter kans kevelin ynwedh ty a wra y les. Yn ughelder my a vynn deg warn ugens y vos gwrys. 960 War-tu delergh daras ynn ty a wra, yw port henwys. Tresters dredho ty a bynn a-dreus rag na vo diges. # NOE Arloedh, kepar dell vynni, 965 an gorhel sur my a'n gwra. Pyth yw an edhomm dhyn ni kavoes lavur a'n par na? A-ban vynnydh pub huni ladha oll a'n norvys ma 970 saw unnsel ow thus ha my. ladh ni gansa maga ta. # DEUS PATER # Noa,[5](6) dre dha dhader bras Noa, dre dha dhader bras ty a biw ow gras nevra. Kemmer dha wreg ha'th fleghes, 975 ha'ga gwragedh gorr gansa. A bub eghenn best y'n wlas gorr genes dew anedha. A bub kinda edhen 'vas y'th worhel gwith dew gorra. 980 Rag liv bras my a dhoro, a guttho oll an norvys, myns den eus y'n bys may fo kyns bos du an liv beudhys, spyrys a vywnans ynno 985 vynytha na vo gwelys. Gorr, gwra dell dhyskav dhiso. Pan vo gwrys my a dheu dhis. A bub eghenn a ginda, gorow ha benow ynwedh, 990 aga gorra ty a wra yn dha worhel a-bervedh. Pub maner boes y'n bys ma eus dhe dhybri may tylydh rag den ha best maga ta 995 yn dha lester ty a'fydh. # NOE Arloedh kuv, dha arghadow y wruthyl res yw dhymmo. Yth av heb ynniadow dhe wonis a-dro dhodho. 1000 # NOE Hedh ow boel dhymmo toeth da, ow tharder ha'm mortholow. my a vynn mos alemma dhe wruthyl ow negysyow. # UXOR NOE Mester, yn skon my a wra. 1005 Dhe'n Tas a Nev karadow pub ober oll y'n bys ma a wren re bo plegadow. # NOE A Dhyw ker, ass o'ma skwith prennyer derow ow treghi. 1010 Vythkweyth powes my ny'm bydh. Mar vrew yw ow eseli. Gwynnvys a kwellen an jydh may feu erghys dhymm hedhi. Arloedh, warnas tregeredh. 1015 Go-ev a wra dha serri. # DEUS PATER Lemmyn, Noy, y'th worhel ke, ty hag oll meni dha ji. Drefenn leun ty dhe'm servya ow kres a'fydh bynari. 1020 A bub best kemmer hware gorow ha benow devri. Oll a'n ydhyn ow neyja, gwith kopel may kemmerri, anedha dhe sawya has, 1025 rag seythun wosa hemma dew ugens dydh my a as glaw dhe goedha a-wartha. Keniver den eus y'n wlas, na tra y'n bys ow pywa, 1030 saw unnsel ty ha'th fleghes gans liv y hwrav dhe ladha. # NOE A Das, bennigys dell os, dha arghadow my a wra. My a vynn alemma mos 1035 dhe'm gwreg ha'm fleghes totta. A bries heb falladow, mebyon ha myrghes keffrys, dre vodh an Tas karadow yma gorhel krev ord'nys. 1040 Fistenyn fast bys dhodho; rag y teu liv war an bys may fo pub den oll ynno, ha pub best warbarth beudhys. # UXOR A vester ker, my a wra 1045 puptra kepar dell vynni. Deun oll dhe'n gorhel toeth da gans liv na wrellen beudhi. # SEM Dell yw gorhemmynnys dhyn, my a's gorr bys y'n gorhel, 1050 keffrys bestes hag ydhyn; ha Ham deges boes heb fall. # CAM Otta saw boes war ow heyn; Yafet deges sawgh arall; awos an Tas fistenyn; 1055 rag own nammnag ov pur dhall. # JAFET Yma gene' unn begh da, goera hag ys kemmyskys. Oll dhe'n bestes eus omma a gyv boes lowr dewdhek mis. 1060 # NOE Yn Hanow an Tas gwella, deun a-bervedh desempis. Agan gorhel a-wartha gans glaw ev a vydh kudhys. Mergh, gwarthek, mogh ha deves 1065 drewgh a-bervedh desempis; saw an ydhyn bennigys, i a neyj kwykk hag uskis. A Das, dell on dha weythres a boll hag a leys formys, 1070 bydh dhyn ni nerth ha gweres, rag warnas prest ni a bys. # SEM My a vynn lemmyn tyldya gwartha an gorhel gans kweth, ha henna a wra gwitha 1075 na dheffo glaw a-bervedh. # CAM Yn Hanow Dyw dh'y lawa, ti, py ni a'gan bydh meth. Yma ow tegynsywa hager gowas, war ow fydh. 1080 # JAFET Otta kowas pur ahas. Ny's perth den mara pes pell; a-rond an dor stremys bras ow tewraga gans meur nell. # NOE Dre ras a'n nev, hag a'n Tas, 1085 ni a's feth, kyn fo meur fell. Agan gorhel re neyjas. Re'n sawyo, Arloedh ughel. # DEUS PATER Marow yw puptra esa spyrys a vywnans ynno. 1090 My a worhemmynn hware dhe'n glaw namoy na wrello. An liv-woeth gwres omdenna. My a gommond skon dhodho; dh'y dyller kyns es arta 1095 Noa gonis may hallo. # Noa[6](7) gonis may hallo. # NOE Gallas an glaw dhe-ves glan, ha'n dowr my a grys basyes. Da yw yn-mes dyllo bran mars eus dor sygh war an bys. 1100 # SEM My a's dyllo ahanan. Ny dheu arta, my a grys. Mar kyv karynyas sertan warnedha y trig pup-prys # NOE Gwir dhymm ty a dherivas 1105 an varghvran na dhehwella. Yma war garynyas bras ow tybri fest dibyta. An golomm glas hy lagas, yn-mes gwra hy delivra. 1110 Lella edhen ren ow thas leverel ny wonn ple fo. # SEM My a wra hy delivra hware, a das karadow, ha hi a wra aspia 1115 mars eus dor sygh yn neb pow. # CAM Hy delivra my a wra yn-mes yn Hanow an Tas. Lemmyn ke, aspi yn ta mars eus tir sygh yn neb gwlas. 1120 # JAFET Devedhys yw, hag yma yn hy min branch oliv glas. Hy hemmeres my a wra a-ji dhe'n gorhel toeth bras. # NOE An Tas Dyw re bo gordhyes. 1125 Synsys meur on dh'y gara. Nans yw an livow basyes pan eus gwydh ow tesygha. Ow mebyon, my a'gas pys, yn-mes hwath dyllewgh tressa. 1130 Mar kyv tir sygh my a grys dhyn ni ny dhehwel arta. # JAFET Kepar dell vynni, a das, my a wra dha arghadow. Kolomm hweg glas hy lagas, 1135 ke, neyj a-ugh lies pow. Tir sygh yn gwel nag yn pras, mar kevydh yn hwir heb wow, ynno gwith yn ta hwilas boes dhe'th li ha dhe'th kinyow. 1140 # SEM Naneyl ogas nag yn pell ny's gwelav ow terneyja. Hi re gavas diogel dor desyghys yn neb le. # NOE Yn Hanow an Tas ughel, 1145 an gorhel gwren diskudha. Bos sygh ha teg an awel, dhe Dhyw y koedh dhyn grassa. Gordhyans ha gras dhis, a Das. desyghys yw an norvys. 1150 nyns eus yn gwel nag yn pras tus vyw saw ni, my a grys. # UXOR Gwres Dyw y vodh ha'y vynnas, pypynag vo yn y vrys. Pur wir y alloes yw bras, 1155 yn nev hag yn tir keffrys. # DEUS PATER Noy, my a worhemmynn dhis, ke yn-mes a'th worhel skon, dha wreg ha'th fleghes; keffrys ydhyn, bestes ha pryvyon, 1160 kressyewgh, kollenwewgh an bys avel kyns; kettep mab bronn. Rag may fewgh hwi sostenys, ewgh, dhe wonis gwel ha tonn. # NOE Dha volonjedh yn pub le, 1165 Arloedh ughel, my a wra. Yn-mes a'n gorhel hware my ha'm gwreg ha'm fleghes a. Yn enor Dyw dh'y lawa gwren unn alter deg ha da, 1170 may hyllyn sakrifia dhodho war an keth honna. # CAM Yn dehwelans peghadow gul alter sur da via, ha dhodho agan lodhnow 1175 warnedhi sakrifia. # JAFET Tekka alter yn neb pow ny allsa den aspia es dell eus genen heb wow, dres an Mont Kalvaria. 1180 # NOE Dega oll agan ydhyn, bestes ynwedh maga ta, warnedhi my a offrynn yn gordhyans dhe'n Tas gwella. # UXOR EJUS Bugh offrynna my a vynn 1185 hware war an alter na. Y ras re dhannvonno dhyn an Tas Dyw a wrug puptra. # SEM Kolomm genev vy yma. Yn enor Dyw my a wra 1190 war an alter hy gorra. # UXOR EJUS Fesont onan fat ha da dhe'n Tas Dyw a'n Nev gwella my a offrynn heb lettya. # CAM Goedh deg skon my a offrynn 1195 dhe Dhyw war benn ow dewlin, hag a's gorr war y alter. # UXOR EJUS Dyw, y tal dhywgh oll henna. My a offrynn mallart da yn gordhyans dhe'n Tas Dyw ker. 1200 # JAFET Dhe'n Tas Dyw yn meur enor war y alter my a worr grugyer teg hag ahwesydh. Yn enor dhodho heb fall my a offrynn skon, arall, 1205 ha chapon da, war ow fydh. # DEUS PATER Noy, rag kerensa orthis, my ny gemmerav nevra tromm dial war oll an bys, na dre dhial peub ladha. 1210 Kressyewgh, kollenwewgh keffrys an norvys a dus arta. War ydhyn, bestes, pup-prys galloes a'fydh warnedha. Keniver best eus yn tir, 1215 ydhyn ha puskes keffrys, yw gostyth dhywgh yn pur wir, hag y vos dhywgh ordenys. Na dhybrewgh, my a ervir, kig gans goes bys worfenn bys. 1220 Ewgh, gonedhewgh termyn hir. Powes ny'gas bydh nep-prys. # NOE Pandr'a amont dhyn gonis mar serrydh orth den heb wow? Pan vo oll dhyn lavuryes, 1225 agan hwel a vydh mothow. Dre dromm dhial war an bys ty a wra peub oll marow. Mar dha yw genev a vrys merwel kyns dos drog ankow. 1230 # DEUS PATER Noy, rag kerensa orthis, my a wra dhis ambos da. leun dhial war oll an bys ny gemmerav vynytha. # NOE Ambosow orth trygher gwrys 1235 anedha nyns eus lagha. Dre sorr kyn fens i terrys, dhe skonya my ny allav. # DEUS PATER My ny dorrav bys vykken an akord eus lemmyn gwrys 1240 yntra my ha linyeth den. Bys vynytha ev a bes. Yn rekord, yw tokyn len, ow gwarak a vydh settyes yn-bann yn kres an ebrenn 1245 na allo bones terrys. Honna a vydh tokyn da a'n akord eus gwrys heb fall. Kyn fynniv war an bys ma tewlel venjans na dial, 1250 my a vir skon orth honna, hag a'n akord a vydh kov. Gans liv ny wrav bynytha ladha an dus wyls na dov. # NOE Arloedh, dell os dres puptra, 1255 dha worhemmynn a vydh gwrys. Mos dhe wonis my a wra, ha'm gwreg ha'm fleghes keffrys. # ABRAHAM My a vynn mos dhe'n templa ha Dyw ena y wordhya 1260 kepar dell goedh dhymmo vy. Ev yw Arloedh Nev ha'n bys, ha henna sur my a grys a leun golonn pur dhevri. # DEUS PATER Abram, Abram, fistena 1265 gwra, ha deus dhymmo hware, rag kollenwel bodh ow brys. Res yw dhiso lavurya unn pols byghan alemma, dell lavarav pur wir dhis. 1270 # ABRAHAM Devedhys ov - dhe'th volonjedh. Arloedh, porth kov - yn Dydh Diwedh, a'm enev vy. Lavar dhymmo - pandr'a wra'ma? Y'n gwrav ytho, - skon y'n tor' ma 1275 yn pur dhevri. # DEUS PATER Ow bolonjedh mar mynnydh y gollenwel heb lett vydh, dha vab Ysak a gerydh y offrynna res yw dhis 1280 war venydh a dhiskwedhav dhiso jy. Dell lavarav, a'n kovadh bydh ny asav, mar kwredh dhymm an sakrifis. # ABRAHAM Arloedh ker, an sakrifis 1285 a vydh gwrys orth bodh dha vrys. Ow mab Ysak offrynnys ev a vydh war an menydh. My a'n gorr war an alter, hag a'n lesk gans tan-prennyer. 1290 Ny skonyav yn neb maner a wul oll dha volonjedh. Ow mab Ysak, dhymm y res dhe Dhyw gwruthyl sakrifis, dell yw Arloedh bys ha nev. 1295 Kemmer dhymmo begh keunys. Gans lovan bedhes strothys, ha war dha geyn dog eev. # YSAC Otta omma begh keunys, ha fast ev genev kelmys 1300 pur wir, a das. Deun alemma desempis bys y'n menydh yw ord'nys gans Dyw a ras. # ABRAHAM Tan ha kledha - yma gene 1305 lemmyn parys. Deun alemma - rag offrynna an sakrifis. # YSAC Ow thas evy - marth yn tevri eus dhymm lemmyn. 1310 # ABRAHAM Ow mab kerra - pandr'a vynn'ta orthiv govynn? # YSAC Otta omma yn sertan prennyer genev dhe wul tan degys a-dre. 1315 Ple'ma an offrynn, a das, a vydh leskys dhe Dhyw ras rag y wordhya? # ABRAHAM Dyw a dhannvon dhyn a'n nev herwydh y volonjedh ev. 1320 Ow mab, sertan y fydh gwrys. My a vynn war an alter gorra lemmyn an prennyer rag leski an sakrifis. My a lever ow mab dhis, 1325 Dyw dhymmo vy a erghis may fi tejy offrynnys dhodho ev war an alter. # YSAC Y volonjedh mars ywa y offendya ny vynna'. 1330 Kyn fen marow y'n tor' ma an mernans my a'n kemmer. # ABRAHAM Ke yn-bann war an keunys, hag ena growedh a-hys, may hylli bones leskys. 1335 A vab hweg, yth ov keudhys, ow holonn yw marthys klav. Dhiso jy dell lavarav offendya Dyw ny vynnav, awos denvydh war an bys. 1340 # YSAC Bydh lemmyn a gonfort da. Pan yw bodh Dyw yndella, y gemmeres my a wra an mernans sertan warnav. A das hwegoll karadow, 1345 ow diwleuv kolm ha'm garrow. Gans lovan, fast kolmennow na allen sevel a'm sav. Mar pydhav kelmys lemmyn- offens vydh oll er dha bynn. 1350 Pan glywviv vy an tan tynn parhap y hwrussen fia. A das ker oll karadow, ow faynys a vydh garow kyn' bos leskys dhe lusow. 1355 A Dhyw, gorwith a'm ena. # ABRAHAM A ow mab ker - na borth ahwer, Dyw a'th weres. Ev, Dyw a ras - a'n kovadh ny as termyn vydh nes. 1360 Lemmyn yn hast - my a'th kelm fast. A verr dermyn, Gans ow kledha - sur dha ladha skon my a vynn. # GABRIEL Abram, Abram, skon goslow 1365 lemmyn orth ow lavarow a vynnav derivas dhis. # ABRAHAM Piw os a gews mar ughel? Lavar dhymmo diogel, dell y'm kyrri, my a'th pys. 1370 # GABRIEL Abram, my a lever dhis. El a'n nev ov, dannvenys rag gwitha na ve ledhys dha vab Ysak yw dha joy. Yn pur wir Dyw a aswonn 1375 bolonjedh oll dha golonn. Rakhenna omdenn yn skon a-dhiworto ev devri. # ABRAHAM A Dhyw ker, re bi gordhys Bos ow mab dhymmo sawyes. 1380 Ow holonn yw sur yaghhes. Nyns eus Arloedh vydh saw ty. Yn gordhyans dhodho omma, offrynna an keth mols ma yn le Ysak y('n) settya' 1385 war an alter dhe leski. # YSAC Tan y'n keunys - gorrav uskis. Hwytha a wrav. A Dhyw a'n Nev - klyw agan lev dell y'th pysav. 1390 # ABRAHAM An sakrifis - dhe Dhyw yw gwrys, Deun ni dhe-dre. Ow mab Ysak - skon deus yn-rag. Gwra ow sywya. # MOYSES Yma marth dhymm a unn dra 1395 a'n pyth lemmyn a welav. An bos nos dewi a wra, saw nyns usi ow leski. My a vynn mos dhe vires, hag a wodhvydh kyns 'dennas 1400 a-dhiworto oll an kas. Tra astranj yw dhymmo vy. # DEUS PATER Moyses, Moyses, sav ena. Na nes, na dheus na fella, rag ny vynnav. Dhiworthis 1405 di'sk dha 'skisyow kwykk dhe-ves. Sevel war dir bennigys a wredh, dell lavarav dhis. Ha my yw Dyw dha dasow, Abram, Ysak sur heb wow, 1410 ha Yakob ynwedh keffrys. # MOYSES Ny allav mires y'th fas rag golowder. Ny'm beus gras a hwithra warnas unn prys. # DEUS PATER Yn Ejyp hwyrvys yw kas. 1415 Ow fobel vy grevys bras gans Faro yw milligys, ymons dhymmo ow kria, rag an lavur eus dhedha. Vydh ny yllons omweres. 1420 Res yw dhis mones ytho, bys yn Ejyp dhe Faro, ha lavar my dh'y warnya vydh na wrello kompressa ow thus eus trigys ena, 1425 rag dout meschyf dhe goedha. Ty a wra wosa hemma gorra an dus alena, bys yn tiredh a dhinwa lanwes leth ha mel keffrys. 1430 Ny vynnav orta bones na pell ena yn dises. Dell lavarav dhis, Moyses, war dha lergh bedhens rewlys. # MOYSES Arloedh, ny vynnons krysi, 1435 na klywes ow voys evy, awos my dhe gows dhedha, ha tus vyghan ha tus vras. Ny wrug Dyw dhymm diskwedhes vydh. Ny'n krysons ev nevra. 1440 # DEUS PATER Kows er dha fydh - a verr dermyn. Pandr'a synsydh - y'th leuv lemmyn? Lavar, Moyses. # MOYSES Gwelenn a brenn - a wrav synsi. Ty yw Chyften - ha Dyw dhyn ni, 1445 leun my a grys. # DEUA PATER Towl an welenn - oll yn tien, dhe'n dor uskis. Ty a welvydh - sur yn perfeyth merkyl teg gwrys. 1450 # MOYSES A Dhyw a ras - Serpont yw hi, euth hy gweles - Own a'm beus vy. Krena a wrav. # DEUS PATER An lost kemmer - dhedhi yn-bann y'th torn heb ger - Syns dha honan, 1455 dhis lavarav. # MOYSES A Arloedh ker - my a'n kemmer yn-bann hware. An welenn ma - yn hy hinda treylyas arta! 1460 # DEUS PATER Gwith an welenn ma yn ta, ha denvydh drog dhis ny wra, ha'm gras a rov lemmyn dhis. Hedra vo yn dha herwydh fethys nevra ny vydhydh 1465 gans tebeles war an bys. Na borth own vydh, na vydh trist, rag my a vydh genes prest, orth dha weres yn pub le. Ke alemma desempis 1470 ha gwra oll dell leveris, ha gras dhiso my a re. Dhe Ejyp yth av uskis, rag kollenwel bodh dha vrys, Arloedh a ras. 1475 Gwynn y vys pan veu genys a allo gul dhis servis. A'y gov ny'n gas. # MOYSES A ty dhen, myghtern Faro, Dyw a'm dannvonas dhiso 1480 dhe wovynn prag yw genes punshya y dus mar gales, eus trigys a-ji dhe'th wlas. Ahanas marth a'n jeves. # PHARO A! Pyth yw an keth dyw na 1485 may res dhymmo y'n tor' ma a glywes oll y voys ev? Y aswonn sertan ny wrav. Pobel Ysrael ny asav na's gorren i dhe hwel krev. 1490 # ARON A! Dhiso Dyw a erghis may fe y dus oll gesys dhe wul dhodho sakrifis, dell yw ev galloesek bras. Mara kwredh aga lettya 1495 na allons len y servya, my a lever y'n tor' ma venjans krev a goedh warnas. # PHARO Out warnowgh, a dhew adla! Pandr'a wrewgh ow repreva, 1500 ha my omma yn ow hel? I a vydh gweythys kales hedra vons i yn ow gwlas, rag nyns owgh ma's dew lorel. # MOYSES A ny vynn'ta obaya 1505 dhe Dhyw a wrug dha formya hag a formyas nev ha'n bys? Res yw dhis ynno krysi, ha leun fydhya yn tevri, boken ny vydhydh selwys. 1510 # PHARO Ty a hevel muskegys, hag yn gokkineth gyllys. Awos an dyw a gewsydh, y bobel ny vydh sparyes. Isel y fydhons gweythys 1515 keffrys yn nos hag yn jydh. ha my a with hardh na fe denvydh oll, sur, anedha dhe wul dhe dhyw sakrifis. Mar kwra, godhvedhys mar pydh, 1520 yn skon diswrys ev a vydh, ha dhe'n mernans kott gorrys. # ARON Ny vynnydh klywes Dyw ker, lemmyn mos dhe'n kaletter. Dha golonn yw kales bras. 1525 Mar ny wredh omamendya, ev a wra tynn dha bunshya, may leverri, "Ogh, ellas!" # PHARO Out warnas, harlot penn-koeg! Skon yn-mes kwykk a'm golok 1530 # Skon yn-mes kwykk [1](8)a'm golok na drig y'm kour. Mara'th kavav, re Yovyn, y'th ladhav kyns es myttin a'm diwleuv sur. # MOYSES Vydh ny vynn an keth den ma 1535 treylya dhe Dhyw a-wartha, awos lavar leverys. # ARON Ny yllyn travydh dhodho. Meschyf a goedh warnodho yn sertan hag a verr spas. 1540 # I NUNCIUS Lowena dhe flour an bys! Yma kas bras hwarvedhys ha koedhys war dha bobel. Ny yllons bos niverys an tus yw marow ywis. 1545 Nyns yw plesys Dyw Ysrael. # PHARO Out, out, out, ellas, ellas! Bos hwarvedhys yn ow gwlas meschyf a'n par ma koedhys. Lavar dhymmo kyns mones, 1550 py tyller yma Moyses, ha py kost yma trigys. # I NUNCIUS Yn mysk fleghes Ysrael, dyski lagha Dyw ughel a wra dhedha dydh ha nos. 1555 Yma ow kul sakrifis, ha'y bobel ev kekeffrys, dhe'n keth Dyw na gans meur dros. An dowr ha'n ys yw posnys, mayth ens meur a dus dyswrys 1560 ha bestes sertan y'th wlas. Nyns yw aga Dyw plesys genes jy pan os punshys, ty ha'th pobel, mar gales. # PHARO Ellas, lemmyn pandr'a wrav? 1565 Konsler jentyl, y'th pysav a ri dhymmo kusul dha. Ow holonn yw klav marthys bos drog a'n par ma koedhys yn ow gwlaskor y'n tor' ma. 1570 # CONSULTOR Mar mynnydh bones yn es, res yw dhis gorra Moyses, Aron, a'th wlaskor yn-mes, ha'ga fobel oll gansa. An benynes ha'n fleghes 1575 bedhens yn-mes eksilys, na dheffo onan y'n bys dhe driga omma nevra. # PHARO Ow bennath dhis, Konseler. Gul war dha lergh heb danjer 1580 mynnav yn skon. Pur wir my a vynn mones dhe gewsel sur orth Moyses, ynwedh Aron. Moyses, my a gommond dhis, 1585 ha dhe Aron kekeffrys, mayth yllowgh yn-mes a'm gwlas, tus, benynes ha fleghes. Omma ny vydhons gesys, dell lavarav dhywgh an kas. 1590 Pub den oll degens ganso y byth, an myns a allo, war aga heyn fardellow. Mysk ow fobel ny vynnav na fella agas godhav. 1595 Ewgh alemma dhe gen pow. # MOYSES Ny vynnydh dhe bobel Dyw gasa kres dhyn yn neb tu awos triga y'n pow ma. Ty a vydh punshys pur dynn 1600 rag dha dhrog a verr dermyn gans Arloedh Nev a-wartha. # ARON Res yw mos mes a'n wlas ma. Nyns eus triga na fella, dell hevel dhyn ni, omma. 1605 Ny vydhyn gesys yn kres. # MOYSES A Dhyw a Nev, dha bysi a leun golonn, gweres ni, nag y'n be ni vileni gans Faro yw milligys. 1610 # I HOMO [GALEFF] Tus, benynes ha fleghes, ymons omma devedhys, ha'ga pyth degys gansa, moy es kansvil yn nomber. I a dremen heb danjer 1615 usi Dyw ker ow kordhya. # II HOMO [JOSUE] Genev yma - fardell pur dha war ow heyn sur. A Dhyw a Nev - klyw agan lev, gwith ni y'th kur. 1620 # MOYSES Dhe Arloedh Nev yth owgh drudh. Deun alemma dhe'n Mor Rudh, tus, benynes ha fleghes, dhe'n tiredh a dhedhewadow yw res gans Dyw karadow 1625 dhyn, ena rag vos trigys. # PHARO Gallas Moyses ha'y bobel mes a'm gwlas. Hi yw dhe well yn pur wir war ow ena. My a vynn aga sywya, 1630 ha warbarth aga ladha kyns my dhe dreylya dhe-dre. # I MILES Bysi yw dhywgh fistena, kyns es i dhe dremena an Mor Rudh sur. 1635 Ymons a-rag pell gyllys, dell lavarav an gwir dhis. Lemmyn bydh fur. # PHARO Deun alemma, marghogyon, keffrys ynwedh skwieryon. 1640 War aga lergh fistenyn. My a vynn aga ladha. Ny vynnav onan sparya. Marow vydhons kyns vyttin. # I HOMO [GALEFF] Moyses, dhiso lavarav, 1645 ty a gammwrug y'n tor' ma, mes a Ejyp agan dri. Vydh ny yllyn tremena an mor ma, war ow ena. Nyns eus trumach vydh dhyn ni. 1650 # II HOMO [JOSUE] Ow tos yma syrr Faro, hag ost bras pur wir ganso. dell lavarav dhywgh hwyhwi. Ellas, lemmyn pandr'a wren? Marow vydhyn kettep penn. 1655 Nyns eus skapya dhyn nyni. # MOYSES Na dhiskrysewgh Dyw a Nev, rag ev a glyw agas lev. Gwrewgh hwi trestya yn y ras. Dell lavarav vy dhy'hwi, 1660 ev a omladh ragon ni. Gesewgh dhe-ves krodhvolas. # GABRIEL Dyw a erghis dhis, Moyses, dha welenn hy hemmeres ha gweskel an mor gensi. 1665 An dowr a iger a-les may hylli yn ta kerdhes, ty ha'th pobel oll dredhi. # MOYSES Gordhyans dhis, a Dhyw a ras, pan dhannvensys dha gannas 1670 rag Faro dh'agan gwitha. Lavarav dhywgh a dus vas, kekeffrys byghan ha bras, lemmyn gwrewgh oll ow sywya. Yn hanow Dyw, ty vor glan, 1675 my a'th wysk gans ow gwelenn. igor a-les fordh dhyn ni, may hyllyn mos dhe'n tiredh yw ord'nys dhyn yn perfeyth gans Arloedh Nev yn tevri. 1680 # II MILES Dell lavarav, arloedh, dhis, yma Moyses pell gyllys y'n mor, dell hevel dhymmo, a-rag dihwans ow kerdhes, an dowr ow fyski a-les 1685 pub eur oll a-dheragdho. # ARMIGER Oll y bobel, ymons i orth y sywya pub huni ha'n mor a bub tu dhedha ow sevel avel diw fos. 1690 Gwithys yns a-ji dhe glos, ny's beudh dowr sertan nevra. # PHARO My a vynn aga sywya, dhe'n mernans aga gorra, kekeffrys byghan ha bras. 1695 Ny vynnav sertan gasa onan vydh oll dhe vywa pynag a hwarvo an kas. Out, go-vy, ellas, ellas! Koedhys warnan an mor bras, 1700 ni a vydh kowal beudhys. Dyw Moyses a wrug hemma. Nyns eus bywa na fella, Yth on warbarth meschyvys. # ARMIGER Ellas, go-vy - beudhys on ni. 1705 Ny wren skapya. Meschyf lemmyn - koedhys orthyn. Nyns eus bywa. # MOYSES My a vynn gwruthyl kastell ha drehevel dhymm ostel, 1710 ynno jammes rag triga. A-ban yw myghtern Faro beudhys, ha'y ost oll ganso, ni a'n bydh kres dhe vywa. # CALEF [IS HOMO] Moyses hweg, ni a dhreha' 1715 ragon chi pols dhe wonis, rag ni a yll gul skovva, ow kortos bos goskeusys. # JOSUE [IIS HOMO] Awott omma onan da ragon ordenys parys. 1720 Lemmyn agan soena gwra kyns es bones annedhys. # MOYSES Bennath an Tas re'gas bo, hag ev prest re'gas gwittho vynytha yn kosoleth, 1725 ha'y ras dhywgh hwi re wronttyo, nevra dhe blegya dhodho, y'n dalleth hag y'n diwedh. My a wel teyr gwelenn gay. Ny welis tekka, re'm fay, 1730 bythkweyth a-ban veuv genys. Yn gwirder an teyr gwelenn yw diskwedhyans ha tokyn a'n tri ferson y'n Drynses. My a vynn aga threghi, 1735 pypynag oll a hwarvo, ha'ga doen genev y'n chi, gordhyans dhe'n Tas Dyw may fo. # ARON Bennigys yw an gwel ma, pan eus sawor sur mar dha 1740 ow tevos anedha i. A losowys oll a'n bys mar hweg smylling my a grys ny dheuth e bys vynari. # MOYSES Bennigys re bo an Tas, 1745 a vynnas diskwedhes dhyn gwelynni a gemmys ras, leun a vertu pub termyn. Dhiworta ma'gan bo gras, aga maylya my a vynn, 1750 gans meur a reowta bras, yn sendal hag yn owrlin. # II HOMO [JOSUE] Go-vy bydh pan veuv genys, a dorr ow mamm dineythys, na vythkweyth pan dhenis bronn. 1755 Gans nader yth ov gwenys, hag oll warbarth venimys a fin ow throes dhe'n golonn. # MOYSES Mar mynnydh krysi sertan nag eus Dyw lemmyn onan 1760 a goedhvo ynno krysi, ty a saw a'n troes dhe'n penn dre vertu an teyr gwelenn mar skon dhedha dell ymmi. # II HOMO [JOSUE] My a grys yn Dyw an Tas 1765 hag a'th pys yn cheryta, Moyses, dell os'a den mas, ow sawya dre dha byta. # MOYSES Amm dhedha desempis, yn hanow an Tas an Nev. 1770 Tri ferson unn Dyw henwys, ha sur y leha dha grev. # II HOMO [JOSUE] A Dhyw, lemmyn gwynn ow bys! Sur a-ban y'm sawyas ev y wordhya y telledh dhis, 1775 mar uskis pan glyw dha lev. # I HOMO [CALEFF] Ellas, Moyses, ogh tru, tru. Shyndyes ov gans kroenek du, ha hwythys gans y venim, ow koska yn hons y'n hal. 1780 Leskys ov a'n kil dhe'n tal. Yn cheryta gweres dhymm. # MOYSES Dyw a Nev a glyw dha lev, saw gwith may hwrylli krysi lemmyn y'n Tas a wrug nev, 1785 tir ha mor, ha den a bri. # I HOMO [CALEFF] Pur wir mar leha ow grev, my a'n afydh dhiso jy, ken arloedh agesso ev ny'n gordhyav bys vynari. 1790 # MOYSES Amm lemmyn dhe'n gwelynni, a-barth an Tas bennigys, hag i a wra yredi a bub kleves dhis yeghes. # I HOMO [CALEFF] Arloedh, bennigys re bi, 1795 dell osa Dyw heb peghes. Sawyes yw ow eseli oll a'n venim ha'm kleves. # IIS HOMO [JOSUE] Moyses, mars os profoes lel, res yw dhiso diogel 1800 ri dowr dhyn ni dhe eva. Mar ny wredh heb falladow meur a'n bobel a verow, ha henna dihedh via. # MOYSES An Tas a'n Nev dre y ras 1805 a dhannvon dhywgh agas hwans. Rag y servons yn neb plas ny's tevydh fowt a gyfyans. # II HOMO [JOSUE] Dha Dhyw plos tejy ny re naneyl dhyn boes na diwes. 1810 Rakhenna dhis my a de gordhya Yovyn bennigys. # MOYSES Aron hweg, pyth a gusul a redh dhymm orth an vresel a son an debel bobel? 1815 Rag diwes mar ny's tevydh yn sertan i a dreylvydh, hag a wordh dywow debel. # ARON My a lever, ow broder, ni a vynn mos dhe bysi 1820 hware war an Arloedh ker, dell ywa leun a versi, may rollo yn neb tyller dowr dhe eva dhedha i, na allons yn neb maner 1825 kavoes ken dhe dhiskrysi. # MOYSES A vroder, ow bennath dhis, rag dha gusul yw pur dha. Gweres dihwans, my a'th pys, ow fysadow dres puptra. 1830 A Das Dyw, y'th wolowys, klyw galow an bobel ma. Dowr may fens i disyghys a vywnans ri dhedha gwra, # ARON # [1](9)na allons kavoes cheson 1835 na allons kavoes cheson 1835 dhe wruthyl krodhvol na son warnas, a Das bennigys, mes pan vons disyghys glan i a dhenagh yn sertan aga dywow villigys. 1840 # DEUS PATER Moyses, kemmer dha welenn, ha ty ha'th vroder Aron, a-rag an debel bobel. Gwask gensi diwweyth an men, hag y res gover fenten, 1845 mar terrydh dhodho heb fall, may hallo tus ha bestes ha myns a vynno, eva, may hwello an debeles ow gweres menowgh dhedha. 1850 # MOYSES A Das Dyw ker bennigys, ny yllir re dha wordhya, rag pub eur oll dha weythres yw da, ha mur dha byta. A bur fals dhiskryjygyon, 1855 tebel agas manerow, na grysowgh a leun golonn bos an Tas Dyw heb parow, pan yllyn ni yntredhon dri dowr a'n men flynt garow 1860 dre gras an Tas a-ughon, gwir Dhyw yn y oberow. # CALEF Moyses, sur my re beghas, hag a henna a elow mersi war Dyw agan Tas, 1865 may haffo a'n peghosow. # DEUS PATER Rag na wordhsys ow hanow, ha rag an fleghesigow a Ysrael diskryjygyon, ny's gorrydh heb falladow 1870 dhe'n tir a dhedhewadow, ty na dha vroder Aron. # MOYSES Ow Arloedh ker, kuv kolonn, piw ytho a's hembronk dhi mar ny wrav vy nag Aron 1875 aga ledya vynari? # DEUS PATER Hwath oll bywa i a wra, nyns a denvydh vynytha a'n keth re na dhe'n tir sans, marnas Kaleb ha Yoshua, 1880 rag i dhe vynnas gordhya fals dhywow erbynn kryjyans. # MOYSES My a woer yn ta lemmyn na'm beus bywa na fella. Devedhys yw ow thermyn 1885 a'm bywnans sur y'n bys ma. Mos dhe blansa my a vynn y'n dor an teyr gwelenn ma. Go ev neb a wordh Yovyn ha serri Dyw a-wartha. 1890 Yn gordhyans dhe'n Tas a Nev my a wra agas plansa, ha trigewgh dh'y ord'nans ev. Gwreydhyewgh ha tevewgh arta. Arloedh Dyw ker, klyw ow lev, 1895 ha gorr vy dhe lowena, ha'm spyrys dhiso ressev. In manus tuas domine. # REX DD Wosa kows ha lavurya, an vaner a via da 1900 kemmeres kroust hag eva, ha powes wosa henna. Botler, fisten heb lettya, doro dhymm a'n gwin gwella. Res yw dhymm porres koska. 1905 Poesyjyon y'n penn yma. # PINCERNA Ow arloedh ker - na vydh serrys. Kettoeth an ger - my a dheu dhis, yn pub tyller - dhymm may fo res, prest heb danjer - vydhav parys. 1910 Parlez. Vous êtes seigneur mien rag gwell diwes byttydh vin nyns a yn agas ganow. Y'n pow ma nyns eus gwell gwin, rag hemma yw pyment fin. 1915 Yv, ow arloedh heb parow! # REX DD Bennath sywyes, Boteller! An diwes yw da ha kler, re Dyw an Tas. My a vynn lemmyn koska. 1920 Yma hun orth ow grevya marthys yn fras. # CONSULTOR Ewgh, growedhewgh, ow arloedh, may haller agas kudha gans dillas rych dell dhegoedh 1925 dhe vyghtern a dynyta. # DEUS PATER Gabriel, fisten hware. Bys yn Yerusalem ke. Dhe vyghtern Davydh lavar, ev a gyv yn Arabi, 1930 yn Mont Tabor gwelynni a blansas Moyses heb mar. A's dres dhe Yerusalem, rag y fydh mab yn Bethlem genys a dhaspren an bys. 1935 Hag anedha krows a wrer rag krowsya Krist ow mab ker. Neb a'n gortthyo, gwynn y vys. # GABRIEL A Das, dell os leun a ras, my a wra oll dell vynni, 1940 dha worhemmynn yn pub plas dell dhegoedh dhymm heb ynni. Davydh, dhe Arabi ke, dhe Venydh Tabor hware. Dog alena teyr gwelenn, 1945 a wrug Moyses dhe blansa, ha dro i genes dhe-dre dhe Yerusalem yn fen. Y fydh edhomm anedha dhe ginda mab-den devri, 1950 may fo res unn jydh a dheu guthyl krows anedha i. # REX DD Bene dicite dominus. My re welas y'm hunros a-dheragov el diblans. 1955 Ev a erghis dhymm kyrghes a Mont Tabor gwel a ras, ma'n bedha dredha selwyans. Ow messejer - kyrgh ow hourser dhe varghogeth. 1960 Oll tus ow chi - dewgh genev vy, bryntin ha keth. # NUNCIUS Ow arloedh, by Godes day, parys yw an steda gay, ynwedh an kourser melyn, 1965 keffrys hakney ha palfray ymons yn nobyl aray. Arloedh, pan vynni, yskynn. # REX DD Messejer, ow bennath dhis! My a vynn a-dhesempis 1970 marghogeth hware bys di. Yn ewn fordh dhi mayth yllyn, may fen hembrynkys pysyn an Tas Dyw, leun a versi. In nomine Dei Patris 1975 a Nev, mynnav yskynna, ejus atque spiritus re worro with a'm ena. Bennigys re bo an prys may hwrug an el ow gwarnya. 1980 Awotta ni devedhys bys y'n menydh heb lettya. Di'skynnewgh kettep mab bronn. Otta an gwel dheragon, glas ow tevi. 1985 Yn enor bras - dh'agan Dyw meur, an gwel a ras - dhiworth an leur gwrav dhe dreghi. # CONSULTOR An re ma yw gwel a ras, rag ny glywsough yn neb plas 1990 sawor a'n par ma vythkweyth. Yma Dyw y'n tyller ma. My a woer lemmyn yn ta, pan yw mar hweg aga eth. # REX DD Hwythewgh, mynstrals ha tabours, 1995 trihans harpys ha trompours, sythol, krowd, fyll ha sowtri, salmus, gyttrens ha nakrys, organs, ynwedh symbalys, rekordys ha symfoni. 2000 Lemmyn peub oll yskynnens, yn hanow an Tas Dyw ker, ha war-tu tre fistenens, keffrys marghek ha skwier. # CECUS Arloedh ker, dhymmo gweres 2005 gans dha wel yn neb maner. Dall ov, ny allav gweles. Soen vy gansa heb danjer. # CLAUDUS Dhymmo evredhek ynwedh ro nerth dhe gerdhes yn fas, 2010 ha my a grys yn perfeyth aga bos gwel a veur ras. # SURDUS Dhe dhen bodhar na glyw vydh, myghtern ker, dre ras an Tas, a'n gwel gweres mara'm bydh, 2015 dhe Dhyw dhe voy y hwonn gras. # REX DD My a's gweres pub huni, mar mynnowgh perfeyth krysi dre ras an gwel bos sawys. In nomine Patris et Filii 2020 atque Spiritus Sancti salvi modo eritis. # CECUS A Das, bennigys re bi. Lemmyn saw oll on nyni a'gan dises sur heb mar. 2025 Gordhyans dhe'n Tas Dyw a'n nev! Lemmyn klywas agan lev. An re ma yw gwel heb par. # REX DD Lemmyn peub diyskynnes, saw kyns es y'n tour mones, 2030 leverewgh dhymm, kompani: Py le 'fydh an gwel plynsys, may fons moyha enorys, ha'n gwella may hwrons tevi? # CONSULTOR Hedra vyn ow prederi, 2035 yn glesyjyon gesewgh i aga theyr dhe wrowedha, hag ordenewgh gwithysi dh'aga aspia bysi, war bayn bras dh'aga gwitha. 2040 # REX DD Re'm fay, honn yw kusul fin. Botler, my a worhemmynn, ha'th koweth, gwithewgh hwi i, ma na vons yn neb maner remevys dhe gen tyller, 2045 war bayn tenna ha kregi. Rag my a vynn pols koska vynytha kyns es dybri. Skwith ov dre veur lavurya. Powes my a vynn devri. 2050 # NUNCIUS My a's gwith gans meur enor, na vo hardh den y'n bys ma, kyn fe myghtern py emp'rour aga gorra alemma. # PINCERNA Emperour na myghtern gwlas, 2055 na sodon, kyn fo mar vras, a yll aga removya yn despit dh'y dhewlagas. My a with an gwel a ras yn Yerusalem nevra. 2060 # NUNCIUS Koweth, growedh a'n eyl tu, hag aspi a-hys ha glew, a-rag hag a-denewen. Mar teu neb gwas ha ladra an gwel dhiworthyn priva, 2065 meth vydh oll dh'agan eghenn. # PINCERNA # Na lader by my ballock [2](10) Na lader by my ballock kyn fe vydh mar vras kwallok, na mar howtyn a'y vodi. Kosk war dha dorr ha powes. 2070 Mar mynnydh kavoes mowes my a'th worr skon bys dhedhi # REX DD Kosel my re bowesas. Ass yw hweg an hun myttin! Gordhys re bo Dyw an Tas 2075 yn y ober pub termyn. Dhiworto ma'm bo-ma gras mos dhe blansa my a vynn an gwel gans reowta vras, yn neb plas teg hag ylyn. 2080 # II NUNCIUS Arloedh ker, gwellha dha vrys, yma tra varth hwarvedhys. Haneth sur an keth gwel ma, y'n dor ymons oll gwreydhyes, ha'n teyr dhe onan yw junyes 2085 a-ban ethewgh alemma. # REX DD Gordhyans dhe'n Tas, Arloedh Nev, a'm leun golonn my a bys, rag leun galloesek yw ev hag yn pub ober marthys. 2090 Y'n plas may mons, i a sev, dredho ev pan yns plynsys. Na wrello y vodh, go-ev. Y'n jevydh meur a dristys. Yn enor dhe'n prenn may fo, 2095 my a vynn bos garlont gwrys a arghans a-dro dhedha, rag godhvos pyth vo y hys. # PINCERNA Yma onan dhywgh parys a arghans pur ha fin gwrys. 2100 My a's gorr a-dro dhodho, may haller godhvos dhe-wir ha gweles yn blydhen hir pygemmys hys may teffo. # REX DD Damsel, er dha jentylys 2105 diskwa dhymm a'th kerensa, rag bythkweyth my ny welis benyn dhymm a wellblekkya hwath yn neb le. Rov dhis ow thour - hel ha chambour. Bydhav dha wour. Warbarth ni a drig nevra. # BERSABEE Ow arloedh ker karadow, myghtern os war oll an bys. Assa via plegadow 2115 genev gwruthyl bodh dha vrys, a kallen heb keladow, ha dout ow bos helerghys. Mar kodhve an kasadow, distowgh y fien ledhys. 2120 # REX DD Bersabe, flour oll an bys, sertus rag dha gerensa syrr Urri a vydh ledhys. My a'n te dhis, re'm lowta. Rag oll ow yeunes pup-prys 2125 ty a'fydh pur wir nevra. Growedh y'n gweli a-hys may hylliv genes koska. # BERSABE My ny allav dha nagha lemmyn puptra oll grontya 2130 dhiworthiv a wovynni. Ow arloedh hwegoll, ladh e, ken ev a wra ow shyndya mar klywvydh a'gan gwari. # REX DD Ow holonn ger, karadow, 2135 # Dyw re'th ros flour hy hynsa.[1](11) Dyw re'th ros flour hy hynsa. Ev a vydh heb falladow marow rag dha gerensa. # REX DD Urri, ow marghek gwella, my a vynnsa dha bysi 2140 gorr ost genes ervys da dhe omladh, dell y'm kyrri. Unn eskar bras dhymm yma war ow thir ow kul maystri. Marghogeth my ny alla', 2145 yma kleves y'm bodi. # HURIAS Syrr arloedh ker, dell vynni my a wra prest heb ynni oll dhe'm galloes vynytha, ha dell oma marghek len, 2150 vynytha ny dhov a'n plen erna'n prenno an gwas na. # REX DD A, Urri, ass os jentyl. My a'th kar meur, re'm peryll, rag dha worthybow yw teg. 2155 Gwayt bos a-rag y'n voward, ma na vi synsys koward nag awos denvydh ownek. # HURIAS Ow arloedh, my a'n te dhis re'n Ordyr a ressevis, 2160 ny'm prev den war gowardi, rag my a vydh an kynsa boemm y'n vyaj a rollo hag a broffo ow maystri. Farwel, ow arloedh gwella. 2165 Ny vynna' strechya pella. Soen vy kyns mos, my a'th pys. # REX DD Ow bennath dhis bynytha! Ow messejer genes a, ha'm botler keffrys, ervys. 2170 # HURIAS Res yw dhymm kewsel devri orth ow gwreg kyns mos a-dre. Mars ellen heb kows orti hy holonn hi a dorrsa. Bersabe, ow hweg evy, 2175 res yw dhymmo lavurya dhe unn vatel yredi, saw distowgh hi a vydh du. # BERSABE Nag ewgh hwi, war ow ena, dhiworthiv vy vynytha. 2180 'Ma ow holonn ow ranna pan glywav kows a'n par na. Ow arloedh, by my lowta, my a derr krakk ow honna mars ewgh lemmyn mes a dre. 2185 Nevra ny dhebrav bara. # VRIAS Bersabe, ow fries lel, res yw gwruthyl diogel bodh agan arloedh sov'ran. ny allav pella triga. 2190 My a vynn dhiso amma. A, pys genev fest yn tynn. # BERSABE Ogh, go-vy pan veuv genys! Gans moredh yth ov lenwys war dha lergh, ow arloedh hweg. 2195 Saw bynner re dhehwelli genes my a wra pysi ha henna a via teg! # VRIAS My a'th pys now messejer, dog mannerly ow baner, 2200 dell vynni bos rewardyes, ha ty ynwedh, boteller, my a'th pys may fi asper avel marghek fin ervys. # II NUNCIUS My a lever dhis Urri, 2205 na borth dout ahanav vy sertan nevra, rag ny 'fydh ken dhe berthi. My a lever dhywgh hwyhwi, war ow ena. 2210 Ow arloedh, lowena dhis! Awotta vy devedhys arta dhe-dre, saw Syrr Urri yw ledhys, ha dha votler kekeffrys. 2215 Go-vy ragdha. # REX DD Dar? Marow yw Syrr Urri? Lavar dhymm, dell y'm kyrri, pan vernans a'n jeva ev, ha fatell veuva ledhys, 2220 rag ev o stout ha goethus, hag a omsynsi den krev. # II NUNCIUS Marow yw, by Godes day. Ev a vynnsa gul deray, hag a ros strokosow tynn, 2225 saw unn marghek a'n ladhas ha dhe'n dor skon a'n gorras hag a'n hakkyas dhe demmyn. # GABRIEL Gorthyp dhymm, ty vyghtern bras: Den a'n jeva kans davas, 2230 ha'y gentrevek saw onan. Mara's lattra dhiworto, pan payn a goedha dhodho? Lavar an gwir dhymm sertan. # REX DD My a worthyp dhis hware, 2235 yn sertan na vi lettyes. Dre wir vreus sur y koedha dhodho godhav bos ledhys. Yn pur dhevri, neb a wrella 2240 yn ketella mernans yw gwiw dh'y vodi. # GABRIEL Yn kettella ty re wrug ha dhiworth Urri re dhug y unn wreg, Davydh, sertan, 2245 ha dhiso jy yth esa benynes lowr ha plenta. Godhav dha vreus dha honan! # REX DD Arloedh, gevyans dhe'm ena! Go-vy pan wruga pegha 2250 gans korf an debel venyn. Deus mei miserere herwydh dha ras ha'th pyta, na'm boma payn y'n gorfenn. # REX DD Ow honsler hweg, y'th pysav, 2255 dysk dhymmo unn ankenek. Rag ow feghes pandr'a wrav, may tisorro an Tas hweg. # CONSULTOR Yn amendys - a'th peghosow orden bos gwrys - templa golow, 2260 bras ha ledan. Bedhens kyrghys - masons plenta, ynwedh gwarnys - tus an sita kettep onan. # REX DD Bennath a'n Tas Dyw re'th fo, 2265 rag sur dell hevel dhymmo pur wir honn yw kusul dha. Rakhenna heb falladow oll war-lergh dha gusulyow bys vynytha my a wra. 2270 Messejer, my belaber, deus dhymmo kettoeth ha'n ger rag kollenwel bodh ow brys. # NUNCIUS Re Dhyw Tas, ow arloedh ker, vynytha yn pub tyller 2275 my a vydh pur barys dhis. # REX DD Messejer, ke, gorhemmynn oll dhe'n masons y'n sita may teffons omma myttin war bayn kregi ha tenna, 2280 dhe wul fos a veyn bryntin, hag a lim yn kres an dre. Yn enor Dyw my a vynn y'n dre ma gwruthyl templa. # NUNCIUS Arloedh, dha vodh my a wra, 2285 dell dhegoedh dhymm dres puptra, oll dhe'm galloes yn pub le. Ny vynna' strechya pella. Farwel ow arloedh gwella, rag my a vynn fistena. 2290 # REX DD Well thou fare, messejer, rag kannas os heb danjer. Nyns eus fowt ynnos gwelys. Kyns mos, yv tenn gwin py medh, ha dhe skaffa sur yth edh 2295 yn ow negys my a grys. # NUNCIUS Oyez ci. Klywewgh dhymm, oll masons an dre, kettep poll. Gwaytyewgh bones a-vorow ow konis yn kres an dre, 2300 war bayn kregi ha tenna, a-dro dhe'n templa heb wow. Ow arloedh, lowena dhis! An masons oll yw gwarnyes, bras ha byghan, 2305 ha dhymm i a worthybis y fydhons myttin parys kettep onan. # REX DD Messejer, rag dha servis dha rewardya my a wra. 2310 Karndywow ha Trehembys, chartour anedha dhis gwra'. # NUNCIUS Gromersi, arloedh a bris, rag dha rohow prest yw da. Kortes os dres tus an bys, 2315 ow ri dhymm ro a'n par ma. # I CIMITERIUS Ty vaw, darbar lim ha pri, meyn hwel, slejys ha gennow, ha my a fisten a-ji, ow trehevel an fosow. 2320 # II CIMITERIUS Nans yw grondyes genev vy seulabrys gans hor'bennow. Mar ny fisten pub huni, hwi a's bydh drog voemmennow. # REX DD Konsler, deun ni dhe vires 2325 skon war an wonisysi. Mar ny wonedhons yn fas i a's tevydh anfeusi. # CONSULTOR Syrr arloedh hweg, meur y ras, yma ow konis dhywgh hwi 2330 chyf gweythoryon oll an wlas a wodhor dhe dhismygi # DEUS PATER Davydh, ny wredh dhymmo chi yn sertan bys vynari. Dha vos denladh yw an ken. 2335 Ty re dhiswrug yredi hevelep dhe'm fas evy Urri, neb o marghek len. # REX DD Arloedh, ytho piw a wra kowldhrehevel oll dha ji? 2340 # DEUS PATER Salamon, dha vab kerra a'n kowldhreha yredi. # REX DD Lemmyn my a woer dhe-wir bos ow thermyn devedhys. My re vywas termyn hir. 2345 Arlydhi, my a'gas pys, Sal'mon ow mab kurunewgh, ha'gas myghtern ev synsewgh hedra vowgh byw y'n bys ma. Kepar ha my ev gordhyewgh, 2350 rag Dyw a'n diskwedhas dhywgh, ha'y volonjedh yw henna. # NUNCIUS Arloedh, dha vodh my a wra dell dhegoedh dhymm yn puptra, awos travydh a hwarvo. 2355 A pe bodh Dyw yndella, ken agesowgh vynytha ny synsen, so mote I go. # ny [2](14) yeunsen, so mote I go. # REX DD Ny vynn Dyw ker, dh'y lawa, na fella my dhe vywa 2360 omma genowgh yn sertan. A Das, yntra dha dhiwla my a gemmynn ow ena. Gwith eev rag tarosvann. # CONSULTOR Ogh, go-vy bones marow 2365 agan arloedh heb parow! Deun, gorryn y gorf y'n bedh, ha pysyn rag y ena, may fo Dyw leun a byta. Re'n kyrggho dhodho dh'y wledh. 2370 # Re'n kyrggho dhodho dh'y wledh.[3](16) # NUNCIUS Deun dhe gyrghes Salamon, ha gorryn ev yn y dron, avel myghtern yn y se, may hallo bos kurunys, kepar dell veu dhyn erghys 2375 gans y das kyns tremena. # CONSULTOR Lowena dhis, Salamon, deus genen ni kwikk dhe dron dha das Davydh, rag dewisys - os myghtern dhyn 2380 ha kurunys - a verr dermyn sur ty a vydh. # REX SAL. Fest yn lowen, arlydhi, a'gas enor gromersi a vynnowgh dhe wul dhymmo. 2385 Mara pydhav byw vlydhen my a'n talvydh dhywgh, re'm penn, pypynag oll a skonnyo. # NUNCIUS Sal'mon, lemmyn ke y'th tour, rag ty a vydh governour, 2390 hware myghtern kurunys. Ese' yn dha se ynwedh, a biwo dha das Davydh, rag ev a'n kemmynnis dhis. # REX SALAMON Syrrys, gromersi ynwedh. 2395 Mara pywav, hwi a vydh ow chyf priva withysi, ha rag hwi dhe'm kuruna my a re dhywgh Bosvene', Lostwydhyel ha Lannerghi. 2400 Messejer, kannas jentyl, dell os ow servont heb gil, deus yn-rag dell y'm kyrri. # NUNCIUS Ow arloedh ker Salamon, awos lavur na dughan 2405 nevra ny fallav dhywgh hwi. # REX SALA. Ke, gorhemmynn dhe'n sita may teffons omma hware, war bayn aga bos diswrys, masons ha karpentoryon, 2410 treghysi meyn, tioryon, an templa may fo kowlwrys. # NUNCIUS Syrr arloedh, re Synt Gylmyn my a wra dha worhemmynn oll yn tien 2415 hag a warn dha vysterdens a-vorow dhis may teffens yn kettep penn. Oyez, or, oyez ynwedh, ci, glywewgh, bryntin ha keth. 2420 An myghtern a worhemmynn dhe oll an garpentoryon, masons, ynwedh tioryon, may fons i ganso myttin omma dhe wul an templa 2425 a wrug y das dhe astel, rag ev a vynn heb lettya hwel y das y gollenwel. Ow arloedh ker, my re beu y'n sita fast ow kelwel 2430 dha vysterdens dhis a dheu a-vorow pur diogel. # REX SAL. Ow bennath dhiso, Gryffyn, ty a levas yn dha fa'! Mar ny gevydh medh po gwin 2435 ke dhe'n fenten dhe eva. Mos dhe vires my a vynn ow gonisysi hware ha dhedha prest gorhemmynn gwruthyl hwel deg ha priva. 2440 # I CARPENTARIUS Dyw, teg a brenn rag stylyow, # ha kompes y denwennow,[1](17) ha kompes y denwennow, bras ha kromm y benn-goeles, ha'y ven moen ha'y skorrennow. My a vynn treghi tennow, 2445 ha latthys teg ha korblys. # REX SAL. God speed, gonisysi! Gonis a wrewgh pur vysi dhymm dell hevel. Fosow da gans lim ha pri 2450 ha penn krev warnedha i gwrewgh drehevel. # I CIMITERIUS Syrra, my a lever dhis, nans yw an fosow kowlwrys, dhe ras kompes by my fay. 2455 Pur wir my a vydh ragdha, na gyv denvydh fowt ynna yn neb fos vydh by this day. # REX SAL. Right well y-said, koweth hweg. Dha hwel yn ta dhymm a bleg. 2460 Dew vodi dha owgh yn hwir ha rag bos agas hwel teg, my a re dhywgh Plyw Vudhek, ha'n Garrek Reun gans hy thir. # II CIMITERIUS A larjes! A gromersi! 2465 Ni a yll bos fest meri rag kavoes ro a'n par na. Lemmyn nyns eus mestrysi y'n wlas ma pur wir saw ni, ow masons, y'n pow ma. 2470 # II CARPENTARIUS Koweth, profyn an stylyow, mars yns kompes dhe'n fosow, may haller aga latthya gans korblys, latthys, tennow, hag a's ti gans plynkennow 2475 may fo joy mires orta. # I CARPENTARIUS Ny vern travydh assaya, ha'w gweresewgh, kowetha, ow korra tymber yn-bann, may haller aga latthya. 2480 Yn kres an chi res via kavoes jist krev na vo gwann. # II CARPENTARIUS By Godes fast, well y-said. This timber is even y-made ha kompes rag an fosow. 2485 Tioryon, yn kettep chet, tiewgh an templa heb lett, na dheffo glaw dhe'n stylyow. # REX SAL. Yn sertan, gonisysi, ken agesowgh hwi ny's ti, 2490 rag sotel owgh yn pub kreft. Saw leverewgh dhymm devri prenn dhe jist ple kevyn ni a vo kompes avel sheft? # I CARPENTARIUS Re'm fay, yn oll dha goesow 2495 nyns eus jist vydh oll heb wow 'vas dhe dravydh sur ragdho, nag y'n wlas ma yn neb pow, saw unn prenn gans garlontow a arghans a-dro dhodho. 2500 # REX SAL. Meur a gas via gene' treghi henna re'm lowta, saw a-ban na gevir ken, yn enor Dyw dh'y lawa, ewgh dh'y dreghi heb lettya, 2505 ha musurewgh ev yn len. # II CARPENTARIUS My a'n musur lowr yn ta, na berthewgh own a henna, ow arloedh hweg, Dyw a woer, gans skwir kompes ha skantlyn 2510 # na vo hirra es am sin.[2](19) na vo hirra es am sin. Na vydh kotta war neb kor. # I CARPENTARIUS Ottava musurys da. Den y'n bys ny'n musur gwell. Hardlych my a'n tregh omma 2515 hag ewn e gans oll dha nell. # II CARPENTARIUS Ankombrynsi war dha benn! Mar lel y synssys dha lin kyns es treghi war an prenn! Re gott o a gevelin. 2520 # I CARPENTARIUS Hedh e dhe'n dor, my a'th pys. Skon ev a vydh amendys. My a'n skarf yn ta hware. Serri orthiv ny res dhis. Lemmyn sur yth yw ewn-hys. 2525 Ewnyn ev yn skon dh'y le. # II CARP. An jowl re'th ewnno dh'y las. # Ny yl[3](20)an jist yn y blas. Ny yl an jist yn y blas. Re hir yw a gevelin. Yn ewn gres an skarf trogh e, 2530 ha kompes mar ny vydh e ny wonn pandr'a leveryn. # I CARP. Ni a'n tregh dell leverydh. Henn yw an kres, tann ow fydh, dre pub mark oll y'n bys ma. 2535 Omma kompes yntra dew my a'n tregh, re'n Arloedh Dyw, ha na moy sur vynytha. # II CARP. Drehevyn ev a-barth Dyw yn-bann. Lemmyn re gott yw 2540 a gevelin da. Yn hwir, ankombrynsi yw hemma. Deun dhe'n myghtern dhe dhesta an jist na vynn dos dhe skwir. # I CARPENTARIUS Ow arloedh myghtern Salmon, 2545 yma meur a varthusyon a'n keth jist ma hwarvedhys. An eyl torn y fydh re hir, tres arall re gott yn hwir, kyn fo mar len musurys. 2550 # REX SAL. Yndella a-ban ywa my a gommond y worra gans enor bras desempis y'n templa dhe wrowedha, ha gwaytyewgh peub y wordhya, 2555 war bayn agas bos ledhys. # REX SAL. Ha hwi, karpenters jentyl, aspiewgh yn ow koesow prenn dhe jist heb toell na gil. Bedhes gwrys dhywgh heb hwedhlow. 2560 # II CARPENT. My a woer ple'ma onan treghys hag oll shapyes glan, maras yw dhyn ni ewn-hys. # I CARP. Awos Dyw, deun ahanan dh'y gyrghes dhe-dre sertan, 2565 may hallo bos musurys. # II CARPENT. Ottava ow krowedha. My re wrug y vusura rag an keth hwel ma diwweyth. # I CARPENT. War agan keyn ev a dheu 2570 dhe-dre dh'y settya dh'y le, rag pur dha yw rag an weyth. # II CARPENT. Settyn an prenn yn y blas. Dyw ker, dannvon dhymm an gras may hallo henna sevel. 2575 # I CARPENT. Ny gaffen, war ow lowta, kompessa prenn yn neb le na rag an plas ma vydh gwell. # II CARPENT. Deun dhe leverel yn skon dh'agan arloedh Salamon 2580 bones an templa kowlwrys. Hayl, ow arloedh yn dha thron! Gwrys yw dha dempla heb son. Agan gober, ni a'th pys. # REX SAL. Bennath an Tas re'gas bo! 2585 Hwi a's bydh by Godes foe agas gober yredi. Warbarth oll gwel Boshellann, ha koes Pennrynn yn tien my a's re lemmyn dhywgh hwi, 2590 hag oll Gwyrdhowr, An Ynys hag Arwynnek, Tregun'ver ha Kekulyek. Anedha gwrewgh dhywgh chartour. # I CARPENT. Gromersi, arloedh heb par. 2595 Ni a yll lowr bones prout. Ny's teva tus vydh heb mar rohow mar dha by mine hood. # REX SAL. My a vynn lemmyn ord'na mab-lyenn ow sel priva 2600 dhe vos epskop y'n templa. An lagha dhe ventena, servis dhe Dhyw dhe gana, y sakra skon my a wra. # CONSULTOR Syrr arloedh, Dyw tal dhiso 2605 ow mones dhe ri dhymmo dynyta bras a'n par na. Gwiw yw yn len dha servya. Dha servons owth avonsya, nyns eus par dhis y'n bys ma. 2610 # REX SAL. Ervirys yw re'm lowta, seuladhydh dha avonsya. # An kynsa benfis a'm ben [4](22) An kynsa benfis a'm ben dhe epskop gwrav dha sakra. Kemmer dha viter hware 2615 ha bydh yn dha servis len. # EPISCOPUS A-ban vynnydh yndella, y resseva my a wra yn gordhyans dhe'n Tas a'n Nev. Mar mynn Dyw rag an gwella, 2620 my a lever y'n templa hware servis dhodho ev. Yn enor dhe Dhyw an Tas, leveres peub gologhas, my a worhemmynn yn skon, 2625 ha wosa henna, evyn pub oll a-dro draght a win rag konfortya y golonn. # MAXIMILLA A Das Dyw, dre dha versi dannvon yeghes dhymmo vy 2630 a'm kleves mayth ov grevyes. Out, out, out, ellas, go-vy, 'ma ow dillas ow tewi dhiworth prenn Krist, my a grys. Ow Arloedh ker Krist Yesu 2635 Dyw a'n Nev, dre dha vertu difeudh nerth an flamm ha'n tan, dell vydh gans dha gorf prenys, Adam hag Eva keffrys, ha gorrys dhe nev gans kan. 2640 # EPISCOPUS What vengeance dhis, a benn-pyst, ple klyws'ta gelwel Dyw Krist gans den y'n bys ma genys? Lagha Moyses dhymm yma, hag yn oll an keth henna 2645 nyns eus y hanow skrifys, na ny lever bos Dyw ken saw an Tas a Nev a-vann; ha ty voren, myrgh hy ben a wra dyw dhis dha honan. 2650 Krog re'm bo er an dhiwen, nevra mars edh ahanan, erna'n prenni yn filen ha nagha oll dha gows glan. # MAXIMILLA Na naghav, epskop gokki, 2655 rag an teyr gwelenn devri a veu gans Davydh plynsys, hag a junyas dhe onan, yn tokyn da yn sertan, a'n tri ferson y'n Drynses, 2660 # [Onan yw an Tas a Nev, Onan yw an Tas a Nev, arall Krist y unn vaw ev, a vydh a wyrghes genys, ha'n Spyrys Sans yw tressa; tri hag onan ow triga 2665 yn unn Dywses, my a grys. # yn unn Dywses, my a grys]. # EPISCOPUS Out warnas, a bur vil skout, heb dhout pystriores stout! Kyn fi mar prout ty a'n pren. Nigh for sorrow I am full woud. 2670 Thou harlot for Godes blood ro dhymm kusul avel den. # CROCIARIUS My a'th kusul heb kabel. My telling is no fable. Mar mynnydh hy distrui, 2675 orden dhe'th tus hy knoukya gans meyn, na hedhens nevra erna varwo yredi. # EPISCOPUS By Godes fast well y-said, # Vous êt's [5](23) bon si Dieu ma aide, Vous êt's bon si Dieu ma aide, 2680 ha den fur a'th kusulyow. Tormentors, bras ha byghan, dewgh yn-rag kettep onan lemmyn yn ow edhommow.