mcms001.1  tays ha mab han speris sans
mcms001.2  wy abys a levn golon
mcms001.3  re wronte 3eugh gras ha whans 
mcms001.4  3e wolsowas y basconn
mcms001.5  ha 3ymmo gras ha skyans
mcms001.6  the 3erevas par lauarow
mcms001.7  may fo 3e thu 3e worthyans
mcms001.8  ha sylwans 3en enevow

mcms002.1  suel a vynno bos sylwys
mcms002.2  golsowens ow lauarow
mcms002.3  a ihesu del ve helheys
mcms002.4  war an bys avel carow
mcms002.5  ragon menough rebekis
mcms002.6  ha dyspresijs yn harow
mcms002.7  yn growys gans kentrow fastis
mcms002.8  peynys bys pan ve marow

mcms003.1  du sur dre virtu an tas
mcms003.2  3ynny a 3yttyas gweras
mcms003.3  en mab dre y skyans bras
mcms003.4  pan gemert kyg a werhas
mcms003.5  han sperys sans leun a ras
mcms003.6  dre y 3adder may fe guris
mcms003.7  go3aff paynys pan vynnas
mcms003.8  neb na ylly gull peghes

mcms004.1  an dus vas a 3eserya
mcms004.2  3e3e gulas nef o kyllys
mcms004.3  gans aga garm hag olua
mcms004.4  ihesus crist a ve mevijs
mcms004.5  may fynnas dijskynna
mcms004.6  yn gwerhas ha bos genys
mcms004.7  gans y gyk agan perna 
mcms004.8  arluth du gwyn agan bys

mcms005.1  ihesu crist mur gerense   
mcms005.2  3e vab den a 3yswe3as
mcms005.3  an vghelder may 3ese
mcms005.4  3en bys pan deyskynnas
mcms005.5  pehadoryon rag perna
mcms005.6  o desevijs dre satnas
mcms005.7  rag henna gor3yn neffra
mcms005.8  ihesus neb agan pernas

mcms006.1  a(n) peynys a wotheuys
mcms006.2  ny ve ragtho y honan
mcms006.3  lemmyn rag pobyll an bys
mcms006.4  pan vons y kefis mar wan
mcms006.5  an ioull 3e adam kewsys
mcms006.6  an aval te kemer tam
mcms006.7  a vell du y fethyth gurys
mcms006.8  pan yn provas nyn io mam

mcms007.1  war lyrgh mab den 3e begha
mcms007.2  reson prag y fe prynnys
mcms007.3  yw ihesus crist 3e ord(na)
mcms007.4  yn neff y vonas tregys
mcms007.5  y vos kyllys ny vynna
mcms007.6  y doull ganso o tewlys
mcms007.7  rag henna 3e bob dy3gthtya
mcms007.8  forth a rug the vos sylwys

mcms008.1  kyn na goff den skentyll pur
mcms008.2  par del won lauaraff 3ys
mcms008.3  yn tre du ha pehadur
mcms008.4  acord del ve kemerys
mcms008.5  rag bonas gonn pegh mar vur 
mcms008.6  mayn yn tre3e a ve gurys 
mcms008.7  eff o crist a theth dhen leur 
mcms008.8  mab du ha den yw kyffris

mcms009.1  ragon y pesys y das
mcms009.2  oll y sor  may fe gevys
mcms009.3  gans y gorff dre beynys bras
mcms009.4  agan pegh may fo prennys
mcms009.5  mab marea leun a ras
mcms009.6  oll  y voth a ve clewys 
mcms009.7  ha kemmys a theseryas
mcms009.8  3o3o eff a ve grontis

mcms010.1  i vam pan yn drehevys
mcms010.2  hay vos deue3is 3e oys
mcms010.3  gull penans ef a pesys
mcms010.4  henna ganso nyn io poys
mcms010.5  (d)evguans dyth ow penys 
mcms010.6  y speynas y gyk hay woys
mcms010.7  ha woteweth rag densys 
mcms010.8  eff an geue awell boys

mcms011.1  han ioull henna pan glewas 
mcms011.2  y demptye a brederys 
mcms011.3  ha 3o3o y tysque3as
mcms011.4  cals meyn hay leuerys
mcms011.5  mars sos mab du leun a ras
mcms011.6  an veyn ma gura bara 3is
mcms011.7  ihesus crist par del vynnas 
mcms011.8  3o3o ef a worthebys

mcms012.1  mab den heb ken ys bara
mcms012.2  nyn geuas ol y vewnans
mcms012.3  lemmen yn lauarow da 
mcms012.4  a the 3e worth an dremas
mcms012.5  dre wor3yp crist  yn urna
mcms012.6  lemmyn ny a yll gwelas 
mcms012.7  lauar du maga del wra
mcms012.8  neb a vynno y glewas

mcms013.1  gans gloteny ef pan welas
mcms013.2  cam na ylly y dolla
mcms013.3  en tebell el a vynnas
mcms013.4  yn ken maner y demptye
mcms013.5  war penakyll yn goras
mcms013.6  dyantell 3e ese3a
mcms013.7  a vgh eglos tek yn wlas
mcms013.8  an yset(h)va y 3esa

mcms014.1  an ioul 3e grist a gewsys
mcms014.2  yn delma rag y demptya
mcms014.3  a hanas y thew scrifys
mcms014.4  bos eleth worth 3e wy3e
mcms014.5  rag own yw 3om desevys
mcms014.6  3e droys worth meyn 3e dochye
mcms014.7  mar sos mab du a vur brys
mcms014.8  dijskyn ha 3en dor ke

mcms015.1  ihesus crist a leueris
mcms015.2  3e thu ny goth thys temptye
mcms015.3  yn neb ehan a seruys
mcms015.4  lemmyn prest y honore
mcms015.5  ha whath an ioul a dewlys
mcms015.6  towll ken maner mar calle
mcms015.7  dre neb forth a govaytis
mcms015.8  gu3yll 3y gowsys tryle

mcms016.1  a lene yn hombronkyas
mcms016.2  vghell war ben vn meneth
mcms016.3  ha 3o3o y tysquethas
mcms016.4  owr hag arghans gwels ha gweth
mcms016.5  ha kymmys yn bys vs vas
mcms016.6  yn meth an ioul te a feth
mcms016.7  ha me ad wra arluth bras
mcms016.8  ow honore mar mynnyth

mcms017.1  ihesus crist a leueris
mcms017.2  y vos scryfys yn lyffrow
mcms017.3  yn pub gwythres ycoth thys
mcms017.4  gor3ye 3e 3u hay hanow
mcms017.5  ke 3e ves omscumvnys
mcms017.6  3e 3yveyth veth yn tewolgow
mcms017.7  the vestry a vyth le3ys
mcms017.8  neffre war an enevow

mcms018.1  an ioul a trylyas sperys 
mcms018.2  hag eth 3y tyller tythy
mcms018.3  tergweyth y fe convyctijs
mcms018.4  evn yw 3yn y voleythy
mcms018.5  3e ihesu may fons parys
mcms018.6  3y gomfortye yredy
mcms018.7  an neff y fe danvenys
mcms018.8  3e worth an tas eleth dy

mcms019.1  ha satnas gans y antell
mcms019.2  hay scherewneth hay goyntis
mcms019.3  crist mab an arluth vghell
mcms019.4  y demptye pan prederis
mcms019.5  besy yw 3y3 bos vuell
mcms019.6  ha seruabyll yth seruys
mcms019.7  manno allo an tebell
mcms019.8  ogas 3ys bonas trylys

mcms020.1  rag y hyller ervyre
mcms020.2  hay welas yn suredy
mcms020.3  y vos prest worth 3e vetye
mcms020.4  3e veth 3ys ha belyny
mcms020.5  te na yllyth omwe3e
mcms020.6  vn pres yn geyth na peghy
mcms020.7  pan omsettyas 3e demptye
mcms020.8  gu3yll pegh neb na ylly

mcms021.1  del yw scrifys prest yma
mcms021.2  adro 3ynny ganso try
mcms021.3  mara kyll 3e worth an da
mcms021.4  3e we3yll drok agan dry
mcms021.5  folle yn ta y whela
mcms021.6  ys del wra lyon y pray
mcms021.7  drey den yn peyn a calla
mcms021.8  neffre ny vnsa moy ioy

mcms022.1  gans ioul kyn fy temptijs
mcms022.2  ano3o na ro dymme
mcms022.3  rag comfort yw henna 3ys
mcms022.4  scrifys yw yn leas le
mcms022.5  yt allos y vos gorrys
mcms022.6  kyffris seuell ha cothe
mcms022.7  ha ganso kynfes tewlys
mcms022.8  te a yll seuell arte

mcms023.1  ihesu crist yn pow a dro
mcms023.2  pub eroll pregoth a wre
mcms023.3  han virtu an pregoth o
mcms023.4  mab den 3e ase peghe
mcms023.5  ha gevys may fe 3o3o
mcms023.6  kyffrys y begh hay fyltye
mcms023.7  degis na ve 3e worto
mcms023.8  gulas nef (h)a  roys 3e gen re

mcms024.1  benegas yw neb a gar
mcms024.2  du dris pub tra vs yn bys
mcms024.3  hag a wo3affo yn  whar
mcms024.4  3o3o kymmys vs ordnys
mcms024.5  bo clevas bo peth kescar
mcms024.6  po dre breson presonys
mcms024.7  ol en da han drok kepar
mcms024.8  3e ihesu be3ens grassys

mcms025.1  ihesu crist yn pow may the
mcms025.2  ef a sawye an glevyon
mcms025.3  dal na bo3ar ny ase
mcms025.4  nag omlanar na gonon
mcms025.5  na claff vyth ow crowethe
mcms025.6  mar pesy a leun golon
mcms025.7  whare sawijs y fe3e
mcms025.8  del vynna crist y honon

mcms026.1  pan welas en ethewon
mcms026.2  bos crist au cuthyll meystry
mcms026.3  ow care e3omogyon
mcms026.4  hag a ne3e na wre vry
mcms026.5  rag henna an vuscogyon
mcms026.6  orto a bor3as avy
mcms026.7  dre vraster bras yn golon
mcms026.8  y chungfyons y 3estrewy

mcms027.1  dewsull blegyow pan ese
mcms027.2  yn mysc y abestely
mcms027.3  y wreg 3e re a ne3e
mcms027.4  mos 3en dre ha degylmy
mcms027.5  an asen ha dry ganse
mcms027.6  ha leuerell yredy
mcms027.7  mar teffa tus ha gwe3e
mcms027.8  bos 3e 3u 3e wull gynsy

mcms028.1  del yrghys ihesus 3e3e
mcms028.2  y a rug a 3esympys
mcms028.3  ol y voth ef del vynne
mcms028.4  an asen a ve kerghys
mcms028.5  war ne3y rag ese3e
mcms028.6  dyllas pan a ve gorrys
mcms028.7  rag morogeth a vynne
mcms028.8  3en cyte 3e vos gorthijs

mcms029.1  mur a dus ha benenas
mcms029.2  a ierusalem yn dre
mcms029.3  erbyn crist rag y welas
mcms029.4  y eth ha rag y wor3ye
mcms029.5  war an fordh dyllas a les
mcms029.6  a ve gurris 3e ragthe
mcms029.7  palm ha floris kekyffris
mcms029.8  er y byn degis a ve

mcms030.1  i helwys a leun golon
mcms030.2  gans mur ioy ha lowene
mcms030.3  yn hanow du yn tre3on
mcms030.4  benegas yw neb a the
mcms030.5  crist a gafas gorkorian
mcms030.6  yn templys a berth yn dre
mcms030.7  ef a rug 3e3e yn scon
mcms030.8  monas yn mes a lene

mcms031.1  en scherewys a sorras
mcms031.2  rag bonas crist honoris
mcms031.3  ha bos y ober mar vras 
mcms031.4  ha dris an bys ol notijs
mcms031.5  grussons cusyll na go vas
mcms031.6  rag may fo ihesus dyswris
mcms031.7  ha kymmys y an cablas
mcms031.8  may fe an dre (crehe)lys

mcms032.1  en gusyl o may fe dris
mcms032.2  3e rag crist  pehadur(es)
mcms032.3  ol 3y voth may rollo bres
mcms032.4  a ne3y del ve 3e gres
mcms032.5  rag an lahys 3ynny es
mcms032.6  a vyn y dampnye porres
mcms032.7  ym me3ens y forth nyn ges
mcms032.8  may hallo bos deflam guris

mcms033.1  then tyller crist re dethye
mcms033.2  han e3ewon o dygnas
mcms033.3  i 3esa an venyn ganse
mcms033.4  paris ens 3y huhu3as
mcms033.5  hedre vons y ov plentye
mcms033.6  ihesus yn dour a scryfas
mcms033.7  ha dre virtu an scrife
mcms033.8  peb 3e ves a omdennas

mcms034.1  pan e3ons oll 3e wary
mcms034.2  ancombrys y rebea
mcms034.3  pema yn meth crist 3y3y
mcms034.4  neb a vyn 3e guhu3a
mcms034.5  denvyth nyn ges yn me3y
mcms034.6  ihesus a gewsys arta
mcms034.7  me nyth dampnyaf yredy
mcms034.8  ha na wra na moy pegha

mcms035.1  benyn dyr vur cheryte
mcms035.2  y box ryche leun a yly
mcms035.3  a vgh crist rag y vntye
mcms035.4  hy a vynnas y derry
mcms035.5  corf ihesus rag comfortye
mcms035.6  gures pur sur o yredy
mcms035.7  iudas scharyoth ascable
mcms035.8  ha gans mur a falsury

mcms036.1  iudas fals a leuerys
mcms036.2  trehans dynar a vone
mcms036.3  en box oll be3ens gwerthys
mcms036.4  a vos den rag y ranne
mcms036.5  the vohosogyon yn bys
mcms036.6  gwel vya ys y scolye
mcms036.7  ihesus crist a worthebys
mcms036.8  y gowsys ef a wo3ye

mcms037.1  na thegough sor yn golon
mcms037.2  war neb a vyn ow sawye
mcms037.3  ow thermyn a the yn scon
mcms037.4  genough me nvm byth trege
mcms037.5  wy a gyff bohosogyon
mcms037.6  pub er warnough ow carme
mcms037.7  pan vynnough agis honon
mcms037.8  wy a yll gull da 3e3e

mcms038.1  wh(are) y s(or)ras iudas
mcms038.2  ny gewsy dre geryte
mcms038.3  (lemen) rag cafos ran vras
mcms038.4  an pencon mar a calle
mcms038.5  eff (o) harlot tebel was
mcms038.6  woteweth lader vye
mcms038.7  3en e3ewon y ponyas
mcms038.8  crist y arluth rag gwer3e

mcms039.1  eff a leveris 3e3e
mcms039.2  pyth a vynnough why 3e ry
mcms039.3  ha me a ra 3eugh spedye
mcms039.4  ow cafos crist yredy
mcms039.5  yfons vnver yn tre3e
mcms039.6  kepar ha del wovyny
mcms039.7  xxx (leg. dek warn ugens) a vone
mcms039.8  yn vn payment y wrens  ry

mcms040.1  arte iudas ow tryle
mcms040.2  gwan wecor nyn geve par
mcms040.3  ny yl den vyth amontye
mcms040.4  myns a gollas yn chyffar
mcms040.5  worth ihesus ef a fecle
mcms040.6  kepar ha pan ve hegar
mcms040.7  yn deweth ny acordye
mcms040.8  y golon gans y lauar

mcms041.1  gans iudas del o tewlys
mcms041.2  drey ihesus sur del vynne
mcms041.3  gans crist y tho cowethys
mcms041.4  byth nyn gens y cowe3e
mcms041.5  en gyth o deyow hablys
mcms041.6  may fenne ihesus sopye
mcms041.7  gans an re yn y seruys
mcms041.8  war an bys re3ewesse

mcms042.1  dew 3en crist a 3anvonas
mcms042.2  3e berna boys ha dewas
mcms042.3  an keth rena a spedyas
mcms042.4  han soper a ve paris
mcms042.5  crist worth an goyn a warnyas
mcms042.6  dre onan bos treson guris
mcms042.7  arluth du y a armas
mcms042.8  pv a yl henna bonas

mcms043.1  ihesus crist a worthebys
mcms043.2  ow tybbry genen yma
mcms043.3  pub onan ol a ylwys
mcms043.4  arluth du yv me hena
mcms043.5  ha ihesus a wor3ebys
mcms043.6  am scudel dybbry a wra
mcms043.7  gwef vyth pan veva genys
mcms043.8  a dor y vam 3en bysma

mcms044.1  du a sonas an bara
mcms044.2  3e rag y abestely
mcms044.3  ow horf a ve yw henma
mcms044.4  yn meth crist sur ragough wy
mcms044.5  pernys a berth yn bysma
mcms044.6  dyspresys haneth a vyth
mcms044.7  an deppro gans cregyans da
mcms044.8  gober tek eff an geuyth

mcms045.1  han gwyn esa war en foys
mcms045.2  ef a rannas yn tre3a
mcms045.3  yn meth crist hema yw goys
mcms045.4  evough why par cheryta
mcms045.5  gans dour gorris yn ba3on
mcms045.6  y wolhas  aga garrow
mcms045.7  hysseas ys guregh pur wyn
mcms045.8  dell vynna du caradow

mcms046.1  henna pedyr a sconyas
mcms046.2  ihesus 3e wolhy y dreys
mcms046.3  taw pedyr te ny wo3as
mcms046.4  yn meth crist pan dra raf 3ys
mcms046.5  mar nyth wolhaff dre ow gras
mcms046.6  yn nef ny ve3yth tregis
mcms046.7  ynmeth pedyr 3ym na as
mcms046.8  troys na leyff vo golhys

mcms047.1  ihesus crist leun a bete
mcms047.2  a leueris 3en dow3ek
mcms047.3  wy yv glan a bup fylte
mcms047.4  mas nyn iough ol da na whek
mcms047.5  bos iudas ef a wo3ye 
mcms047.6  pur hager ha molo3ek
mcms047.7  an ioul ynno re drecse
mcms047.8  may 3o gweth agis cronek

mcms048.1  in delma crist pan wresse
mcms048.2  3e iudas y leueris
mcms048.3  te ke yn vn fystene
mcms048.4  3e voth may fo colenwys
mcms048.5  rag an termyn re deve
mcms048.6  may fyth an begel kyllys 
mcms048.7  ha chechys yn tre dewle
mcms048.8  han deves 3e ves fijs

mcms049.1  kyn fallens ol me a veth
mcms049.2  yn meth pedyr yth seruys
mcms049.3  yn meth crist yn nos haneth
mcms049.4  kyns ys boys colyek clewys
mcms049.5  pedyr te am nagh tergweth
mcms049.6  bythqueth arluth na vef 3ys
mcms049.7  yn meth pedyr tan ow feth
mcms049.8  nyth nahaff kyn fen le3ys

mcms050.1  in meth  crist a ban rug 3eugh
mcms050.2  ternoth fernoth ow holye
mcms050.3  daver vyth wy ny 3ecsyugh
mcms050.4  3e worre trevyth ynne
mcms050.5  betegyns wy ny wo3ough 
mcms050.6  pan dra e3om agan be
mcms050.7  arluth guyr aleuersough
mcms050.8  y a gowsys yn tre3e

mcms051.1  mas lemmyn rys yv porris
mcms051.2  batayles kyns ys coske
mcms051.3  an geffo pows as gwyr3yns
mcms051.4  ha 3o3o pernas cle3e
mcms051.5  sur yma dew 3yn parys
mcms051.6  y a leueris whare
mcms051.7  hen yw lour na moy ny rys 
mcms051.8  du a leueris arte

mcms052.1  mab marya leun a ras
mcms052.2  3en meneth olyff y 3eth
mcms052.3  hay 3yscyplys an sewyas
mcms052.4  yn meth crist yn nos haneth
mcms052.5  golyough ha pesough ow 3as
mcms052.6  may hallough mos 3y aseth
mcms052.7  na ve3ough temtijs dygnas
mcms052.8  gans gow ha gans scherewneth

mcms053.1  pedyr androw ha iowan
mcms053.2  yn meth crist deugh holyough ve
mcms053.3  bys yn meneth ha me gwan
mcms053.4  trystyns vs worth ow blu3ye 
mcms053.5  3e worte vn lam beghan
mcms053.6  y 3eth pesy may halle
mcms053.7  3y 3as yn weth vgy a van
mcms053.8  hag ef rag own ow crenne

mcms054.1  mab marya mur a beyn
mcms054.2  a wo3evy yn vrna
mcms054.3  rag ef a wo3ya yn feyn
mcms054.4  han kyg ny vynna henna
mcms054.5  mes y 3en3ys o mar feyn 
mcms054.6  pub vr an trylya 3e3a
mcms054.7  may 3eth war ben y 3ewleyn
mcms054.8  ha pesy yn ketelma

mcms055.1  mara sew 3e voth ow 3as
mcms055.2  gura 3en payn ma ow gasa
mcms055.3  mes be3ens guris 3e vynnas
mcms055.4  arluth du 3e voth del ve
mcms055.5  3y 3yscyplys y trylyas
mcms055.6  yscafas ol ow coske
mcms055.7  ynmeth crist vn pols golyas
mcms055.8  ny yllough 3um comfortye

mcms056.1  ena crist sur as gasas
mcms056.2  hag eth arta 3e besy
mcms056.3  war ben gleyn 3e worth y das
mcms056.4  del lauarsa ragon ny
mcms056.5  y beynys o cref ha bras
mcms056.6  warno3o heb y dylly
mcms056.7  reson o rag ol an wlas
mcms056.8  ef a wo3ye y verwy

mcms057.1  in meth crist o du ha den
mcms057.2  arte 3y abestely
mcms057.3  golyough ha pesough yn ven
mcms057.4  rag own an ioul hay vestry
mcms057.5  tresse gwyth hag ef yn cren
mcms057.6  y pesys du delyr vy
mcms057.7  arluth mar ny yl bos ken
mcms057.8  be3ens kepar del vynny

mcms058.1  ihesus crist dygonfortys
mcms058.2  war ben dewlyn pan ese
mcms058.3  an nef y fe danuenys
mcms058.4  el 3o3o 3y gomfortye
mcms058.5  mab du o kymmys grevijs
mcms058.6  rag tomder ef a wese
mcms058.7  dowr ha goys yn kemyskys
mcms058.8  weys crist rag 3e gerense

mcms059.1  cryst kymmys payn yn geve
mcms059.2  angus tyn ha galarow
mcms059.3  mateth angoys ha dropye
mcms059.4  war y fas an caradow
mcms059.5  den vyth ny yl amontye
mcms059.6  na leuerell war anow
mcms059.7  oll myns peynys an geve
mcms059.8  kyns ys y vonas marow

mcms060.1  lemmyn ny a yl gwelas
mcms060.2  hag ervyre fest yn ta
mcms060.3  cryst 3e wo3aff dre 3ensys
mcms060.4  mur a benans yn bysma
mcms060.5  ef ny ylly dre 3ewsys
mcms060.6  go3aff na nyll drok na da
mcms060.7  rag mester o war an bys
mcms060.8  hag ol myns vs ef a ra

mcms061.1  pan o y besadow guris
mcms061.2  3en dow3ek y leuerys
mcms061.3  koscough lemmyn mar sew prys
mcms061.4  powesough wy yv grevijs 
mcms061.5  tus vs 3ym ow tevones
mcms061.6  yv gans ow thraytor dyskis
mcms061.7  fatel dons thov hemeres
mcms061.8  ha del ve3aff hombronkis

mcms062.1  kepar du del leuerys
mcms062.2  pan esa crist ow pesy
mcms062.3  iudas eth yn y negis
mcms062.4  en ioul yv en hombronky
mcms062.5  3en e3ewan dyrryvys
mcms062.6  del o y fynas synsy
mcms062.7  syndis ve dre govaytis
mcms062.8  yn della yw leas huny

mcms063.1  then e3ewon pan do3ye
mcms063.2  y leuerys hag y ow tos
mcms063.3  me a gris yn ta spedye
mcms063.4  om negis haneth yn nos
mcms063.5  deugh geneff ha holyough ve
mcms063.6  gothve3ough na rellough tros
mcms063.7  ha me a ra the crist amme
mcms063.8  may hallough y asswonvos

mcms064.1  an princis esa yn pow
mcms064.2  gans iudas a thanvonas
mcms064.3  tus ven gweskis yn arvow
mcms064.4  kepar ha del ens 3en gas
mcms064.5  ganse y a thuk golow
mcms064.6  nos o ny welons yn fas
mcms064.7  bys yn ihesus caradow
mcms064.8  y eth del dyskas iudas

mcms065.1  pan do3yans bys yn tyller
mcms065.2  may 3ese crist ow pesy
mcms065.3  lowene 3ys a vester
mcms065.4  yn meth iudas an brathky
mcms065.5  3o3o y rug fekyl cher
mcms065.6  hag y amme trewesy
mcms065.7  ef a vynne yn ober
mcms065.8  gul ken ys del dywy3y

mcms066.1  ihesus a gewsis pur dek
mcms066.2  iudas ow ry ty avyn
mcms066.3  dre 3e vay a reyth mar whek    
mcms066.4  3e neb am tormont mar dyn
mcms066.5  moll(o)3 den ha gour ha gwrek
mcms066.6  a 3e poran er3ebyn
mcms066.7  peynys ad wra more3ek
mcms066.8  yn yffarn down pub termyn

mcms067.1  ihesus crist a wovynnys
mcms067.2  worth anbobyll a 3eth dy
mcms067.3  gans an fals yn y seruys
mcms067.4  pandra yw a vynnough wy
mcms067.5  en rena a wor3ebys
mcms067.6  ihesus yw an caffans ny
mcms067.7  en arluth a wor3ebys
mcms067.8  me yw henna yredy

mcms068.1  pur wyr drefen an virtu
mcms068.2  an lauar crist pan gowsas
mcms068.3  neb a wheleugh why me yw
mcms068.4  3e ves y a omdennas
mcms068.5  rag own y a gangyes lyw
mcms068.6  rag gwander y a go3as
mcms068.7  yn trevyth y nyn gens gyw
mcms068.8  3e we3yll dris y vynnas

mcms069.1  cryst a wovynys arte
mcms069.2  orth an e3ewon woky
mcms069.3  agis negis pyth ywe
mcms069.4  pv yw neb a weleugh wy
mcms069.5  ihesus crist an na3are
mcms069.6  an rena a wor3eby
mcms069.7  yn meth ihesus me ywe
mcms069.8  lemmyn gureugh agis meystry

mcms070.1  whare y an kemeres
mcms070.2  hag an sensys yn tre3e
mcms070.3  gans lauarow an scornyas
mcms070.4  gallus o grontis 3e3e
mcms070.5  3e we3yll aga mynnas 
mcms070.6  yn della ef a vynne
mcms070.7  may halle dre baynys bras
mcms070.8  merwel rag 3e geren3e

mcms071.1  pedyr an neyl tenewen
mcms071.2  yn mes a dennas cle3e
mcms071.3  hag a drohas ryb an pen
mcms071.4  scovern onan ane3e
mcms071.5  crist a settyas yn tyen
mcms071.6  an scovern arte 3e dre
mcms071.7  hag an dy3gthtyas pur lowen
mcms071.8  maga tek del rebye

mcms072.1  gor 3e gle3e yn y goyn
mcms072.2  3e pedyr crist a yrghys
mcms072.3  rag dre gle3e a veughe
mcms072.4  dre gle3e yfyth le3ys
mcms072.5  dew3ek lygyon yn vn ro
mcms072.6  vye an nef danuenys
mcms072.7  ha moy a mynnen 3ymmo
mcms072.8  pesy ow 3as pur barys

mcms073.1  hag a pe yn della ve
mcms073.2  neffre ny vean fethys
mcms073.3  yn vrna fatell vye
mcms073.4  am bewnans del yw scrifys
mcms073.5  yn lyffrow yn leas le
mcms073.6  dre brofusy leuerys
mcms073.7  reys yw porris heb strevye
mcms073.8  both ow 3as 3e vos sewijs

mcms074.1  ihesus a gewsys arte 
mcms074.2  why a theth 3ym yn arvow
mcms074.3  dre dreyson yn un scolchye
mcms074.4  gans boclers ha cle3y3yow
mcms074.5  thom kemeres 3om syndye
mcms074.6  3om peynye bys yn crow
mcms074.7  kepar ha del vena ve
mcms074.8  an purra lader yn pow

mcms075.1  in agis mysk pan esen
mcms075.2  la(h)ys du 3eugh ow tysky
mcms075.3  gallus nyn gese kemmen
mcms075.4  3om cara na 3om sensy
mcms075.5  lemmyn deve ken termyn
mcms075.6  ow thas rom growntyas 3ewy
mcms075.7  leun a beghas ny won ken
mcms075.8  3e we3yll agis meystry

mcms076.1  in vrna y a colmas
mcms076.2  y 3efregh fast gans cronow
mcms076.3  en goys yn mes may tar3as
mcms076.4  del fastsens en colmennow
mcms076.5  gansa y an hombronkyas
mcms076.6  yn prys hanter nos heb wow
mcms076.7  bys yn aga fryns annas
mcms076.8  o vn iucter bras yn pow

mcms077.1  tus crist 3e ves a fyas
mcms077.2  pep aydu pur vore3ek
mcms077.3  saw pedyr crist a holyas
mcms077.4  abell avel vn ownek
mcms077.5  3e dyller an prins annas
mcms077.6  ene y 3ese sethek
mcms077.7  orto ef y a sethas
mcms077.8  may clewo leff ihesus whek

mcms078.1  en prins scon a leueris
mcms078.2  te crist lauar 3ym plema
mcms078.3  3e dus mar voldh re 3yssys
mcms078.4  prag na 3ons genas omma
mcms078.5  an la(h)ys a bregowthys
mcms078.6  lemmyn dyswe mar syns da
mcms078.7  ha ihesus a wor3ebys
mcms078.8  ef dell vynna yn vrna

mcms079.1  pur apert hag yn golow 
mcms079.2  y leueris ow dyskas
mcms079.3  ow la(h)ys haw lauarow
mcms079.4  suel a vynna y clewas
mcms079.5  yn le may then yn trevow
mcms079.6  yn splan me as derevas
mcms079.7  ny gowsyn yn tewolgow
mcms079.8  a dryff tus yn vn hanas

mcms080.1  pan dra a woventa se
mcms080.2  3e wor3aff ve ham la(h)ys
mcms080.3  mar a mynnyth govynny
mcms080.4  ordh en keth re as clewas
mcms080.5  an rena a yl 3e 3ysky
mcms080.6  yn della y re 3yskas
mcms080.7  yn delma heb velyny
mcms080.8  orto ihesus a gowsas

mcms081.1  gans henna an e3ewon
mcms081.2  onan yn ban a sevys
mcms081.3  hag a ros ryb an scovern
mcms081.4  box 3e grist a 3esympys
mcms081.5  ha dhe ihesus y honon
mcms081.6  an harlot a leuerys
mcms081.7  pu a woras yt colon
mcms081.8  cows yn delma worth iustis

mcms082.1  in meth ihesus yn vrna
mcms082.2  mara kewsys falsury
mcms082.3  ha na blek genas henna
mcms082.4  ha fals te dok dustuny
mcms082.5  mes mara kewsys yn ta
mcms082.6  han gwreoneth y synsy
mcms082.7  prag omgwysketh yn delma
mcms082.8  nyn gyw mernas belyny

mcms083.1  ena mur a vylyny
mcms083.2  pedyr 3e gryst a welas
mcms083.3  y scornye hay voxscusy
mcms083.4  trewe yn y 3ewlagas
mcms083.5  hag ef rag own ny ylly
mcms083.6  gans ihesu kewsel ger vas
mcms083.7  henna o poynt a falsury
mcms083.8  de3ewys heb koweras

mcms084.1  vn venyn hardh a ynnyas
mcms084.2  war pedyr y vos tregis
mcms084.3  gans ihesus ef a naghas
mcms084.4  y arluth a 3esympys
mcms084.5  taw gans crist me ad welas
mcms084.6  gurek arall a leueris
mcms084.7  pedyr arta agowsas
mcms084.8  bythqueth me nyn aswonys

mcms085.1  mur a dus a leuerys
mcms085.2  ny dayl 3ys cam y naghe
mcms085.3  dre 3e gows y 3ew prevys
mcms085.4  3e vos den a galyle
mcms085.5  ef a doys a 3esempys
mcms085.6  maga town ty del wo3ye
mcms085.7  gans crist na vye tregis
mcms085.8  na bythqueth ef nan quelse

mcms086.1  gans hemma ef a clewas
mcms086.2  en colyek scon ow cane
mcms086.3  ha crist worto a wetras
mcms086.4  an peynys bras may 3ese
mcms086.5  pedyr sur a omdennas
mcms086.6  yn vrna del rebeghse
mcms086.7  ow nagha du leun a ras
mcms086.8  hag ef gwarnyys del vye

mcms087.1  whare yn-mes y trylyas
mcms087.2  hay golon nam na dorre
mcms087.3  rag y arluth leun a ras
mcms087.4  mar 3ynas ef 3y nahe
mcms087.5  dybbry boys ef ny vynnas
mcms087.6  lymmyn pub erol ole
mcms087.7  3o3o bys pan danvonas
mcms087.8  crist y to 3e galyle

mcms088.1  ihesus a ve danvenys
mcms088.2  ha 3e worth an prins annas
mcms088.3  gans tus ven a 3esempys
mcms088.4  bys an ebscop cayphas
mcms088.5  dre3o crist may fe bresys
mcms088.6  ol 3y voth ha 3y vynnas
mcms088.7  mur a dus o cuntullys
mcms088.8  er ybyn 3y guhu3as

mcms089.1  rag y vos war bronteryon
mcms089.2  mester bras a berth yn wlas
mcms089.3  gurris ve yn y golon
mcms089.4  yn delma gul may cowsas
mcms089.5  rys yw porris 3e onon 
mcms089.6  merwel rag pobyl an wlas
mcms089.7  pobyl ihesus y honon
mcms089.8  na vons tregis gans satnas

mcms090.1  en e3ewon yn tre3e
mcms090.2  a whelas dustuneow
mcms090.3  rag peyne crist ha syndye
mcms090.4  ny gewsys 3e blegadow
mcms090.5  saw war thu y a vynne
mcms090.6  dre envy leuerell gow
mcms090.7  a dus fals y redo3ye
mcms090.8  an purre laddron yn pow

mcms091.1  ha dew a thuk dustuny
mcms091.2  yn clewsons ow leuerell
mcms091.3  pur wyr y fenne terry 
mcms091.4  an tempel cref hay wu3ell
mcms091.5  war lyrgh henna dre vestry
mcms091.6  yn tressa dyth heb fyllell
mcms091.7  dre nerth bras yn drehevy
mcms091.8  bytqueth ef na vye gwell

mcms092.1  neb o mester ha iustis
mcms092.2  worth ihesus ef a gowsas
mcms092.3  myns vs omma cuntullys
mcms092.4  pur apert y ret flamyas
mcms092.5  ha te ger vyth ny gewsys
mcms092.6  onweyth lemmyn mar co3as
mcms092.7  ol ihesus an go3evys
mcms092.8  hay wor3eby ny vynnas

mcms093.1  kayphas arta a gewsys
mcms093.2  yn hanow du te lavar
mcms093.3  mar sos du del danvansys
mcms093.4  me yw yn meth crist yn whar
mcms093.5  yn nef y fe3aff tregis
mcms093.6  an barth dyghow gans am car
mcms093.7  yn sur thu ow tevones
mcms093.8  wy am gwylvyth heb neb mar

mcms094.1  kayphas pur wyr a sorras
mcms094.2  hag eth pur fol yn vrna
mcms094.3  hag a squerdyas y 3yllas
mcms094.4  pan gowsas crist yn della
mcms094.5  ytterevys dre sor bras
mcms094.6  dustuneow drok na da
mcms094.7  ny reys 3ynny 3e welas 
mcms094.8  awos dampnye an denma

mcms095.1  al ow cows why an clewas
mcms095.2  leuerough mar pyth sawys
mcms095.3  ol warberth y a armas
mcms095.4  gweff yw 3e vones le3ys
mcms095.5  gans mowys y anscornyas
mcms095.6  yn y fase y a drewys
mcms095.7  ty yv mab du leun a ras
mcms095.8  yn ges y a leuerys

mcms096.1  gans queth y ben y que3ens
mcms096.2  guelas banna na ylly
mcms096.3  3e ihesus crist betegyns
mcms096.4  ow ku3yll drok ha belyny
mcms096.5  avel brathken aga dyns
mcms096.6  orto y a theskerny
mcms096.7  eraga fyn betegyns
mcms096.8  crist vn ger ny leuery

mcms097.1  hag y worth y dormontye
mcms097.2  y cu3ens y ben gans queth
mcms097.3  han dus esa ol yn dre
mcms097.4  ha pryncis yn pow yn weth
mcms097.5  ha mur a bobyll ganse
mcms097.6  a 3yghow sur hag a gleth
mcms097.7  the gryst y tons 3y syndye
mcms097.8  ha 3e dry 3en dor gans meth

mcms098.1  i eth ha ihesus ganse
mcms098.2  bys yn pylat o iustis
mcms098.3  a no3o bres may rolle
mcms098.4  dre y vres may fo le3ys
mcms098.5  lavarsons y heb pyte
mcms098.6  agan traytour yw kefys
mcms098.7  rys yw 3eso y 3amnye
mcms098.8  3en mernans a 3esempys

mcms099.1  in meth pylat pan adra
mcms099.2  a ynnyough wy warno3o
mcms099.3  na ve bos fals an denma
mcms099.4  nyn drossen ny bys deso
mcms099.5  y leuerys dre laha
mcms099.6  ha why dampnowgha y3o
mcms099.7  yn me3ens y ny a wra 
mcms099.8  dampnye den lader kyn fo

mcms100.1  henna pylat pan welas
mcms100.2  kymmys cawsys er y byn
mcms100.3  rowtors ha tus kyche yn wlas
mcms100.4  resons mar fol ha mar dyn
mcms100.5  pylat orto govynnas
mcms100.6  yn keth vaner ma govyn
mcms100.7  ose mab du leun a ras
mcms100.8  lemyn gwyr (te) lauar 3yn

mcms101.1  in meth crist an kveff colon
mcms101.2  pur wyr te re leuerys
mcms101.3  te a wo3ye 3e honon
mcms101.4  pe dre gen re ves guarnys
mcms101.5  pylat a gewsys yn scon
mcms101.6  te a ve 3ym danvenys
mcms101.7  lauar 3ymme 3e honon
mcms101.8  pyth yw en drok rewrussys

mcms102.1  in meth ihesus nyn gvgy
mcms102.2  ow mesternges yn bysma
mcms102.3  hag a pe ow thus 3ewy
mcms102.4  nym delyrfsens yn delma
mcms102.5  ytho mygtern ote se
mcms102.6  yn meth pylat yn erna
mcms102.7  gwyr re gwesys yredy
mcms102.8  yn meth crist mygtern oma

mcms103.1  henna iudas pan welas
mcms103.2  crist an bewnans na sawye
mcms103.3  an arghans a gemeras
mcms103.4  rag corf crist 3e rysseve
mcms103.5  ef astewlys dre sor bras
mcms103.6  3en e3ewon yn tre3e
mcms103.7  dremas yw ef leun a ras
mcms103.8  neb re wer3ys yn me3e

mcms104.1  iudas scaryoth a gewsys
mcms104.2  yn keth manerma arte
mcms104.3  fest yn creff me re beghas
mcms104.4  ihesus 3e wy ow quer3e
mcms104.5  da y won y vos a ras
mcms104.6  gevyons me nvm byth neffre
mcms104.7  moy pegh o pan dyspresyas
mcms104.8  ys delo pan yn guer3e

mcms105.1  han e3ewon a gewsys
mcms105.2  pan drew henna 3ynny ny
mcms105.3  ny an pernas 3e wor3ys
mcms105.4  ha ad pes pur yredy
mcms105.5  iudas eth a 3ensympys
mcms105.6  a neyl tu 3e omgregy
mcms105.7  cafas daffar pur parys
mcms105.8  lovan cryff rag y sensy

mcms106.1  eneff iudas ny allas
mcms106.2  dos yn mes war y anow
mcms106.3  rag y anow y ammas
mcms106.4  3e ihesu leun a rasow
mcms106.5  dywolow yfarn a squerdyas
mcms106.6  corf iudas ol 3e 3arnow
mcms106.7  hag a notho a gerhas
mcms106.8  y eneff 3e dewolgow

mcms107.1  en ethewon dre envy
mcms107.2  a gewsys crist rag syndye 
mcms107.3  pylat iustis otese
mcms107.4  ihesus gorweyth y dampnye
mcms107.5  a ierusalem thynny
mcms107.6  ef a thueth a galyle
mcms107.7  la(h)ys nowyth ov tesky
mcms107.8  leas ganso ov tryle

mcms108.1  ganse pylat pan glewas
mcms108.2  bos ihesus a galyle
mcms108.3  bos herodes war an wlas
mcms108.4  mygtern pylat a wo3ye
mcms108.5  rag henna y tanvonas
mcms108.6  crist 3o3o ef mayn dempne
mcms108.7  ruth veyr a dus an sewyas
mcms108.8  pub eyr paris 3y vlamye

mcms109.1  i eth bys yn herodes
mcms109.2  ha crist ganse fast kylmys
mcms109.3  ef a gara crist gwelas
mcms109.4  rag kymmys y 3o praysys
mcms109.5  ganso mar callo clewas 
mcms109.6  whelth nowyth a vo coyntis
mcms109.7  mar callo trylye 3e hes
mcms109.8  lauar crist pan vo clewys

mcms110.1  the herodes y thesa
mcms110.2  pur wyr worth pylat sor bras
mcms110.3  y welas ef ny gara
mcms110.4  na boys yn y gowe3as
mcms110.5  3o3o ihesus 3y thampnye
mcms110.6  pylat bys pan danvonas
mcms110.7  yn vrna keskewe3a
mcms110.8  y a ve ha specyall bras

mcms111.1  herodes a wovynnys
mcms111.2  orth ihesus crist leas tra
mcms111.3  ha trevyth ny wor3ebys
mcms111.4  man geve marth a henna
mcms111.5  an e3ewon a gewsys
mcms111.6  doyn thyn dustuny a wra
mcms111.7  mygtern yfyn bos synsys
mcms111.8  ha mester bras yn bysma

mcms112.1  kymmys tra a lavarsa
mcms112.2  ena y an rebukyas
mcms112.3  the rag an try may 3esa
mcms112.4  annas pylat ha cay(p)has
mcms112.5  pur vylen y an pyltye
mcms112.6  hag yn spytis an scornyas
mcms112.7  moygha 3o3o drok a wre
mcms112.8  henna ve3a an guella gwas

mcms113.1  herodes a leuerys
mcms113.2  3en e3ewon eugh yn fen
mcms113.3  3e bylat agis iustis 
mcms113.4  rag me an syns pur 3en len
mcms113.5  ha leuerough bos gevys
mcms113.6  ol ow sor be3ens lowen
mcms113.7  ham gallus y vos grontijs
mcms113.8  3o3o 3e urusy an den

mcms114.1  i a wyskis cryst gans gwyn
mcms114.2  avel fol y an scornye
mcms114.3  hag an gweska fest yn tyn
mcms114.4  betegyns ger ny gewsy
mcms114.5  hag an hombronkyas bys yn
mcms114.6  pylat o iustis 3e3e
mcms114.7  may caffons y aga gwayn
mcms114.8  war ihesus crist 3y la3e

mcms115.1  then ioul mur neb o tus keth
mcms115.2  3e belat a leueris
mcms115.3  lowenna gwelha 3e feth
mcms115.4  herodes reth tenyrghys
mcms115.5  yn y golen fast regeth
mcms115.6  mur a gerense wor3ys
mcms115.7  hag ef a dalvyth 3is wheth
mcms115.8  y honore del wrussys

mcms116.1  ha 3eso y tanvonas
mcms116.2  y allus crist rag iudgye
mcms116.3  ha ny ad cusyll na as
mcms116.4  lemyn y voth heb sewye
mcms116.5  yn meth pylat scyle vas
mcms116.6  me ny gafe rum lewte
mcms116.7  na byth moy ef ny gaffas
mcms116.8  prag may fe rys y dampnye

mcms117.1  orth pylat ol y setsans
mcms117.2  ha warno3o a rug cry
mcms117.3  rag ihesus crist 3en mernans
mcms117.4  y a vynne porrys dry
mcms117.5  yn meth pylat worth an myns
mcms117.6  an pegh peuas ris yv ry
mcms117.7  me ny gafa moys kyns
mcms117.8  reson gans gwyr 3y vrvsy

mcms118.1  en e3ewon a vynne
mcms118.2  porrys y vonas le3ys
mcms118.3  reson(s) y a rey ragthe
mcms118.4  mes war fals y 3ens growndys
mcms118.5  henna pylat a wo3ye
mcms118.6  rag henna a 3esympys
mcms118.7  bys yn cayphas 3y 3ey yvggye
mcms118.8  ef a rug may fe gorrys

mcms119.1  kayphas an droys arte
mcms119.2  3e pylat o pen iustis
mcms119.3  hag ef eth 3y gusulye
mcms119.4  ihesus crist may fe le3ys
mcms119.5  en e3ewon a arme
mcms119.6  treytour pur y vos keffys
mcms119.7  hag ol drok suel awresse
mcms119.8  ha gow bras ganso clewys

mcms120.1  in meth pylat marth am bes
mcms120.2  kymmes drok a wothevyth
mcms120.3  ha te reson vyth a dres
mcms120.4  eraga fyn na gewsyth
mcms120.5  a na wylta ol myns es
mcms120.6  orth 3e vlamye yn soweth
mcms120.7  hag ov ry 3ys boxow tres
mcms120.8  betegyns te ny sconyth

mcms121.1  in meth pylat me ny won
mcms121.2  3en trayteur esa ganso
mcms121.3  yn crist cafos byth reson
mcms121.4  merwell prag y reys 3o3o
mcms121.5  y hylwys en e3ewon
mcms121.6  la(h)ys es yn pow a dro
mcms121.7  may rys y la3e yn scon
mcms121.8  mygtern neb a omwrello

mcms122.1  own boys crist mab du an neff
mcms122.2  an tebel el an geve
mcms122.3  rag henna scon y 3eth ef
mcms122.4  3e wrek pylat may 3e3e
mcms122.5  han tebel el hager bref
mcms122.6  yn y holon a worre
mcms122.7  war y mester venions cref
mcms122.8  y to ihesus mar la3e.

mcms123.1  thy gour hy a 3an(v)onas
mcms123.2  a crist kepar del welse
mcms123.3  yn kerdh delma dre gannas
mcms123.4  nyn gew ragos se la3e
mcms123.5  cryst yv synsys mur dremas
mcms123.6  3e 3evyth a wos plegye
mcms123.7  rag haneth me re welas
mcms123.8  yto ve(n)ions had la3e 

mcms124.1  onon esa yn preson
mcms124.2  barabas ytho gylwys
mcms124.3  presonys o ef dre dreyson
mcms124.4  ha rag den lath kekyffris
mcms124.5  maner o 3en e3ewon
mcms124.6  war dyth pasch worth an iustis
mcms124.7  an preson govyn onon
mcms124.8  ha bos henna delyffrys

mcms125.1  pylat a vynsse gwy3e
mcms125.2  bewnans ihesus dre goyntis
mcms125.3  hag a leuerys 3e3e
mcms125.4  yn delma del yw skrifis
mcms125.5  lemmyn merough pe nyle
mcms125.6  an dus avyth delyffris
mcms125.7  po cryst leuerough scyle
mcms125.8  po barabas den blamys

mcms126.1  en e3ewon a armas
mcms126.2  dre bur envy me a gris
mcms126.3  dylyver 3ynny barabas
mcms126.4  ha henna ol ny a bys
mcms126.5  pylat arte a gowsas
mcms126.6  a ihesus pyth a vyth guris
mcms126.7  y hawlsons gans golon vras
mcms126.8  3en mernans be3ens gurris

mcms127.1  pylat yn ta a wo3ye
mcms127.2  y 3e gusel dre envy
mcms127.3  rag henna ef a vynse
mcms127.4  gwe3e crist heb velyny
mcms127.5  hag a leueris 3e3e
mcms127.6  mar mynnough me an chasty
mcms127.7  ol war barth yny cyte
mcms127.8  hag an delyrf 3e wary

mcms128.1  i helwys en e3ewon
mcms128.2  be3ens ef yn crows gorris
mcms128.3  yn meth pylat me ny won
mcms128.4  reson prag y fyt da(m)pnys
mcms128.5  y hawlsons gans moy colon
mcms128.6  be3ens ef yn crows le3ys
mcms128.7  yn meth pylat byth reson
mcms128.8  3e la3e nyn ges keffys

mcms129.1  ha pylat 3e war breder
mcms129.2  a leueris 3e ihesu
mcms129.3  ol an dusma a leuer
mcms129.4  3e vos cregis te yw gyw
mcms129.5  lauar gwyr 3ymmo vn ger
mcms129.6  mar sota mab den ha du
mcms129.7  cryst a gewsys dyboner
mcms129.8  te a leuerys del yw

mcms130.1  whare y an dystryppyas
mcms130.2  mar noyth genys del vye
mcms130.3  hag worth post fast an colmas
mcms130.4  vnwyth na ylly plynchye
mcms130.5  hag ena ij an scorgyas
mcms130.6  yn tebel gans ij scorgye
mcms130.7  ha hager fest an dygtyas
mcms130.8  corf ha pen treys ha dewle

mcms131.1  in scorgijs prenyer esa
mcms131.2  yn dewle an ij ethow
mcms131.3  hag yn fast kelmys 3e3e
mcms131.4  kerdyn gwe3yn mesk cronow
mcms131.5  may fons hyblyth 3e gronkye
mcms131.6  hag a rag guris colmmenow
mcms131.7  gans pub colmen may 3elle
mcms131.8  pan wyskens yn-mes an crow

mcms132.1  han 3ewna bys pan vons squyth
mcms132.2  war crist y fons ov cronkye
mcms132.3  manna geve goth na leyth
mcms132.4  na gesa worth y grevye
mcms132.5  na war y gorff wek tam vyth
mcms132.6  pur wyr henna o mur byte
mcms132.7  ha whath moy wy a glewyth
mcms132.8  a dormont crist del wharse

mcms133.1  in tre3e avel tus fol
mcms133.2  garlont sperne a ve dy3gthtys
mcms133.3  ha dre aga husyll ol
mcms133.4  war y ben a ve gorris
mcms133.5  may 3o squardijs a dro ol
mcms133.6  ay ben y oys o scolijs 
mcms133.7  hag ynno fest luhas tol
mcms133.8  gans an dreyn a ve tellys

mcms134.1  gans den scyntyll a wo3ye
mcms134.2  me a glewas leuerell
mcms134.3  an arlont y 3e denne
mcms134.4  war y ben gans kymmys nell
mcms134.5  ma teth an dreyn ha cropye
mcms134.6  3en nempynnyon dre an tell
mcms134.7  henno payn a vur byte
mcms134.8  esa crist ow co3evell

mcms135.1  a vyne gwar3e yben
mcms135.2  war y gorff bys yn y droys
mcms135.3  squardijs oll o y grohen
mcms135.4  hag ef cu3ys yn y woys
mcms135.5  mur o an payn dar ken
mcms135.6  3e vab du mur y alloys
mcms135.7  del lever 3yn an levar
mcms135.8  kymmys payn ny ve ay oys

mcms136.1  i a wyskis crist gant queth
mcms136.2  han purpur rych o dyskis
mcms136.3  rag y thry 3en dor gans meth
mcms136.4  yn ges y a leueris
mcms136.5  mur a onour te afyth 
mcms136.6  te yw mygtern cvrvnys
mcms136.7  hag yn y leff 3yghow yn weth
mcms136.8  gwelen wyn a ve gorris 

mcms137.1  hag y thens 3e ben dowlyn
mcms137.2  hag y kewsens 3e scornye
mcms137.3  hag a gamma aga meyn
mcms137.4  pub onon rag y eysye
mcms137.5  lowene 3ys te yw 3eyn 
mcms137.6  mygtern rys yw 3e wor3ye
mcms137.7  hen o 3o3o mur a bayn
mcms137.8  may 3e3ens worth y ranne

mcms138.1  onon gans an keth welen
mcms138.2  yn leyff crist a ve gorris
mcms138.3  an gwyskis lasche war an pen
mcms138.4  bum pur gewar dese3ys
mcms138.5  ha buxow leas hep ken
mcms138.6  ha tummasow kekyffris
mcms138.7  3e gryst a dro 3e 3ewen
mcms138.8  gans nerth bras a ve syttis

mcms139.1  colon den a yll crakye
mcms139.2  a vynha prest predery
mcms139.3  an paynys bras an geve
mcms139.4  han dyspyth heb y dylly
mcms139.5  hag ol rag 3e gerense
mcms139.6  ihesus crist as go3evy
mcms139.7  lymmyn gorqvyth y gare
mcms139.8  ha gweyth denatar na vy

mcms140.1  pylat eth yn-mes ay hell
mcms140.2  yn vn lowarth an gevo
mcms140.3  ogas o nyn gesa pell
mcms140.4  hag a worras crist ganso
mcms140.5  ena worto rag kewsell
mcms140.6  queth esa a dro 3o3o
mcms140.7  prest an e3ewon debel
mcms140.8  3e ihesus esens a dro

mcms141.1  ena pylat a gewsys
mcms141.2  yn delma 3en e3ewon
mcms141.3  me ny won bonas kyfys
mcms141.4  yn denma byth acheson
mcms141.5  may rys y vonas le3ys
mcms141.6  gothve3ough keteponon
mcms141.7  del yw an denma dy3gtis
mcms141.8  myrough in agis colon

mcms142.1  pan yn caffsons yn tre3e
mcms142.2  ol warbarth y a ylwys
mcms142.3  te pylat la3e la3e
mcms142.4  mernans an grows desympys
mcms142.5  pylat a gewsys arte
mcms142.6  dre3ough why be3ens le3ys
mcms142.7  rag ynno me ny gaffe
mcms142.8  scyle vas may fo dampnys

mcms143.1  an debel dus a gewsys
mcms143.2  3ynny sur yma laha
mcms143.3  may rys y vonas le3ys
mcms143.4  rag mab du ef a omwra
mcms143.5  own a gachyas an iustis
mcms143.6  pan glewas cows yn della
mcms143.7  rag henna a 3esympys
mcms143.8  y trylyas thy asethva

mcms144.1  orth crist ef a wovynnys
mcms144.2  te 3en able ota gy
mcms144.3  3y gows crist ny wor3ebys
mcms144.4  ynmeth pylat yredy
mcms144.5  gor3eby te ny vynsys
mcms144.6  a ny wo3as ow mestry
mcms144.7  bos 3ymmo may fes le3ys
mcms144.8  bo delyffris 3e wary

mcms145.1  in meth ihesus yn vrna
mcms145.2  mestry vyth te ny vea
mcms145.3  waraff ve drok vyth na da
mcms145.4  ken onan 3ys nan rolla
mcms145.5  byth moy ys e3ow yn ta
mcms145.6  a beghas orth ov 3rayta
mcms145.7  pylat pan glewas henna
mcms145.8  a whelas y 3elyffra

mcms146.1  han e3ewon oll a dro
mcms146.2  3e belat a leuery
mcms146.3  kerense sesar ytho
mcms146.4  ny 3e lemman belyny
mcms146.5  in ny wreth dyffry do3o
mcms146.6  a berverth yn crows cregy
mcms146.7  rag mygtern a omwrello
mcms146.8  3e sesar yw contrary

mcms147.1  ena pylat pan glewas
mcms147.2  an lauarow na ganse
mcms147.3  ihesus ef a 3yswe3as
mcms147.4  pur evn yn cres yn tre3e
mcms147.5  a watta ef a gowsas
mcms147.6  agis mygtern ple meve
mcms147.7  ol war barth i an naghas
mcms147.8  hag a yrghys y la3e

mcms148.1  in meth pylat why a vyn
mcms148.2  drys pub tra me 3y la3e
mcms148.3  agis mygtern meth yw 3yn
mcms148.4  na ve3ens clewys neffre
mcms148.5  yn me3ens y nyn  gor3yn
mcms148.6  na ny goth thyn y wor3ye
mcms148.7  na ken mygtern ny venyn
mcms148.8  ys cesar caffos neffre

mcms149.1  y thewleff pylat a wolhas
mcms149.2  hag a leuerys 3e3e
mcms149.3  glan off a wos an dremas
mcms149.4  rag ay woys venions a 3e
mcms149.5  ol warbarth y a armas
mcms149.6  mar te ve(n)ions ha cothe
mcms149.7  war agan flehys yn fras
mcms149.8  ha warnan be3ans neffre 

mcms150.1  camen pylat pan welas
mcms150.2  na ylly crist delyffre
mcms150.3  manan geffo ef sor bras
mcms150.4  3e worth ol an gowe3e
mcms150.5  rag henna ef a iuggyas
mcms150.6  ihesus 3e3e 3y la3e
mcms150.7  the ves y a thelyffras
mcms150.8  barabas quyth may 3elle

mcms151.1  pan o ihesus cryst dampnys
mcms151.2  aberth yn crows may farwe
mcms151.3  haccra mernans byth ordnys
mcms151.4  3e creatur ny vye
mcms151.5  en grows whath nyn io parys
mcms151.6  nan e3ewon ny wo3ye
mcms151.7  an prennyer py fens kefis
mcms151.8  3e wu3yll crous a ne3e

mcms152.1  vn ethow a brederys
mcms152.2  hag a leuerys the3e
mcms152.3  bonas pren yn dour tewlys
mcms152.4  a vs yn houl na vye
mcms152.5  rag an grous y 3o ordnys
mcms152.6  han huthewon ny wo3ye
mcms152.7  hag an avell deve3ys
mcms152.8  dre3y adam may peghse

mcms153.1  an prynner a ve kerhys
mcms153.2  en grows scon dy3gtis may fe
mcms153.3  hag ynny bonas gorys
mcms153.4  ragon ny cryst a vynne
mcms153.5  ha war an pren frut degis
mcms153.6  may fe sur 3agan sawye
mcms153.7  may teth frut may fen kellys
mcms153.8  rag adam 3e attamye

mcms154.1  whath kentrow 3e3e nyngo
mcms154.2  ihesus yn crows rag synsy
mcms154.3  y hwalsons ol adro
mcms154.4  mar caffons goff yredy
mcms154.5  onan a welsons eno
mcms154.6  hag y 3e3ons 3y besy
mcms154.7  hag y lauarsons tho3o
mcms154.8  te gura iij kenter 3ynny

mcms155.1  in meth an goyff me ny wraff
mcms155.2  pur wyr kentrow 3ewy vyth
mcms155.3  yn methons mar omwreyth claff
mcms155.4  gor3ewyth te an prenvyth
mcms155.5  awos guthyll wheyll mar scaff
mcms155.6  yn ethom 3yn mar fyllyth
mcms155.7  y wor3ebys ny vannaff
mcms155.8  aga gu3yll war ow fyth

mcms156.1  gans mur a iucters yn wlas
mcms156.2  ef ave veyll rebukis
mcms156.3  kavanskis ef a whelas
mcms156.4  rag own y vonas le3ys
mcms156.5  yn meth angoff clevas bras
mcms156.6  es omdewleff deve3ys
mcms156.7  towyll vyth ny allaff yn fas
mcms156.8  ynno sensy 3e wonys

mcms157.1  reys o 3o3o dysque3as
mcms157.2  3e pur treytours a 3ewle
mcms157.3  warne3e gwelsons clevas
mcms157.4  bytegyns byth nyn gese
mcms157.5  yn meth y wrek mur a varth bras
mcms157.6  yv henna 3ym rum lewte
mcms157.7  he3ow pan e3ys yn mes
mcms157.8  cleves vyth nyth kemerse

mcms158.1  in meth gurek an goff 3e3e
mcms158.2  kentrow 3ewy why ny fyll
mcms158.3  a wos bos claff y 3ewle
mcms158.4  toche vyth gonys ef na yll
mcms158.5  del won yn vn fystene
mcms158.6  me as gura ny strechyaff pell
mcms158.7  a ban na ges a wothfe
mcms158.8  3eugh paris as guerelle gwell

mcms159.1  en debell wrek casadow
mcms159.2  gans mur a doth eth yn chy
mcms159.3  war hast 3e we3yll kentrow
mcms159.4  may fens creff ha trewesy
mcms159.5  ij droys ihesus caradow
mcms159.6  hay ij leyff y a delly
mcms159.7  rag an spykis o garow
mcms159.8  pan vons gwyskis 3y synsy

mcms160.1  pan o kentrow lemmys
mcms160.2  hy as duk 3en e3ewon
mcms160.3  crows ihesus navnio paris
mcms160.4  y eth 3y la3e yn scon
mcms160.5  bresell cref a ve sordijs
mcms160.6  en grows pu elle 3y don
mcms160.7  dre vur stryff y fe iuggijs
mcms160.8  ys degy crist y honon

mcms161.1  an queth tek a ve dyskis
mcms161.2  han purpur ryche a vsye
mcms161.3  hay bowys yhonon gurris
mcms161.4  a dro 3o3o hy a ve
mcms161.5  gans y vam y fye guris
mcms161.6  hag ef gensy ow tene
mcms161.7  kepar ihesus del devys
mcms161.8  yn della an bows a wre

mcms162.1  oll monas y a vynne
mcms162.2  bys yn mont a galvary
mcms162.3  a vest 3en dre y 3ese
mcms162.4  meneth vghell yredy
mcms162.5  an grows i a rug gorre
mcms162.6  war scoth ihesus 3y don 3y
mcms162.7  3e ihesus crist may teffe
mcms162.8  ol an greff han belyny

mcms163.1  dew lader drevs o dampnys
mcms163.2  a ve dy3gtis gans ihesu
mcms163.3  ganso ef may fens cregis
mcms163.4  onon 3o3o a bub tu
mcms163.5  ihesus a ve hombronkis
mcms163.6  ha war y lyrgh mur a lu
mcms163.7  dre volder tebel iustis
mcms163.8  rag y chasye kyn 3o du

mcms164.1  i vam whegol a welas
mcms164.2  del esons worth y 3ygtye
mcms164.3  pyteth mur askemeras
mcms164.4  y holon nam na grakye
mcms164.5  dre vn scochforth y ponyas
mcms164.6  cafos y mab mar calle
mcms164.7  i wortos hy a vynnas
mcms164.8  guelas ihesus a gare

mcms165.1  pan welas y mab dygtis
mcms165.2  gans an e3ewon mar veyll
mcms165.3  hay vos gans spern curunys
mcms165.4  ha peb 3o3o ow cull geyll
mcms165.5  hag yn y gorf bos gorris
mcms165.6  goleow pals leas myll
mcms165.7  heb cows ger y clamderis
mcms165.8  y tethas (cothas) war bol y hyll 

mcms166.1  ena pan sevys yn ban
mcms166.2  hy a gewsys del ylly 
mcms166.3  nyn gew ow faynys beghan
mcms166.4  vs lemyn war ow sensy
mcms166.5  ow holon yn tre myll darn
mcms166.6  marth yw gene na squardhy
mcms166.7  pan welaff ow mab mar wan
mcms166.8  ow town kemys velyny

mcms167.1  gensy prest ij venyn len
mcms167.2  esa worth y homfortye
mcms167.3  marya magdalenen
mcms167.4  ha marya cleophe
mcms167.5  y a fystena yn fen
mcms167.6  arte 3y dyerbyne
mcms167.7  rag kerensa nyn io ken
mcms167.8  y welas y a vynne

mcms168.1  benenas prest a holyas
mcms168.2  ihesu crist yn vn garme
mcms168.3  ihesus worto a veras
mcms168.4  hag a leueris 3e3e
mcms168.5  flehys mur ha benenas
mcms168.6  a ierusalem yn dre 
mcms168.7  a wor bos ov feynys bras
mcms168.8  ragoff na wheleugh ole

mcms169.1  olough rag agis fleghys
mcms169.2  ha ragough agis honon
mcms169.3  en de3yow a vyth guelys
mcms169.4  hag a 3e sur yntre3on
mcms169.5  may fyth torrow benegis
mcms169.6  bythqueth na allas e3on
mcms169.7  ha benenas kekyffrys
mcms169.8  na ve 3e3e denys bron

mcms170.1  in erna 3en meny3yow
mcms170.2  why a ergh warnough co3e
mcms170.3  yn ketella an nanssow
mcms170.4  wy a bys ragas cuthe
mcms170.5  del lavare war anow
mcms170.6  war an pren glays mar a te
mcms170.7  yn pren seygh ha casadow
mcms170.8  sur yn erna fatel ve

mcms171.1  i vam whek marya wyn
mcms171.2  pub vr fystene a wre
mcms171.3  may halle doys war y byn
mcms171.4  y mab kemmys a gare	
mcms171.5  rag  gwander war ben dowlyn
mcms171.6  hy an guelas ow co3e 
mcms171.7  han wlos askemeras mar dyn
mcms171.8  may clamderas hy arte

mcms172.1  ena hy a ve seuys
mcms172.2  yn ban ynter benenas
mcms172.3  arluth hy a leueris
mcms172.4  ow holon y ma genas
mcms172.5  kepar ha te hy 3ew guris
mcms172.6  yn anken worth 3e welas
mcms172.7  bytqueth den ny wo3evys
mcms172.8  payn ella 3y golon nes

mcms173.1  en golyas ha fowt dybbry
mcms173.2  a wo3evys ihesus ker
mcms173.3  han strokosow trewesy
mcms173.4  war y gorff dris pub maner
mcms173.5  goys ay ben ay ysely
mcms173.6  a 3roppye war y 3ew ver
mcms173.7  rag do3o ef na ylly
mcms173.8  doun an grows rag gwander

mcms174.1  vn den asdyerbynnas
mcms174.2  symmon o ay own hanow
mcms174.3  y leuerys 3o3o guas
mcms174.4  ty a 3ek an grows heb wow
mcms174.5  y don symon a sconyas
mcms174.6  ef an geve strocosow
mcms174.7  na moy sconye ny vynnas
mcms174.8  rag own cafos y ancow

mcms175.1  ef a thuk an grous ganse
mcms175.2  pur wyr henno ay anvoth
mcms175.3  ny wrens y na hen scyle
mcms175.4  lymyn sywye aga both
mcms175.5  pub er te 3en gura lewte
mcms175.6  beva den yonk bo den coth
mcms175.7  or3aff mar mynnyth cole
mcms175.8  neffre gans an fals na soth

mcms176.1  i eth yn vn fystene
mcms176.2  3en tyller ganso o ordnys
mcms176.3  pan do3yans 3y yntre3e
mcms176.4  pows ihesus a ve dyskis
mcms176.5  y dysky mur an grevye
mcms176.6  worto fast navngo glenys
mcms176.7  whath bytqueth claff ny vee
mcms176.8  vylle ys dello dyskis

mcms177.1  vn venyn da a welas
mcms177.2  dello ihesus dystrippijs
mcms177.3  pytet mur askemeras
mcms177.4  rag y vos mar veyll dygtis
mcms177.5  vn queth tek hy a drylyas
mcms177.6  adro 3o3o desympys
mcms177.7  ha warnans hy an quuthas
mcms177.8  rag gwy3e na ve storuys

mcms178.1  heys crist y a gemeras
mcms178.2  an neyll lef bys yn y ben
mcms178.3  worth an les y a dollas
mcms178.4  ij doll yn (an) grows heb ken
mcms178.5  may 3ello an kentrow bras
mcms178.6  dre y 3ewleff bys yn pen
mcms178.7  rag y dreys y a vynnas
mcms178.8  telly 3y worre yntten

mcms179.1  ganse crist a ve  tewlys
mcms179.2  war an grows 3e wrowe3e
mcms179.3  hay yll leff a ve tackis 
mcms179.4  ord en grows fast may 3ese
mcms179.5  hay yll troys a ve gorris 
mcms179.6  poran war ben e gele
mcms179.7  worth an grows yfons la3ijs
mcms179.8  gans kenter guyskis dre3e

mcms180.1  then levff arall pan do3yans
mcms180.2  worth an grovs rag y faste
mcms180.3  y fylly moy es tresheys
mcms180.4  3en tol guris hy na he3e
mcms180.5  en e3ewon betegyns
mcms180.6  gul tol arall ny vynne
mcms180.7  lemyn an tol re wrussens
mcms180.8  y a vyn(n)e 3e seruye

mcms181.1  ganse worth levff crist loven
mcms181.2  fast yn scon a ve kelmys
mcms181.3  hag yn tre an e3ewon
mcms181.4  an grovs fast a ve sensys
mcms181.5  gans re a gymmys colon
mcms181.6  en loven a ve tennys
mcms181.7  y iunctis keteponon
mcms181.8  oll warbarth may 3ens squardis

mcms182.1  pan deth levff crist war en toll
mcms182.2  dre an nerth may tensons hy
mcms182.3  vn ethow avell pyth foll
mcms182.4  a wyskis kenter ynhy
mcms182.5  lemmyn me agis pys oll
mcms182.6  a baynis crist predery
mcms182.7  ha na vo gesys 3e goll
mcms182.8  an lahys a rug 3ynny

mcms183.1  scrifys yw yn suredy
mcms183.2  ha ken me nyn lauarsen
mcms183.3  corff ihesus hay asely
mcms183.4  y 3e denna mar velen
mcms183.5  neb a vynna a ylly
mcms183.6  neuera oll y yscren
mcms183.7  hay skennys kyc ha gwy3y
mcms183.8  pan esa yn (an) crows pren

mcms184.1  han grous a ve drehevys
mcms184.2  ha ihesus fasteys ynny
mcms184.3  han pen golas delyffrys
mcms184.4  yn tol o tellys rygthy
mcms184.5  ena hy a ve gefys
mcms184.6  3e go3a mar ankynsy
mcms184.7  3e crist may fe crehellys
mcms184.8  oll y gorf hay esely

mcms185.1  ha crist yn delma peynys
mcms185.2  a berth yn crows pan ese
mcms185.3  yn (va)nerma y pesys
mcms185.4  rag an keth re ren crowse
mcms185.5  ow 3as whek be3ens gevys
mcms185.6  3en rema aga nyscyte
mcms185.7  rag me ny won py gymmys
mcms185.8  y mons y sur ow peghe

mcms186.1  an ethewon a grogas
mcms186.2  lader 3e gryst an barth cleth
mcms186.3  hag a 3yghow lader bras
mcms186.4  cregy a russons yn weth
mcms186.5  ha crist yn cres leun a ras
mcms186.6  levn y golon a voreth
mcms186.7  gans laddron y tewe3as
mcms186.8  del yw scrifys ay 3eweth

mcms187.1  pylat a vynnas scrife
mcms187.2  a vewnans (leg. vernans) crist acheson
mcms187.3  praga dampnys rebee
mcms187.4  hag an scrifas y honon
mcms187.5  pan eth pylat 3y redye
mcms187.6  scyle nyn io na gonon
mcms187.7  prest y keffy pan vyre
mcms187.8  henma yw mygtern e3ewon

mcms188.1  en ethewon a gowsys
mcms188.2  henna yw 3yn bylyny
mcms188.3  be3ens 3e ves defendis
mcms188.4  y vonas mygtern 3ynny
mcms188.5  ha be3ens ena gorris
mcms188.6  y fense bos dre vestry
mcms188.7  han pyth a screfys screfys
mcms188.8  yn meth pylat 3e3e y

mcms189.1  en lybell a ve tackis
mcms189.2  worth en grous fast may 3ese
mcms189.3  hag a vgh pen crist gorrys
mcms189.4  may hylly peb y redye
mcms189.5  rag bos ihesus crist crowsys
mcms189.6  ogas 3e forth an cyte
mcms189.7  gans leas yfe redijs
mcms189.8  y vonas mygtern 3ethe

mcms190.1  dyllas crist a ve rynnys
mcms190.2  pedar ran guris a ne3e
mcms190.3  gans peswar marreg a brys
mcms190.4  3e bub marreg ran nayse
mcms190.5  y bous ef o mar dek guris
mcms190.6  y ny vynsans y ranne
mcms190.7  war nethy pren be tewlys
mcms190.8  oll an bows pyv an gyffe

mcms191.1  an barth cleyth neb o cregis
mcms191.2  dyveth o ha lader pur
mcms191.3  yn ges ef a leuerys
mcms191.4  te crist mar sota mar fur
mcms191.5  war an bys del omwressys
mcms191.6  lemmyn dyswa ha gura cur
mcms191.7  ha saw te ha me kyffris
mcms191.8  agan bewnans may fen sur

mcms192.1  in meth an lader arall
mcms192.2  drok 3en os kepar del ves
mcms192.3  ny 3owtyth du te yw dall
mcms192.4  rag genen cregis neb es
mcms192.5  den glan yw a begh heb fall 
mcms192.6  ynno eff dyfout nyn ges
mcms192.7  agan cregy ny yv mall
mcms192.8  rag ny rebe laddron dres

mcms193.1  an lader an barth dyghow
mcms193.2  a besys in ketelma
mcms193.3  arluth pan dyffy 3et pow
mcms193.4  predery a hanaff gura
mcms193.5  crist pur wek an caradow
mcms193.6  an gor3ebys yn vrna
mcms193.7  te a vyth yn keth golow
mcms193.8  yn paradis genama

mcms194.1  an e3ewon a gewsy
mcms194.2  a ihesus rag y scornye
mcms194.3  kyns yn ta ef a ylly
mcms194.4  tus a bup drok ol sawye
mcms194.5  lemmyn gans ol y vestry
mcms194.6  ragon ny wor omwe3e
mcms194.7  na gans oll y tretury
mcms194.8  ny yll agan dyssaytye

mcms195.1  war aga dewlyn y 3e
mcms195.2  pe rag ihesus re erell
mcms195.3  aga fen y a sackye
mcms195.4  hag a gewsy pur debell
mcms195.5  worth ihesus rag y angre
mcms195.6  a wotta omma neb yll
mcms195.7  tempell du dowstoll squardye
mcms195.8  ha 3e voth y 3rehevell

mcms196.1  hag y ee 3e ben dewlyn
mcms196.2  ha hager mowys a wre
mcms196.3  gwe3e go3yans aga meyn
mcms196.4  orth ihesus a omgame
mcms196.5  hag ef moygha yn y beyn
mcms196.6  yn y fas y a drewe
mcms196.7  heno 3o3o calys feyn
mcms196.8  agan pegh ny ow prenne

mcms197.1  re 3e gryst a leuery
mcms197.2  a berth yn crows pan ese
mcms197.3  mar soge crist mab dauy
mcms197.4  des an grows heb pystege
mcms197.5  ha ny a grys 3e vestry
mcms197.6  hag ad syns mester neffre
mcms197.7  me yw mab du yredy
mcms197.8  crist a leueris thethe

mcms198.1  a barth dyghow y 3ese
mcms198.2  3e gryst y vam marya
mcms198.3  hay vam ef neb a gare
mcms198.4  an barth arall magata
mcms198.5  deso benyn yn me3a
mcms198.6  iowan 3e vab me a wra
mcms198.7  na byth moy ken mam neffre
mcms198.8  es hyhy te na whela

mcms199.1  war lyrgh crist enef 3e ry
mcms199.2  pub onan oll 3y gele
mcms199.3  iowan y vam a sensy
mcms199.4  marya crist del arse
mcms199.5  yn pub maner may hylly
mcms199.6  y vam prest asonore
mcms199.7  yn delma comfort 3y3y
mcms199.8  y map a vynnas dygtye

mcms200.1  nevngo deuethys an prys
mcms200.2  may 3o ogas 3y 3eweth
mcms200.3  yn erna y fe dorgis
mcms200.4  ha dris ol an bys ef eth
mcms200.5  tewolgow bras a ve guris
mcms200.6  an houll a gollas y feth
mcms200.7  ha moy mar3us me a gris
mcms200.8  ys an rena ve yn weth

mcms201.1  in della hy a begyas
mcms201.2  bys hanter dyth yredy
mcms201.3  yn erna crist a vynnas
mcms201.4  leuerell ely ely
mcms201.5  3e strirya (leg. scrirya) yw a gowsas
mcms201.6  arluth prag y hysta vy
mcms201.7  mas re war gryst a ynnyas
mcms201.8  y 3o dewas ar yrghy

mcms202.1  gans an e3ewon war hast
mcms202.2  drok 3ewas a ve dy3gtys
mcms202.3  tebell lycour mur y last
mcms202.4  eysyll bestyll kemyskis
mcms202.5  yn (un) spong orth gwelen fast
mcms202.6  3e gryst hy a ve he3ys
mcms202.7  gonys oll a wrens yn fast
mcms202.8  rag na go crist attendijs

mcms203.1  re an e3ewon tebell
mcms203.2  a leuerys heb pyte
mcms203.3  a wottense ow kelwel
mcms203.4  hely 3o3o 3y wy3e
mcms203.5  myrugh mar te drehevell
mcms203.6  ay beynys 3y delyffre
mcms203.7  han scherewys prest a bell
mcms203.8  3e worth an gwyr afye 

mcms204.1  i beyn o mar greff ha tyn
mcms204.2  caman na ylly bewe
mcms204.3  heb dascor y eneff gwyn
mcms204.4  bytqueth yn lan revewse
mcms204.5  crist a besys del redyn
mcms204.6  yn delma yn luas le
mcms204.7  ow eneff me a gymyn
mcms204.8  arluth yn tre 3e 3ewle

mcms205.1  rag gwan spyr(n) hag ef yn ten
mcms205.2  caman na ylly gwy3e
mcms205.3  war nans na bosse y ben
mcms205.4  rag an arlont a vsye
mcms205.5  mar posse a neyll tenewen
mcms205.6  rag y scoth hy a grevye
mcms205.7  ha whath gweth a wre an pren
mcms205.8  war 3ellargh mar an gorre

mcms206.1  na war rag ef ny ylly
mcms206.2  pose rag own bos megis
mcms206.3  yn erna del redyn ny
mcms206.4  y(n) lyffrow del yw scrifys
mcms206.5  3en ne3yn gwyls rag nye3y
mcms206.6  tellyryow esa paris
mcms206.7  the crist y ben py sensy
mcms206.8  teller vyth nyn go kefis

mcms207.1  rag porrys rys o 3o3o
mcms207.2  gase y ben 3egregy
mcms207.3  rag galse glan 3e worto
mcms207.4  y woys bewe ny ylly
mcms207.5  war tu hay vam an pewo
mcms207.6  y ben a vynnas synsy
mcms207.7  hay eneff eth a no3o
mcms207.8  gans garm eyn hag vghel gry

mcms208.1  ryp crous ihesus y 3ese
mcms208.2  vn den henwys sentury
mcms208.3  a vernans crist pan welse
mcms208.4  kynyuer tra marthusy
mcms208.5  han enef del dascorse
mcms208.6  erbyn natar gans vn cry
mcms208.7  y leuerys heb scornye
mcms208.8  hemma (hem) yw mab du yredy
mcms208.9  ha leas ganso ene
mcms208.A  do3o a 3uk dustuny

mcms209.1  nango hanter dyth yn wlas
mcms209.2  po moy del yma scryfis
mcms209.3  dorgis esa ha lughas
mcms209.4  han tewolgow kekyffrys
mcms209.5  veyll an tempyll a squardyas
mcms209.6  yn tre dew 3en dor co3ys
mcms209.7  ena yn weth y torras
mcms209.8  en veyn o creff ha calys

mcms210.1  en be3ow yn lower le
mcms210.2  a pert a ve egerys
mcms210.3  han corfow esa ynne
mcms210.4  a ve yn ban drehevys
mcms210.5  hag eth poran 3en cyte
mcms210.6  gans luas y fons gwelys
mcms210.7  en gwyr 3e 3ustynee
mcms210.8  bos mab du neb o le3ys

mcms211.1  dowr ha ler ha tan ha gwyns
mcms211.2  houl ha lour ha steyr kyffris
mcms211.3  a gryst ow co3aff mernans
mcms211.4  anken y a wo3evys
mcms211.5  natur scyle me a syns
mcms211.6  arluth da mar pyth peynys
mcms211.7  ol y sogete kyn fons syns
mcms211.8  rag y beyn 3e vos grevijs

mcms212.1  enaff crist 3e yffarn eth
mcms212.2  hag a dorras an por3ow
mcms212.3  dre y nerth bras hay sleyueth
mcms212.4  ena golmas dewolow
mcms212.5  lucyfer kelmys yv whath
mcms212.6  pur fast yn y golmennow
mcms212.7  hag ef a dryk heb fynweth
mcms212.8  yn yffarn yn tewolgow

mcms213.1  ena crist a thelyffras
mcms213.2  a breson adam hag evef
mcms213.3  suel a wressa both y das
mcms213.4  man geffo tregva yn nef
mcms213.5  pan eth yn mes yn sewyas
mcms213.6  en dus vas del vynne ef
mcms213.7  an scherewes a dregas
mcms213.8  yn yffarn yn tormont creff

mcms214.1  vn burges iosep hynwys
mcms214.2  a baramat an cyte
mcms214.3  yn mernans crist a gewsys
mcms214.4  bytqueth dremas re bee
mcms214.5  ol y doul ef o tewlys
mcms214.6  ganso yn nef rag trege
mcms214.7  ihesus ganso o keris
mcms214.8  ha nyn io hard 3y notye

mcms215.1  iosep eth bys an iustis
mcms215.2  3e bylat mester treus o
mcms215.3  ha pur hardh a wovynnys
mcms215.4  corf ihesus worto yn ro
mcms215.5  rag bos iosep den keris
mcms215.6  grontis ef a ve 3o3o
mcms215.7  pylat a woromynnys
mcms215.8  meras crist marow mar so

mcms216.1  en e3ewon skyntyll keth
mcms216.2  resteffo mur vylyny
mcms216.3  3e veras worth crist y eth
mcms216.4  hag ef yn crous ow cregy
mcms216.5  y a welas war y feth
mcms216.6  y vos marow yredy
mcms216.7  yttaseffsons oll yn weth
mcms216.8  dre an golon y delly

mcms217.1  in aga herwyth y 3ese
mcms217.2  vn marreg longis hynwys
mcms217.3  dal o ny wely banna
mcms217.4  ef rebea den a brys
mcms217.5  gew a ve yn y 3ewle
mcms217.6  gans an e3ewon gorris
mcms217.7  ha pen lym rag y wane
mcms217.8  3e golon ihesus hynwys

mcms218.1  longis sur an barth dyghow
mcms218.2  3e grous ihesus y 3ese
mcms218.3  3en marreg worth y hanow
mcms218.4  y a yrhys may whane
mcms218.5  yn corf ihesus caradow
mcms218.6  en gew lym ef a bechye
mcms218.7  pur ewn yn dan an asow
mcms218.8  dre an golon may 3ese

mcms219.1  an golon y 3eth stret bras
mcms219.2  dour ha goys yn kemeskis
mcms219.3  ha ryp an gyw a resas
mcms219.4  3e 3ewle neb an gwyskis
mcms219.5  y wholhas y 3ewlagas
mcms219.6  gans y eyll leyff o gosys
mcms219.7  dre ras an goys y whelas
mcms219.8  ihesus crist del o dy3gtis

mcms220.1  eddrek mur an kemeras
mcms220.2  rag an ober re wresse
mcms220.3  3y ben dowlyn y co3as
mcms220.4  arluth gevyans yn me3e
mcms220.5  dall en ny welyn yn fas
mcms220.6  ow bos mar veyll ow pewe
mcms220.7  ihesus 3o3o a avas
mcms220.8  pan welas y edrege

mcms221.1  mam ihesus marya wyn
mcms221.2  herd(h)ya an gyw pan welas
mcms221.3  yn y mab yn tenewyn
mcms221.4  dre an golon may resas
mcms221.5  ha 3en dor an goys han lyn
mcms221.6  an no3o dell deveras
mcms221.7  angus bras ha peynys tyn
mcms221.8  ha gloys creff askemeres (leg. askemeras)

mcms222.1  ffest yn tyn hy a wole
mcms222.2  3e wher3yn nysteva whans
mcms222.3  hay dagrow a 3evera
mcms222.4  hay dew lagas pur 3ewhans
mcms222.5  hay holon whek a ranne
mcms222.6  me a leuer rag trystans
mcms222.7  rag an grayth yn hy ese
mcms222.8  nas gwe3e an spyrys sans

mcms223.1  dre y holon y 3eth seth
mcms223.2  y mab syndis pan welse
mcms223.3  moreth an seth ha pytet
mcms223.4  natureth a ha denseth
mcms223.5  ha pen arall o pytet
mcms223.6  tackis fast gans kerense
mcms223.7  ny wo3evys den bythqueth
mcms223.8  kymmys peynys ow pewe

mcms224.1  an seth yw rag leueris
mcms224.2  as gwyskis tyn gans mur angus
mcms224.3  war hy holon may crunys
mcms224.4  dre nerth an bum fynten woys
mcms224.5  ha hy a wolas kymmys
mcms224.6  gans mar ver nerth ha galloys
mcms224.7  an fynten may trehevys
mcms224.8  ran yn ban du droka loys

mcms225.1  an goysna dagrennow try
mcms225.2  dre y ij lagas y 3eth
mcms225.3  ny go comfort na yly
mcms225.4  a wrello y holon hueth
mcms225.5  hay veynys mar drewesy
mcms225.6  askemar ha kymmys cueth
mcms225.7  yn oll an bys ny ylly
mcms225.8  den cafos kymmys anfueth

mcms226.1  i feynys o bras ha creff
mcms226.2  yn ioy 3e3y trylys yw
mcms226.3  rag mygternes yw yn nef
mcms226.4  3e vos gor3ijs hy yv gyw
mcms226.5  eleth 3e rygthy a seff
mcms226.6  leas myll y both a syw
mcms226.7  hay mab as gorth del vyn ef
mcms226.8  tecke ys houl yv y lyw

mcms227.1  in corff ihesus y 3ese
mcms227.2  hag ef yn crows ow cregy
mcms227.3  pymp myll strekis del iove
mcms227.4  ha pedergwyth cans goly
mcms227.5  ha tryvgons moy ganse
mcms227.6  ha pym3ek pur wyr ens y
mcms227.7  hag ol rag pur gerense
mcms227.8  worth mab den ys go3evy

mcms228.1  pub te3oll neb a vynne
mcms228.2  leuerel pym3ek pater
mcms228.3  a leun golon rag gor3ye
mcms228.4  pascon agan arluth ker
mcms228.5  yn bly3en y a vye
mcms228.6  ha bederow keneuer
mcms228.7  hag a owleow ese
mcms228.8  yn gorf ihesus worth neuer

mcms229.1  en e3ewon ny vynne
mcms229.2  bos an laddron ow cregy
mcms229.3  ternos rag pasch o 3e3e
mcms229.4  dyth vghel y a sensy
mcms229.5  an e3ewon yn tre3e
mcms229.6  a rug may wrellons terry
mcms229.7  aga mor3osow whare
mcms229.8  hag a lena aga dry

mcms230.1  erbyn bonas henna guris
mcms230.2  nanso prys gwespar yn wlas
mcms230.3  yn erna yn weth kemeas
mcms230.4  3e iosep y a rontyas
mcms230.5  hag an grous del o prys
mcms230.6  corf ihesus a gemeras
mcms230.7  tyr marya me a gris
mcms230.8  pur ylwys an gweresas

mcms231.1  mam ihesus cryst amme
mcms231.2  corf y mab pur drewesy
mcms231.3  hay daggrow a 3evere
mcms231.4  a no3o pan predery
mcms231.5  han anken mur asgrevye
mcms231.6  pan vyre worth y woly
mcms231.7  yn tenewen y 3ese
mcms231.8  dre an golon astylly

mcms232.1  iosep 3e gryst a vynnas
mcms232.2  y arrow hay 3effregh whek
mcms232.3  yn vaner del yn whas
mcms232.4  hag as ystynnas pur dek
mcms232.5  a dro 3y gorff y trylyas
mcms232.6  sendall rych yn luas pleg
mcms232.7  ha marya leun a ras
mcms232.8  ganso trest ha more3ek

mcms233.1  ena vn lowarth ese
mcms233.2  ha ynno nyn io parys
mcms233.3  den marow rag receve
mcms233.4  newyth parrys nyn io vsijs
mcms233.5  corff ihesus crist yn tre3e
mcms233.6  3en logell a ve degys
mcms233.7  hag a heys 3e wrowe3e
mcms233.8  ynno ef a ve gesys

mcms234.1  vn den da c(ri)st a gara
mcms234.2  nycodemus y hanow
mcms234.3  eff nyn io hardh 3y notya
mcms234.4  rag own cafos y ankow
mcms234.5  dworennos yn pur brena
mcms234.6  ef eth 3en corff o marow
mcms234.7  gans vnnient 3o3o esa
mcms234.8  ha spycis a vur rasow

mcms235.1  nycodemus a vras
mcms235.2  corff ihesus hay esely
mcms235.3  oynment o a gymmys ras
mcms235.4  may we3e corf heb pedry
mcms235.5  nagonon ef ny asas
mcms235.6  heb vre ay esely
mcms235.7  yn delma ef an dy3gtyas
mcms235.8  mey eyn sur o y wely

mcms236.1  ha spycis leas ehen
mcms236.2  ef a worras yn y veth
mcms236.3  3e gryst a bub tenewen
mcms236.4  hag a 3yghow hag a gleth
mcms236.5  worth y dreys ha worth y ben
mcms236.6  ha war ol y gorf yn weth
mcms236.7  dysque3yens war lyrgh anken
mcms236.8  be3e mygtern yn deweth

mcms237.1  han e3ewon a worras
mcms237.2  a vgh ihesus crist vn men
mcms237.3  leden o ha poys ha bras
mcms237.4  moy agis gauel tredden
mcms237.5  ganso drys nos y 3olyas
mcms237.6  yn y seruys neb o len
mcms237.7  an nosna a dremenas
mcms237.8  hag oll y drok hay anken

mcms238.1  ternoys y sordyas bresel
mcms238.2  gans an e3ewon goky
mcms238.3  lauarow tyn hag vghel
mcms238.4  fest yn foll y a gewsy
mcms238.5  may 3ens y parys 3en well
mcms238.6  ny wo3yens y 3ystrowy
mcms238.7  rag ihesus 3e leuerell
mcms238.8  yn tressa dyth y sevy

mcms239.1  in vn stevya oll y eth
mcms239.2  bys yn pylat o iustis
mcms239.3  vn e3ow 3o3o yn freth
mcms239.4  yn delma a leuerys
mcms239.5  ny a yll yn nos haneth
mcms239.6  fest dystough bonas kellys
mcms239.7  ha may fo dynny 3e weth
mcms239.8  rag bonas ihesus le3ys

mcms240.1  rag an traytor a gewsys
mcms240.2  ha 3e rag leas huny
mcms240.3  war lyrgh y vonas le3ys
mcms240.4  3en tressa dyth y seuy
mcms240.5  mars mara pe3a degis
mcms240.6  gans y dus nan caffan ny
mcms240.7  yn vrna byth leuerys
mcms240.8  ef 3e sevell dre vestry

mcms241.1  pylat a yrghys 3e3e
mcms241.2  war beyn kylly an bewnans
mcms241.3  monas 3en corf 3y we3e
mcms241.4  nan kemerre y yskerans
mcms241.5  hag yn nos oll aspye
mcms241.6  ha gwy3e tam na guskens
mcms241.7  y eth yn vn fystene
mcms241.8  peswar marrek yrvys ens

mcms242.1  pan de3ens y bys yn beth
mcms242.2  y 3eth vn marrek 3y ben
mcms242.3  hag arall 3y dreys yn weth
mcms242.4  yrvys fast bys yn 3ewen
mcms242.5  hag a 3yghow hag a gleth
mcms242.6  onon a bub tenewen
mcms242.7  bost a wrens tyn ha deveth
mcms242.8  yn gwe3ens worth y ehen

mcms243.1  en varogyon a guskas
mcms243.2  myttyn han gyth ow tar3e
mcms243.3  ha ihesus a 3e3oras
mcms243.4  hag eth yn le may fynne
mcms243.5  den a pert ha mur y ras
mcms243.6  golow cleyr ow tewynnye
mcms243.7  ef e wre oll y vynnas
mcms243.8  y ny yllens y we3e

mcms244.1  pan o pur holergh an gyth
mcms244.2  y tefenas vn marrek
mcms244.3  del deth an nef war y fyth
mcms244.4  ef a welas golow tek
mcms244.5  han meyn vmhelys yn weth
mcms244.6  ese a vgh ihesus whek
mcms244.7  ha warno3o a yseth
mcms244.8  ell benegas lowenek

mcms245.1  en marrek na a sevys
mcms245.2  oll yn ban y gowe3e
mcms245.3  ha 3e3e a leuerys 
mcms245.4  a ihesus fatell vye
mcms245.5  an denma re drehevys
mcms245.6  gallas ny wo3an pele
mcms245.7  lemman na veny le3ys
mcms245.8  nyn ges forth 3e omwe3e 

mcms246.1  marrak arall a gowsas
mcms246.2  gony vyth pan veyn genys
mcms246.3  tru a thu elhas elhas
mcms246.4  gans vn huyn re ben tullys
mcms246.5  an bewnans ny re gollas
mcms246.6  hag yn weth agan fleghys
mcms246.7  om 3yghtyn trussen anwlas
mcms246.8  fyan na veny kefys

mcms247.1  an peswore a gewsys
mcms247.2  na whelyn gwevye an pow
mcms247.3  kepar del ve 3en iustis
mcms247.4  dun leueryn war anow
mcms247.5  ay veth del yw drehevys
mcms247.6  na leueryn vn ger gow
mcms247.7  y a ruge a 3esympys
mcms247.8  oll war lyrgh y arhadow

mcms248.1  i eth yn vn fystene
mcms248.2  3e pylat aga iustis
mcms248.3  en deskyens del vye
mcms248.4  ha 3o3o a leuerys
mcms248.5  re safse crist heb strevye
mcms248.6  ol 3y voth gans golowys
mcms248.7  ha na yllens y gwy3e
mcms248.8  y voth na vo colenwys

mcms249.1  ena pylat pan glewas
mcms249.2  yn delma y 3e gewsell
mcms249.3  prederow an kemeras
mcms249.4  rak own y 3e leuerell
mcms249.5  ha 3y notye drys an wlas
mcms249.6  sur a ogas hag a bell
mcms249.7  may teffe tus gans nerth bras
mcms249.8  erbyn rag gustle bell

mcms250.1  rag henna pylat a ros
mcms250.2  3en vorogyon aga ro
mcms250.3  may lavarsans hadolos
mcms250.4  yn pub tyller dris an vro
mcms250.5  3e vos tus yrvys yn nos
mcms250.6  warne3e kymmys a dro
mcms250.7  na gens y hardh 3e wortos
mcms250.8  lemmen oll monas 3en fo

mcms251.1  en varogyon pan glewas
mcms251.2  pylat ov cows yn della
mcms251.3  mur a ioy askemeras
mcms251.4  y 3e 3eank yn della
mcms251.5  an peynys o creff ha bras
mcms251.6  ha cafos rohow ma 3a
mcms251.7  both pylat y a notyas
mcms251.8  yn le may 3ens rak henna 

mcms252.1  in keth gythna pur avar
mcms252.2  han houll nowyth drehevys
mcms252.3  tyr marea cleyr ha whar
mcms252.4  a 3eth 3en beth leuerys
mcms252.5  ha ganse oynment heb par
mcms252.6  rag corf ihesus o prennys
mcms252.7  whath yn erna nyn gens war
mcms252.8  bonas mab du drehevys

mcms253.1  pan o an tyr marya
mcms253.2  ogas 3en beth deuethys
mcms253.3  an meyn esa a war3a
mcms253.4  y an guelas drehevys
mcms253.5  en benenas yn delma
mcms253.6  yn tre3e a leuerys
mcms253.7  3e worth an beth an meynma
mcms253.8  3ynny pu an ommelys

mcms254.1  en benenas leun a ras
mcms254.2  gans an beth fast powessens
mcms254.3  worth an pen y a welas
mcms254.4  3en beth yw leueris kens
mcms254.5  vn flough yonk gwyn y 3yllas
mcms254.6  eyll o ha y ny wo3yens
mcms254.7  scruth own mur askemeras
mcms254.8  rag an marthus re welsens

mcms255.1  en eyll a gewsys 3e3e
mcms255.2  na ve3ough dyscomfortis
mcms255.3  ihesus crist a na3ary
mcms255.4  del welsough a ve lethys
mcms255.5  sevys gallas 3e gen le
mcms255.6  den a pert ha mur y breys
mcms255.7  a wotta an le may 3ese
mcms255.8  vmma nyn gew ef tregis

mcms256.1  eugh yn fen 3y 3yschyblon
mcms256.2  ha leuerough wy 3e3e
mcms256.3  ha 3e pedyr dos yn scon
mcms256.4  erbyn 3e alyle
mcms256.5  ena crist an kuf colon
mcms256.6  wy an kyff yn lowene
mcms256.7  del leuerys y honon
mcms256.8  yn kyg yn goys ow pewe

mcms257.1  gans henna y a drylyas
mcms257.2  confortis ha lowenek
mcms257.3  hag eth tus crist rag whelas
mcms257.4  hag as cafos more3ek
mcms257.5  y lauarsons ol an cas
mcms257.6  y 3e3ons yn vn tonek
mcms257.7  bys yn galyle 3y whelas
mcms257.8  ha 3e gows worth ihesus wek

mcms258.1  pan de3ons 3e alyle
mcms258.2  ihesus crist y a welas
mcms258.3  yn y 3ensys ow pewe
mcms258.4  den apert ha mur y ras
mcms258.5  ol y beyn yntremense
mcms258.6  ha trylys ens yn ioy bras
mcms258.7  hag a vyth 3ynny neffre
mcms258.8  mar a cresyn ha bos vas

mcms259.1  del sevys mab du ay veth
mcms259.2  yn erna 3en tressa dyth
mcms259.3  yn della ol ny a seff
mcms259.4  deth brues drok ha da yn weth
mcms259.5  obereth dremas a dyff
mcms259.6  yn erna rych ef a vyth
mcms259.7  drok 3en yn gythna goef
mcms259.8  3e gryst y fyth anbarth cleth